National News
കെ. സുധാകരൻ പ്രസിഡന്‍റ്
കെ. സുധാകരൻ പ്രസിഡന്‍റ്
Wednesday, June 9, 2021 2:08 AM IST
ന്യൂ​ഡ​ൽ​ഹി: കേ​ര​ള​ത്തി​ലെ കോ​ണ്‍ഗ്ര​സി​നെ ഇ​നി മു​തി​ർ​ന്ന നേ​താ​വും എം​പി​യു​മാ​യ കെ. ​സു​ധാ​ക​ര​ൻ ന​യി​ക്കും. പ്ര​വ​ർ​ത്ത​ക​രി​ൽ ആ​വേ​ശ​വും ആ​ത്മ​വി​ശ്വാ​സ​വും ഉ​ണ​ർ​ത്താ​നും പാ​ർ​ട്ടി​യെ ശ​ക്തി​പ്പെ​ടു​ത്താ​നും ല​ക്ഷ്യ​മി​ട്ടാ​ണു ഗ്രൂ​പ്പ​ിന​തീ​ത​മാ​യി കെ​പി​സി​സി വ​ർ​ക്കിം​ഗ് പ്ര​സി​ഡ​ന്‍റും എ ഴുപത്തിമൂന്നുകാ​ര​നു​മാ​യ കു​ന്പ​ക്കു​ടി സു​ധാ​ക​ര​നെ ഹൈ​ക്ക​മാ​ൻ​ഡ് പ്ര​സി​ഡ​ന്‍റാ​യി നി​യ​മി​ച്ച​ത്.

പു​തി​യ വ​ർ​ക്കിം​ഗ് പ്ര​സി​ഡ​ന്‍റു​മാ​രാ​യി പി.​ടി. തോ​മ​സി​നെ​യും ടി. ​സി​ദ്ധി​ക്കി​നെ​യും നി​യ​മി​ച്ചു. കൊ​ടി​ക്കു​ന്നി​ൽ സു​രേ​ഷി​നെ ആ ​സ്ഥാ​ന​ത്ത് നി​ല​നി​റു​ത്തി. കെ.​വി. തോ​മ​സി​നെ ഒ​ഴി​വാ​ക്കി​യാ​ണു പി.​ടി. തോ​മ​സി​നെ നി​യ​മി​ച്ച​ത്. എം.​ഐ. ഷാ​ന​വാ​സി​ന്‍റെ ഒ​ഴി​വി​ലാ​ണു സി​ദ്ധി​ക്ക് വ​ന്ന​ത്. മൂ​ന്നു വ​ർ​ക്കിം​ഗ് പ്ര​സി​ഡ​ന്‍റു​മാ​രും എ ​ഗ്രൂ​പ്പി​ൽ​പ്പെ​ട്ട​വ​രാ​ണ്.

യു​ഡി​എ​ഫി​ന്‍റെ പു​തി​യ ക​ണ്‍വീ​ന​ർ, പി​സി​സി, ഡി​സി​സി ത​ല​ങ്ങ​ളി​ലെ അ​ഴി​ച്ചു​പ​ണി എ​ന്നി​വ സം​ബ​ന്ധി​ച്ച ച​ർ​ച്ച​ക​ൾ വൈ​കാ​തെ ആ​രം​ഭി​ക്കു​മെ​ന്നു ഹൈ​ക്ക​മാ​ൻ​ഡ് വ്യ​ക്ത​മാ​ക്കി. ലോ​ക്ഡൗ​ണ്‍ ക​ഴി​ഞ്ഞാ​ലു​ട​ൻ കേ​ര​ള​ത്തി​ന്‍റെ ചു​മ​ത​ല​യു​ള്ള എ​ഐ​സി​സി ജ​ന​റ​ൽ സെ​ക്ര​ട്ട​റി താ​രീ​ഖ് അ​ൻ​വ​ർ കേ​ര​ള​ത്തി​ലെ​ത്തി ഇ​തു​സം​ബ​ന്ധി​ച്ച ച​ർ​ച്ച​ക​ൾ ന​ട​ത്തും. അ​ടു​ത്ത മാ​സം പാ​ർ​ല​മെ​ന്‍റ് സ​മ്മേ​ള​നം ന​ട​ന്നാ​ൽ ഡ​ൽ​ഹി​യി​ലാ​കും തു​ട​ർ ച​ർ​ച്ച​ക​ൾ.

പു​തി​യ കെ​പി​സി​സി പ്ര​സി​ഡ​ന്‍റി​ന്‍റെ നി​യ​മ​ന ഉ​ത്ത​ര​വി​ൽ കോ​ണ്‍ഗ്ര​സ് അ​ധ്യ​ക്ഷ സോ​ണി​യാ ഗാ​ന്ധി ഒ​പ്പു​വ​ച്ച​തി​നു തൊ​ട്ടു​പി​ന്നാ​ലെ രാ​ഹു​ൽ ഗാ​ന്ധി​യാ​ണു സു​ധാ​ക​ര​നെ ഫോ​ണി​ൽ വി​ളി​ച്ചു തീ​രു​മാ​നം അ​റി​യി​ച്ച​ത്. രാ​ഹു​ലി​ന്‍റെ താ​ത്പ​ര്യംകൂ​ടി പ​രി​ഗ​ണി​ച്ചാ​ണു സു​ധാ​ക​ര​നെ പി​സി​സി അ​ധ്യ​ക്ഷ​നാ​ക്കാ​നു​ള്ള നി​ർ​ദേ​ശ​ത്തോ​ടു സോ​ണി​യ​യും അ​നു​കൂ​ലി​ച്ച​ത്.


