ചന്ദ്രയാൻ-2 ‘അഭി’മാനത്ത്', ചന്ദ്രന്‍റെ ദക്ഷിണധ്രുവത്തിലെ ആദ്യ പര്യവേക്ഷണം : Deepika.com National News |

Click here for detailed news of all items

ചന്ദ്രയാൻ-2 ‘അഭി’മാനത്ത്', ചന്ദ്രന്‍റെ ദക്ഷിണധ്രുവത്തിലെ ആദ്യ പര്യവേക്ഷണം

Tuesday, July 23, 2019 1:47 AM IST

ശ്രീഹരിക്കോട്ട (ആന്ധ്രപ്രദേശ്): പൊൻതിങ്കൾക്കല തേടി തിങ്കളിൽ ചാന്ദ്രയാൻ 2 ന്‍റെ കുതിപ്പ്. ഇന്ത്യയുടെ രണ്ടാം ചാന്ദ്രദൗത്യം ചന്ദ്രയാൻ -2 സതീഷ് ധവാൻ സ്പേസ് സെന്‍ററിലെ ലോഞ്ച് പാഡിൽനിന്ന് ഇന്നലെ ഉച്ചകഴിഞ്ഞ് 2.43ന് വിജയകരമായി വിക്ഷേപിച്ചു. ശ്രീഹരിക്കോട്ടയിലെ മേഘാവൃതമായ ആകാശത്തെ കീറിമുറിച്ച് ജിഎസ്എൽവി മാർക്ക് ത്രി-എം ഒന്ന് റോക്കറ്റിലേറിയായിരുന്നു ചന്ദ്രയാൻ-2 ന്‍റെ യാത്ര.

ഇതുവരെ ഒരു പരീക്ഷണദൗത്യവും കടന്നുചെല്ലാത്ത ചന്ദ്രന്‍റെ ഇരുൾ മൂടിയ ദക്ഷിണധ്രുവത്തിലേക്കാണുചന്ദ്രയാൻ-2 ന്‍റെ യാത്ര. സെപ്റ്റംബർ ഏഴിനു ദക്ഷിണധ്രുവത്തിൽ റോവർ (പര്യവേക്ഷണപേടകം) ലാൻഡ് ചെയ്യിക്കാനാണ് ഇന്ത്യൻ ബഹിരാകാശ ഗവേഷണ ഏജൻസി (ഇസ്രോ) യുടെ പദ്ധതി.

വിക്ഷേപിച്ച് 16 മിനിറ്റിനുള്ളിൽ ജിഎസ്എൽവി മാർക്ക് ത്രി-എം ഒന്ന് 3,877 കിലോഗ്രാം ഭാരമുള്ള ചാന്ദ്രപേടകത്തെ ഭൂമിയുടെ ഭ്രമണപഥത്തിൽ എത്തിച്ചു. ജൂലൈ 15ന് നിശ്ചയിച്ചിരുന്ന വിക്ഷേപണം 56 മിനിറ്റ് മുന്പ് സാങ്കേതിക തകരാറിനെത്തുടർന്ന് മാറ്റിവച്ചിരുന്നു. ചന്ദ്രയാൻ-2 വിജയകരമായി പൂർത്തിയായാൽ ചന്ദ്രനിൽ സോഫ്റ്റ് ലാൻഡിംഗ് നടത്തുന്ന നാലാമത്തെ രാജ്യമായി ഇന്ത്യ മാറും. നേരത്തേ റഷ്യ, യുഎസ്, ചൈന രാജ്യങ്ങൾ ഈ നേട്ടം കൈവരിച്ചിട്ടുണ്ട്.

ചന്ദ്രയാൻ 2 ഭൂമിയുടെ ഭ്രമണപഥത്തിൽ എത്തിയതോടെ ശ്രീഹരിക്കോട്ടയിലെ മിഷൻ കൺട്രോൾ റൂമിൽ ആഹ്ളാദാരവമുയർന്നു. സാങ്കേതിക തടസത്തിനുശേഷം ഞങ്ങൾ, വർണരാജിയിലേക്കു തിരികെയെത്തി. ചെറിയ തടസത്തിനുശേഷം കൈവന്ന വിജയമാണിതെന്ന് ഇസ്രോ

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.