National News
ഡൽഹി സർക്കാരിന്‍റെ മദ്യനയത്തിൽ കുറ്റപത്രം തയാറാക്കി സിബിഐ
ഡൽഹി സർക്കാരിന്‍റെ മദ്യനയത്തിൽ കുറ്റപത്രം തയാറാക്കി സിബിഐ
Saturday, August 20, 2022 2:00 AM IST
രാ​ഹു​ൽ ഗോ​പി​നാ​ഥ്

ന്യൂ​ഡ​ൽ​ഹി: ഡ​ൽ​ഹി സ​ർ​ക്കാ​രി​ന്‍റെ മ​ദ്യ​ന​യ​വു​മാ​യി ബ​ന്ധ​പ്പെ​ട്ട് ഡ​ൽ​ഹി ഉ​പ​മു​ഖ്യ​മ​ന്ത്രി മ​നീ​ഷ് സി​സോ​ദി​യ ഉ​ൾ​പ്പെ​ടെ 15 പേ​ർ​ക്ക് എ​തി​രേ കു​റ്റ​പ​ത്രം ത​യാറാ​ക്കി സി​ബി​ഐ. ഡ​ൽ​ഹി സ​ർ​ക്കാ​രി​ന്‍റെ പു​തി​യ മ​ദ്യ​ന​യ​ത്തി​ൽ മും​ബൈ മ​ല​യാ​ളി​യും വ്യ​വ​സാ​യി​യു​മാ​യ വി​ജ​യ് നാ​യ​ർ ഉ​ൾ​പ്പെ​ടെ​യു​ള്ള​വ​രു​ടെ ഇ​ട​പെ​ട​ലു​ക​ളു​ണ്ടെ​ന്നാ​ണ് ക​ണ്ടെ​ത്ത​ൽ. വി​ജ​യ് നാ​യ​ർ അ​ഞ്ചാം പ്ര​തി​യും തെ​ലു​ങ്കാ​ന​യി​ൽ സ്ഥി​ര താ​മ​സ​മാ​ക്കി​യ അ​രു​ണ്‍ രാ​മ​ച​ന്ദ്ര പി​ള്ള 14-ാം പ്ര​തി​യു​മാ​ണെ​ന്ന് സി​ബി​ഐ കു​റ്റ​പ​ത്ര​ത്തി​ൽ പ​റ​യു​ന്നു.

പു​തി​യ ന​യ​ത്തി​നു പി​ന്നി​ൽ വി​ജ​യ് ഉ​ൾ​പ്പെ​ടെ​യു​ള്ള​വ​രു​ടെ ഇ​ട​പെ​ട​ലു​ണ്ടെ​ന്നും ചി​ല ക​ന്പ​നി​ക​ളു​ടെ ലൈ​സ​ൻ​സി​ന് അ​രു​ണ്‍ ഇ​ട​നി​ല നി​ന്നി​ട്ടു​ണ്ടെ​ന്നും സി​ബി​ഐ പ​റ​യു​ന്നു. മ​നീ​ഷ് സി​സോ​ദി​യ​യ്ക്കു പു​റ​മേ എ​ക്സൈ​സ് ക​മ്മീ​ഷ​ണ​ർ അ​ര​വാ ഗോ​പീ​കൃ​ഷ്ണ, ഡെ​പ്യൂ​ട്ടി എ​ക്സൈ​സ് ക​മ്മീ​ഷ​ണ​ർ ആ​ന​ന്ദ് കു​മാ​ർ തി​വാ​രി, അ​സി​സ്റ്റ​ന്‍റ് എ​ക്സൈ​സ് ക​മ്മീ​ഷ​ണ​ർ പ​ങ്ക​ജ് ഭ​ട്നാ​ഗ​ർ എ​ന്നി​വ​ർ​ക്ക് പു​റ​മേ വി​ജ​യ് നാ​യ​ർ, അ​രു​ണ്‍ രാ​മ​ച​ന്ദ്ര പി​ള്ള തു​ട​ങ്ങി​യ ഒ​ൻ​പ​ത് വ്യ​വ​സാ​യി​ക​ളും ര​ണ്ട് വ്യ​വ​സാ​യ സ്ഥാ​പ​ന​ങ്ങ​ളും കേ​സി​ൽ പ്ര​തി​ക​ളാ​ണ്. ക​ഴി​ഞ്ഞ വ​ർ​ഷം ന​വം​ബ​റി​ലാ​ണ് ഡ​ൽ​ഹി സ​ർ​ക്കാ​രി​ന്‍റെ പു​തി​യ മ​ദ്യ​ന​യം പ്രാ​ബ​ല്യ​ത്തി​ൽ വ​ന്ന​ത്.