ഗ്രൂ​പ്പി​ന്‍റെ അ​തി​പ്ര​സ​രം ത​ട​യാ​തെ കേ​ര​ള​ത്തി​ൽ കോ​ണ്‍ഗ്ര​സി​നു വ​ള​ർ​ച്ച​യു​ണ്ടാ​കി​ല്ലെ​ന്ന വി​ല​യി​രു​ത്ത​ൽ സു​ധാ​ക​ര​ന് അ​നു​കൂ​ല​മാ​യി. സാ​മു​ദാ​യി​ക സ​ന്തു​ലി​താ​വ​സ്ഥ​യു​ടെ പ​രി​ഗ​ണ​ന​യും സു​ധാ​ക​ര​ന്‍റെ പ​ക്ഷ​ത്താ​യി.

ഉ​മ്മ​ൻ ചാ​ണ്ടി, ര​മേ​ശ് ചെ​ന്നി​ത്ത​ല, കെ​പി​സി​സി പ്ര​സി​ഡ​ന്‍റാ​യി​രു​ന്ന മു​ല്ല​പ്പ​ള്ളി രാ​മ​ച​ന്ദ്ര​ൻ അ​ട​ക്ക​മു​ള്ള മു​തി​ർ​ന്ന നേ​താ​ക്ക​ൾ ആ​രു​ടെ​യും പേ​രു പ​റ​യാ​തെ പ്ര​തി​ഷേ​ധി​ച്ചെ​ങ്കി​ലും അ​തി​നെ മ​റി​ക​ട​ന്നാ​ണു സു​ധാ​ക​ര​ന്‍റെ നി​യ​മ​നം.

സു​ധാ​ക​ര​നോ​ളം പ​രി​ച​യ സ​ന്പ​ത്തും ക​രു​ത്തും സം​ഘ​ട​നാ ശേ​ഷി​യു​മു​ള്ള നേ​താ​ക്ക​ൾ കു​റ​വാ​ണെ​ന്നാ​ണു താ​രീ​ഖ് അ​ൻ​വ​റു​ടെ ശി​പാ​ർ​ശ. കേ​ര​ള നേ​താ​ക്ക​ളു​മാ​യി ന​ട​ത്തി​യ കൂ​ടി​യാ​ലോ​ച​ന​ക​ളി​ൽ ഭൂ​രി​പ​ക്ഷം പേ​രു​ടെ പി​ന്തു​ണ​യും സു​ധാ​ക​ര​നാ​ണെ​ന്നു താ​രീ​ഖ് വി​ശ​ദീ​ക​രി​ച്ചു.

രാ​ഹു​ൽ ഗാ​ന്ധി​യും സം​ഘ​ട​നാ ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി കെ.​സി. വേ​ണു​ഗോ​പാ​ലും തു​ട​ക്കം മു​ത​ൽ സു​ധാ​ക​ര​നെ തു​ണ​ച്ചു. ഇ​വ​രു​ടെ നി​ഗ​മ​ന​ങ്ങ​ളോ​ട് മു​തി​ർ​ന്ന നേ​താ​വ് എ.​കെ. ആ​ന്‍റ​ണി​യും യോ​ജി​ച്ചു. സു​ധാ​ക​ര​നെ നി​യ​മി​ക്കാ​ൻ ആ​ദ്യ​ഘ​ട്ട ച​ർ​ച്ച​ക​ളി​ൽ ത​ന്നെ ധാ​ര​ണ​യാ​യെ​ങ്കി​ലും പ​ല ത​ല​ങ്ങ​ളി​ൽ നി​ന്നും എ​തി​ർ​പ്പ് ഉ​യ​ർ​ന്ന​തി​നെ ത്തുട​ർ​ന്നാ​ണു കൂ​ടു​ത​ൽ കൂ​ടി​യാ​ലോ​ച​ന​ക​ൾ​ക്കാ​യി താ​രീ​ഖ് അ​ൻ​വ​റെ നി​യോ​ഗി​ച്ച​ത്. തെ​ര​ഞ്ഞെ​ടു​പ്പു പ​രാ​ജ​യം വി​ല​യി​രു​ത്താ​ൻ നി​യോ​ഗി​ച്ച അ​ശോ​ക് ച​വാ​ൻ സ​മി​തി​യും കേ​ര​ള​ത്തി​ൽ വ​രാ​തെ​യാ​ണു റി​പ്പോ​ർ​ട്ട് ന​ൽ​കി​യ​ത്.

ജോ​ർ​ജ് ക​ള്ളി​വ​യ​ലി​ൽ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.