കാഷ്മീരിൽ ഭീകരാക്രമണം; അഞ്ചു സിആർപിഎഫ് ജവാന്മാർക്കു വീരമൃത്യു : Deepika.com National News |

Click here for detailed news of all items

കാഷ്മീരിൽ ഭീകരാക്രമണം; അഞ്ചു സിആർപിഎഫ് ജവാന്മാർക്കു വീരമൃത്യു

Thursday, June 13, 2019 12:46 AM IST

ശ്രീനഗർ: കാഷ്മീരിലെ അനന്ത്നാഗിൽ ജയ്ഷ് ഇ മുഹമ്മദ് ഭീകരരുടെ ആക്രമണത്തിൽ അഞ്ചു സിആർപിഎഫ് ജവാന്മാർ വീരമൃത്യു വരിച്ചു. മൂന്നു ജവാന്മാർക്കു പരിക്കേറ്റു. സുരക്ഷാസൈനികർ നടത്തിയ തിരിച്ചടിയിൽ ഒരു ഭീകരൻ കൊല്ലപ്പെട്ടു.

ഇന്നലെ ഉച്ചകഴിഞ്ഞ് ഖാൻബാൾ-പഗൽഗാം റോഡിൽ ബൈക്കിലെത്തിയ രണ്ടു ഭീകരർ സിആർപിഎഫ് സംഘത്തിനു നേർക്ക് വെടിയുതിർക്കുകയായിരുന്നു. തുടർന്നുണ്ടായ ഏറ്റുമുട്ടലിൽ നാലു സിആർപിഎഫ് ജവാന്മാർ വീരമൃത്യു വരിച്ചു. ആക്രമണം നടന്ന സ്ഥലത്ത് സിആർപിഎഫ് 116-ാം ബറ്റാലിയന്‍റെ ബ്രാവോ കന്പനിയെയും സംസ്ഥാന പോലീസ് സേനാംഗങ്ങളെയും വിന്യസിച്ചിരുന്നു. സുരക്ഷാസൈനികർക്കു നേർക്ക് ഭീകരർ തുരുതുരാ വെടിയുതിർക്കുകയും ഗ്രനേഡ് എറിയുകയും ചെയ്തു. ഏറ്റുമുട്ടലിൽ ഒരു ഭീകരൻ കൊല്ലപ്പെട്ടു. രണ്ടാമത്തെയാൾ രക്ഷപ്പെട്ടു.

അനന്ത്നാഗ് സ്റ്റേഷൻ ഹൗസ് ഓഫീസർ അർഷദ് അഹമ്മദിന് ഏറ്റുമുട്ടലിൽ പരിക്കേറ്റു. അൽ-ഉമർ മുജാഹിദ്ദീൻ എന്ന നിഷ്ക്രിയ ഭീകരസംഘടന ആക്രമണത്തിന്‍റെ ഉത്തരവാദിത്വമേറ്റെങ്കിലും ജയ്ഷ്-ഇ-മുഹമ്മദ് ആണ് ആക്രമണത്തിനു പിന്നിലെന്ന് സൈന്യം അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.