National News
പ​ട്ട​യ​ഭൂ​മി​യി​ലെ വാ​ണി​ജ്യ​ കെട്ടിട നി​ർ​മാ​ണ നി​യ​ന്ത്ര​ണം : കേരളത്തിന്‍റെ ഹർജി സുപ്രീംകോടതി തള്ളി
പ​ട്ട​യ​ഭൂ​മി​യി​ലെ വാ​ണി​ജ്യ​ കെട്ടിട നി​ർ​മാ​ണ നി​യ​ന്ത്ര​ണം : കേരളത്തിന്‍റെ ഹർജി സുപ്രീംകോടതി തള്ളി
Friday, November 20, 2020 12:22 AM IST
ന്യൂ​ഡ​ൽ​ഹി: പ​ട്ട​യഭൂ​മി​യി​ലെ വാ​ണി​ജ്യ കെട്ടിട നി​ർ​മാ​ണ​ങ്ങ​ൾ​ക്ക് ഏ​ർ​പ്പെ​ടു​ത്തി​യ നി​യ​ന്ത്ര​ണം ഇ​ടു​ക്കി​യി​ൽ മാ​ത്ര​മാ​യി പ​രി​മി​ത​പ്പെ​ടു​ത്ത​രു​തെ​ന്നു സു​പ്രീംകോ​ട​തി. 1964ലെ ​ഭൂ​പ​തി​വു നി​യ​മ​ത്തി​ലെ​യും അ​നു​ബ​ന്ധ ച​ട്ട​ങ്ങ​ളി​ലെ​യും വ്യ​വ​സ്ഥ​ക​ൾ കേ​ര​ള​ത്തി​ലാ​കെ ന​ട​പ്പാ​ക്ക​ണ​മെ​ന്ന ഹൈ​ക്കോ​ട​തി ഉ​ത്ത​ര​വി​നെ​തി​രെ സം​സ്ഥാ​ന സ​ർ​ക്കാ​ർ ന​ൽ​കി​യ ഹ​ർ​ജി ത​ള്ളി​ക്കൊ​ണ്ടാ​ണു സു​പ്രീംകോ​ട​തി​യു​ടെ ന​ട​പ​ടി. കേ​ര​ള​ത്തി​ലെ മ​റ്റു ജി​ല്ല​ക​ളി​ൽ പ​ട്ട​യഭൂ​മി​യി​ല്ലേ​യെ​ന്നും സം​സ്ഥാ​ന സ​ർ​ക്കാ​രി​ന്‍റെ അ​ഭി​ഭാ​ഷ​ക​നോ​ടു കോ​ട​തി ചോ​ദി​ച്ചു.

ഇ​ടു​ക്കി ജി​ല്ല​യി​ൽ ഭൂ​പ​തി​വ് ച​ട്ട​പ്ര​കാ​രം പ​തി​ച്ചു ന​ൽ​കി​യ പ​ട്ട​യ ഭൂ​മി​യി​ൽ വാ​ണി​ജ്യാ​വ​ശ്യ​ങ്ങ​ൾ​ക്കു​ള്ള കെട്ടിട നി​ർ​മാ​ണം നി​രോ​ധി​ച്ച​തി​നെ​തിരെ ന​ൽ​കി​യ ഹ​ർ​ജി​യി​ലാ​ണു നി​യ​മം കേ​ര​ളം മു​ഴു​വ​ൻ ബാ​ധ​ക​മാ​ക്ക​ണ​മെ​ന്നു ഹൈ​ക്കോ​ട​തി ഉ​ത്ത​ര​വി​ട്ട​ത്. ഇ​തി​നെ​തി​രെ​യാ​ണു സം​സ്ഥാ​ന സ​ർ​ക്കാ​ർ സു​പ്രീംകോ​ട​തി​യി​ൽ അ​പ്പീ​ൽ ന​ൽ​കി​യ​ത്. ഹ​ർ​ജി പ​രി​ഗ​ണി​ച്ച ജ​സ്റ്റീ​സു​മാ​രാ​യ അ​ബ്ദു​ൾ ന​സീ​ർ, സ​ഞ്ജീ​വ് ഖ​ന്ന എ​ന്നി​വ​രു​ടെ ബെ​ഞ്ച്, ഒ​രു ജി​ല്ല​യി​ൽ മാ​ത്രം എ​ങ്ങ​നെ നി​യ​ന്ത്ര​ണം പ​രി​മി​ത​പ്പെ​ടു​ത്താ​നാ​കു​മെ​ന്ന് ആ​രാ​ഞ്ഞു. ഉ​ത്ത​ര​വ് ന​ട​പ്പി​ലാ​ക്കാ​ത്ത​തി​നെ​തി​രേ കോ​ട​തി​യ​ല​ക്ഷ്യ ന​ട​പ​ടി​യി​ലും ഇ​ട​പെ​ടാ​ൻ സു​പ്രീംകോ​ട​തി ത​യാ​റാ​യി​ല്ല.

