National News
ചന്ദ്രശേഖർ ആസാദിന്‍റെ ജാമ്യഹർജി: ഡൽഹി പോലീസിന്‍റെ വക്കീലിനോട് ഭരണഘടന വായിച്ചിട്ടുണ്ടോയെന്ന് ജഡ്ജി
ചന്ദ്രശേഖർ ആസാദിന്‍റെ ജാമ്യഹർജി: ഡൽഹി പോലീസിന്‍റെ വക്കീലിനോട് ഭരണഘടന വായിച്ചിട്ടുണ്ടോയെന്ന് ജഡ്ജി
Wednesday, January 15, 2020 12:23 AM IST
ന്യൂ​ഡ​ൽ​ഹി: ഡ​ൽ​ഹി ജു​മാ മ​സ്ജി​ദി​നു മു​ന്നി​ൽ പൗ​ര​ത്വ നി​യ​മ ഭേ​ദ​ഗ​തി​ക്കെ​തി​രേ ന​ട​ന്ന പ്ര​തി​ഷേ​ധ​ത്തെ കൈ​കാ​ര്യം ചെ​യ്ത ഡ​ൽ​ഹി പോ​ലീ​സ് ന​ട​പ​ടി​യെ രൂ​ക്ഷ​മാ​യി വി​മ​ർ​ശി​ച്ചു കോ​ട​തി. പ്ര​തി​ഷേ​ധ​ത്തി​നി​ടെ പോ​ലീ​സി​നു പി​ടികൊ​ടു​ത്ത ഭീം ​ആ​ർ​മി നേ​താ​വ് ച​ന്ദ്രശേ​ഖ​ർ ആ​സാ​ദി​ന്‍റെ ജാ​മ്യഹ​ർ​ജി പ​രി​ഗ​ണി​ക്കു​ന്പോ​ഴാ​ണ് ഡ​ൽ​ഹി തീ​സ് ഹ​സാ​രി കോ​ട​തി പോ​ലീ​സി​നെ​യും പ​ബ്ലി​ക് പ്രോ​സി​ക്യൂ​ട്ട​റെ​യും രൂ​ക്ഷ​മാ​യി വി​മ​ർ​ശി​ച്ച​ത്.

ച​ന്ദ്ര​ശേ​ഖ​ർ ആ​സാ​ദി​ന് എ​തി​രേ​യു​ള്ള കു​റ്റ​പ​ത്രം എ​വി​ടെ​യെ​ന്നു ചോ​ദി​ച്ച​പ്പോ​ൾ അ​തേ​ക്കു​റി​ച്ച് ത​നി​ക്കറി​യി​ല്ലെ​ന്നാ​യി​രു​ന്നു പ​ബ്ലി​ക് പ്രോ​സി​ക്യൂ​ട്ട​റു​ടെ മ​റു​പ​ടി. അ​ദ്ഭുത​പ്പെ​ട്ടു പോ​യ ജ​ഡ്ജി കാ​മി​നി ല​വ് പി​ന്നെ എ​ന്ത​ടി​സ്ഥാ​ന​ത്തി​ലാ​ണ് ജാ​മ്യം ന​ൽ​ക​രു​തെ​ന്ന് വാ​ദി​ക്കു​ന്ന​തെ​ന്നു ചോ​ദി​ച്ചു. ച​ന്ദ്ര​ശേ​ഖ​ർ സോ​ഷ്യ​ൽ മീ​ഡി​യ​യി​ൽ സ​മ​ര​ത്തി​ന് ആ​ഹ്വാ​നം ന​ൽ​കി എ​ന്നാ​യി​രു​ന്നു പോ​ലീ​സ് അ​ഭി​ഭാ​ഷ​ക​ന്‍റെ വാ​ദം. താ​ൻ ജു​മ മ​സ്ജി​ദി​ലേ​ക്ക് പ്ര​തി​ഷേ​ധ​ത്തി​ന് പോ​കു​ക​യാ​ണെ​ന്നു സൂ​ച​ന ന​ൽ​കി​യാ​യി​രു​ന്നു ഈ ​പോ​സ്റ്റു​ക​ൾ എ​ന്നും അ​ഭി​ഭാ​ഷ​ക​ൻ പ​റ​ഞ്ഞു. തെ​ളി​വു​ണ്ടോ എ​ന്ന് ച​ന്ദ്ര​ശേ​ഖ​റി​ന്‍റെ അ​ഭി​ഭാ​ഷ​ക​ൻ മ​ഹ​മ്മൂ​ദ് പ്രാ​ച ചോ​ദി​ച്ച​പ്പോ​ഴും പ​ബ്ലി​ക് പ്രോ​സി​ക്യൂ​ട്ട​ർ കൈ ​മ​ല​ർ​ത്തി. അ​തോ​ടെ എ​ന്ത​ടി​സ്ഥാ​ന​ത്തി​ലാ​ണ് നി​ങ്ങ​ൾ വാ​ദി​ക്കു​ന്ന​തെ​ന്ന് ചോ​ദി​ച്ചു ജ​ഡ്ജി വീ​ണ്ടും ഇ​ട​പെ​ട്ടു.

