ലക്ഷദ്വീപ് അഡ്മിനിസ്ട്രേറ്റർ ദിനേശ്വർ ശർമ അന്തരിച്ചു
Saturday, December 5, 2020 1:08 AM IST
ന്യൂഡൽഹി: ലക്ഷദ്വീപ് അഡ്മിനിസ്ട്രേറ്റർ ദിനേശ്വർ ശർമ(66) അന്തരിച്ചു. ഗുരുതര ശ്വാസകോശരോഗത്തെത്തുടർന്ന് ചെന്നൈയിലെ ആശുപത്രിയിലായിരുന്നു അന്ത്യം. നില വഷളായതോടെ ഇദ്ദേഹത്തെ ഡൽഹിയിൽനിന്നു ചെന്നൈയിലെ എംജിഎം ആശുപത്രിയിൽ പ്രവേശിപ്പിക്കുകയായിരുന്നു.
ഇന്‍റലിജൻസ് ബ്യൂറോ തലവനായിരുന്ന ശർമ 1979 ബാച്ച് ഐപിഎസ് ഓഫീസറാണ്. കാഷ്മീരിൽ കേന്ദ്രസർക്കാരിന്‍റെ പ്രത്യേക പ്രതിനിധിയായും 2017-2019 കാലത്ത് ശർമ പ്രവർത്തിച്ചിട്ടുണ്ട്. 2019 ഒക്ടോബറിലാണ് ലക്ഷദ്വീപ് അഡ്മിനിസ്ട്രേറ്ററായത്. 2014 ഡിസംബർ മുതൽ രണ്ടു വർഷത്തേക്കായിരുന്നു ദിനേശ്വർ ശർമ ഐബി തലവനായത്.