ഇ​ടു​ക്കി ജി​ല്ല​യി​ലെ പ​ട്ട​യ​ഭൂ​മി​യി​ൽ മാ​ത്രം നി​ർ​മാ​ണനി​യ​ന്ത്ര​ണം ഏ​ർ​പ്പെ​ടു​ത്തി​യ​ത് ഭ​ര​ണ​ഘ​ട​ന​യു​ടെ 14-ാം അ​നു​ച്ഛേ​ദ​ത്തി​ന്‍റെ ലം​ഘ​ന​മാ​ണെ​ന്നു ഹൈ​ക്കോ​ട​തി​യെ സ​മീ​പി​ച്ച ഹ​ർ​ജി​ക്കാ​ർ​ക്കു വേ​ണ്ടി മു​തി​ർ​ന്ന അ​ഭി​ഭാ​ഷ​ക​ൻ പി. ​ചി​ദം​ബ​ര​വും അ​ഭി​ഭാ​ഷ​ക​ൻ മാ​ത്യു കു​ഴ​ൽ​നാ​ട​നും വാ​ദി​ച്ചു. ഹൈ​ക്കോ​ട​തി ഉ​ത്ത​ര​വ്, നി​യ​മ​ങ്ങ​ൾ ന​ട​പ്പി​ലാ​ക്കാ​നു​ള്ള അ​ധി​കാ​ര​ത്തി​ലു​ള്ള ക​ട​ന്നു​ക​യ​റ്റ​മെ​ന്നാ​യി​രു​ന്നു സ​ർ​ക്കാ​ർ അ​ഭി​ഭാ​ഷ​ക​ന്‍റെ വാ​ദം. എ​ന്താ​വ​ശ്യ​ത്തി​നാ​ണ് ഭൂ​മി ന​ൽ​കു​ന്ന​തെ​ന്നു വ്യ​ക്ത​മാ​ക്കി ഏ​ഴ് ദി​വ​സ​ത്തി​നു​ള്ളി​ൽ കൈ​വ​ശാ​വ​കാ​ശ സ​ർ​ട്ടി​ഫി​ക്ക​റ്റ് ന​ൽ​ക​ണ​മെ​ന്ന ഉ​ത്ത​ര​വ് ന​ട​പ്പാ​ക്കാ​ൻ പ്ര​യാ​സ​മാ​ണെ​ന്നും സ​ർ​ക്കാ​ർ ചൂ​ണ്ടി​ക്കാ​ട്ടി. എ​ന്നാ​ൽ, ഹൈ​ക്കോ​ട​തി ഉ​ത്ത​ര​വി​ൽ ഇ​ട​പെ​ടാ​ൻ സു​പ്രീംകോ​ട​തി ത​യാ​റാ​യി​ല്ല.


ഇ​ടു​ക്കി ചി​ന്ന​ക്ക​നാ​ൽ, ക​ണ്ണ​ൻ ദേ​വ​ൻ ഹി​ൽ​സ്, ശാ​ന്ത​ൻപാ​റ, വെ​ള്ള​ത്തൂ​വ​ൽ, ആ​ന​വി​ലാ​സം, പ​ള്ളി​വാ​സ​ൽ, ആ​ന​വി​ര​ട്ടി, ബൈ​സ​ൻ​വാ​ലി എ​ന്നീ എ​ട്ടു വി​ല്ലേ​ജു​ക​ളി​ൽ നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്ക് റ​വ​ന്യു വ​കു​പ്പി​ന്‍റെ നി​രാ​ക്ഷേ​പ പ​ത്രം വേ​ണ​മെ​ന്ന 2016-ലെ ​ ജി​ല്ലാ ക​ള​ക്ട​റു​ടെ ഉ​ത്ത​ര​വാ​ണ് കേ​സി​നാധാരം. ഈ ​ഉ​ത്ത​ര​വു നി​ല​നി​ൽ​ക്കെ ​പ​ട്ട​യഭൂ​മി​യി​ലെ നി​ർ​മാ​ണ​ങ്ങ​ൾ​ക്കെ​ല്ലാം നി​യ​ന്ത്ര​ണം ഏ​ർ​പ്പെ​ടു​ത്തി 2019-ൽ സ​ർ​ക്കാ​ർ ഉ​ത്ത​ര​വി​ട്ട​തോ​ടെ 2016-ലെ ​ഉ​ത്ത​ര​വ് കൂ​ടു​ത​ൽ സ​ജീ​വ​മാ​യി. ഇ​തേത്തു​ട​ർ​ന്ന് ഏ​താ​നും വ്യ​ക്തി​ക​ൾ വി​വേ​ച​ന​ത്തി​നെ​തി​രെ ഹൈ​ക്കോ​ട​തി​യെ സ​മീ​പി​ക്കു​ക​യാ​യി​രു​ന്നു.



പോം​വ​ഴി നിയമനിർമാണം

സ​ർ​ക്കാ​രി​ന്‍റെ സ്പെ​ഷ​ൽ ലീ​വ് പെ​റ്റീ​ഷ​ൻ സു​പ്രീംകോ​ട​തി ത​ള്ളി​യ​തോ​ടെ കൃ​ഷി ആ​വ​ശ്യ​ങ്ങ​ൾ​ക്കാ​യി പ​തി​ച്ചു​ന​ൽ​കി​യ ഭൂ​മി​യി​ലെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ നി​യ​മ​വി​രു​ദ്ധ​മാ​കും.
വാ​ണി​ജ്യാ​വ​ശ്യ​ങ്ങ​ൾ​ക്കു ഭൂ​മി പ​തി​ച്ചു​ന​ൽ​കാ​ൻ വ്യ​വ​സ്ഥ ഉ​ണ്ടാ​ക്കി നി​ല​വി​ലു​ള്ള നി​ർ​മി​തി​ക​ൾ സാ​ധൂ​ക​രി​ച്ചു ന​ൽ​കാ​ൻ നി​യ​മം ഉ​ണ്ടാ​ക്കു​ക​യേ ഇ​നി സ​ർ​ക്കാ​രി​നു​മു​ന്നി​ൽ പോം​വ​ഴി​യു​ള്ളൂ. നി​യ​മ​ത്തി​ന്‍റെ ക​ര​ട് ഇ​ടു​ക്കി ജി​ല്ലാ ക​ള​ക്ട​ർ വ​ഴി റ​വ​ന്യു വ​കു​പ്പി​നു ന​ൽ​കി​യി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.