ച​ന്ദ്ര​ശേ​ഖ​റി​ന്‍റെ ട്വി​റ്റ​റി​ൽ ഉ​ൾ​പ്പെടെ​യു​ള്ള പോ​സ്റ്റ് അ​ഭി​ഭാ​ഷ​ക​ൻ വാ​യി​ച്ചു കേ​ൾ​പ്പി​ച്ച​പ്പോ​ഴും അ​തി​ലെ​ന്താ​ണ് തെ​റ്റെ​ന്നാ​യി​രു​ന്നു ജ​ഡ്ജി​യു​ടെ ചോദ്യം. ഒ​രു ധ​ർ​ണ​യി​ലെ​ന്താ​ണ് കു​ഴ​പ്പം. പ്ര​തി​ഷേ​ധ​ത്തി​ലും എ​ന്താ​ണ് കു​ഴ​പ്പും. പ്ര​തി​ഷേ​ധം ഒ​രാ​ളു​ടെ ഭ​ര​ണ​ഘ​ട​നാ​പ​ര​മാ​യ അ​വ​കാ​ശമ​ല്ലേ എ​ന്നാ​യി​രു​ന്നു ജ​ഡ്ജി​യു​ടെ ചോ​ദ്യം.

ജു​മ മ​സ്ജി​ദ് പാ​ക്കി​സ്ഥാ​നി​ൽ ആ​ണെ​ന്ന മ​ട്ടി​ലാ​ണ് ഡ​ൽ​ഹി പോ​ലീ​സ് അ​വി​ടെ പെ​രു​മാ​റി​യ​ത്. ഇ​നി അ​ത് പാ​ക്കി​സ്ഥാ​നി​ൽ ത​ന്നെ​യാ​ണെ​ങ്കി​ൽ ത​ന്നെ നി​ങ്ങ​ൾ​ക്ക് അ​വി​ടെ പോ​കു​ക​യും പ്ര​തി​ഷേ​ധി​ക്കു​ക​യും ചെ​യ്യാം. പാ​ക്കി​സ്ഥാ​ൻ അ​വി​ഭ​ക്ത ഇ​ന്ത്യ​യു​ടെ ഭാ​ഗ​മാ​യി​രു​ന്നു. ആ​സാ​ദി​ന്‍റെ ഒ​രു സോ​ഷ്യ​ൽ മീ​ഡി​യ പോ​സ്റ്റിൽപോ​ലും ഭ​ര​ണ​ഘ​ട​നാവി​രു​ദ്ധ​മാ​യി ഒ​ന്നുംത​ന്നെ​യി​ല്ലെ​ന്നും ജ​ഡ്ജി വ്യ​ക്ത​മാ​ക്കി. പ്ര​തി​ഷേ​ധ​ത്തി​ന് അ​നു​വാ​ദം അ​നി​വാ​ര്യം ആ​ണെ​ന്നാ​യി​രു​ന്നു അ​ഭി​ഭാ​ഷ​ക​ന്‍റെ അ​ടു​ത്ത വാ​ദം.


എ​ന്ത് അ​നു​വാ​ദം എ​ന്നാ​യി​രു​ന്നു ജ​ഡ്ജി​യു​ടെ മ​റു ചോ​ദ്യം. നി​രോ​ധ​നാ​ജ്ഞ ആ​വ​ർ​ത്തി​ച്ചു ന​ട​പ്പി​ലാ​ക്കു​ന്ന​ത് ത​ന്നെ തെ​റ്റാ​ണ്. പാ​ർ​ല​മെ​ന്‍റി​ന്‍റെ പു​റ​ത്ത് പോ​ലും ആ​ളു​ക​ൾ പ്ര​തി​ഷേ​ധി​ക്കു​ന്നി​ല്ലേ എ​ന്നും ജ​ഡ്ജി ചോ​ദി​ച്ചു.
ഏ​തെ​ങ്കി​ലും മ​ത​സ്ഥാ​പ​ന​ത്തി​ന് മു​ന്നി​ൽ പ്ര​തി​ഷേ​ധി​ക്കു​ന്ന​തി​ന് നി​യ​മ ത​ട​സ​മു​ണ്ടോ എ​ന്നും നി​ങ്ങ​ൾ ഭ​ര​ണ​ഘ​ട​ന വാ​യി​ച്ചി​ട്ടു​ണ്ടോ എ​ന്നും കോ​ട​തി ചോ​ദി​ച്ചു. ച​ന്ദ്ര​ശേ​ഖ​ർ ആ​സാ​ദ് വ​ള​ർ​ന്നുവ​രു​ന്ന ഒ​രു രാ​ഷ്‌ട്രീയനേ​താ​വാ​ണെ​ന്നും അ​ദ്ദേ​ഹ​ത്തി​ന് പ്ര​തി​ഷേ​ധി​ക്കാ​നു​ള്ള അ​വ​കാ​ശമു​ണ്ടെ​ന്നും ജ​ഡ്ജി വ്യ​ക്ത​മാ​ക്കി.
ചെ​റി​യ കാ​ര്യ​ങ്ങ​ളി​ൽ പോ​ലും വ​ലി​യ തെ​ളി​വു​ക​ളു​മാ​യി വ​രു​ന്ന ഡ​ൽ​ഹി പോ​ലീ​സി​ന് ച​ന്ദ്ര​ശേ​ഖ​റി​ന്‍റെ മേ​ലു​ള്ള ആ​രോ​പ​ണ​ങ്ങ​ളി​ൽ മാ​ത്രം എ​ന്താ​ണ് തെ​ളി​വി​ല്ലാ​ത്ത​തെ​ന്നും ജ​ഡ്ജി ചോ​ദി​ച്ചു. ആ​സാ​ദ് പ്ര​കോ​പ​ന​പ​ര​മാ​യി പ്ര​സം​ഗി​ക്കു​ന്ന​തി​ന്‍റെ ദൃ​ശ്യം ഡ്രോ​ണ്‍ ഉ​പ​യോ​ഗി​ച്ചു ഷൂ​ട്ട് ചെ​യ്തി​ട്ടു​ണ്ടെ​ന്നാ​ണ് ഇ​തി​നു​ത്ത​ര​മാ​യി പ്രോ​സി​ക്യൂ​ട്ട​ർ പ​റ​ഞ്ഞ​ത്. എ​ന്നാ​ൽ, ജു​മ മ​സ്ജി​ദി​നു മു​ന്നി​ൽ ആ​സാ​ദ് ഭ​ര​ണ ഘ​ട​ന വാ​യി​ക്കു​ക മാ​ത്ര​മാ​യി​രു​ന്നു എ​ന്നും പ്ര​സം​ഗി​ച്ചി​ല്ലെ​ന്നും അ​ദ്ദേ​ഹ​ത്തി​ന്‍റെ അ​ഭി​ഭാ​ഷ​ക​ൻ വ്യ​ക്ത​മാ​ക്കി.
ആ​സാ​ദി​ന്‍റെ ജാ​മ്യ ഹ​ർ​ജി​യി​ൽ വാ​ദം കേ​ൾ​ക്കു​ന്ന​ത് ഇ​ന്നും തു​ട​രും. അ​റ​സ്റ്റു​മാ​യി ബ​ന്ധ​പ്പെ​ട്ട അ​ന്വേ​ഷ​ണ​വു​മാ​യി പൂ​ർ​ണ​മാ​യും സ​ഹ​ക​രി​ക്കു​മെ​ന്നും തെ​ളി​വു​ക​ൾ ഒ​ന്നും ന​ശി​പ്പി​ക്കു​ക​യോ സാ​ക്ഷി​ക​ളെ സ്വാ​ധീ​നി​ക്കു​ക​യോ ചെ​യ്യി​ല്ലെ​ന്നും ആ​സാ​ദി​ന്‍റെ ജാ​മ്യം ഹ​ർ​ജി​യി​ൽ വ്യ​ക്ത​മാ​ക്കി​യി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.