പു​തി​യ മ​ദ്യ​ന​യം ഗ​വ​ണ്‍മെ​ന്‍റ് ഓ​ഫ് നാ​ഷ​ണ​ൽ കാ​പ്പി​റ്റ​ൽ ടെ​റി​ട്ട​റി ഡ​ൽ​ഹി ആ​ക്റ്റ് (1991), ട്രാ​ൻ​സാ​ക്ഷ​ൻ ഓ​ഫ് ബി​സി​ന​സ് റൂ​ൾ​സ് (1993), ഡ​ൽ​ഹി എ​ക്സൈ​സ് ആ​ക്റ്റ് (2009), ഡ​ൽ​ഹി എ​ക്സൈ​സ് റൂ​ൾ​സ് (2010) തു​ട​ങ്ങി​യ നി​യ​മ​ങ്ങ​ളു​ടെ ലം​ഘ​ന​മാ​ണെ​ന്ന് ചൂ​ണ്ടി​ക്കാ​ട്ടി ജൂ​ലൈ എ​ട്ടി​നാ​ണ് ഡ​ൽ​ഹി ചീ​ഫ് സെ​ക്ര​ട്ട​റി ഗ​വ​ർ​ണ​ർ വി​ന​യ് സ​ക്സേ​ന​യ്ക്ക് റി​പ്പോ​ർ​ട്ട് സ​മ​ർ​പ്പി​ക്കു​ന്ന​ത്.


പു​തി​യ മ​ദ്യ ന​യ​ത്തി​ലൂ​ടെ സ്വ​കാ​ര്യ മ​ദ്യ​വ്യാ​പാ​രി​ക​ളു​ടെ കൈ​യി​ൽ നി​ന്ന് എ​ക്സൈ​സ് വ​കു​പ്പി​ന്‍റെ ചു​മ​ത​ല​യു​ള്ള മ​നീ​ഷ് സി​സോ​ദി​യ ഉ​ൾ​പ്പെ​ടെ​യു​ള്ള മു​തി​ർ​ന്ന നേ​താ​ക്ക​ൾ പാ​രി​തോ​ഷി​ക​ങ്ങ​ൾ കൈ​പ്പ​റ്റി​യെ​ന്നാ​ണ് ചീ​ഫ് സെ​ക്ര​ട്ട​റി​യു​ടെ റി​പ്പോ​ർ​ട്ടി​ൽ പ​റ​യു​ന്ന​ത്. ക​ഴി​ഞ്ഞ സാ​ന്പ​ത്തി​ക വ​ർ​ഷ​ത്തി​ൽ (2021-22) മ​ദ്യ വ്യാ​പാ​ര​ത്തി​നു​ള്ള ടെ​ൻ​ഡ​റു​ക​ൾ ന​ൽ​കി​യ​തു​മാ​യി ബ​ന്ധ​പ്പെ​ട്ട ന​ട​പ​ടി​ക്ര​മ​ങ്ങ​ളി​ൽ ഗു​രു​ത​ര​മാ​യ വീ​ഴ്ച​ക​ളു​ണ്ടാ​യ​താ​യും റി​പ്പോ​ർ​ട്ടി​ൽ പ​റ​യു​ന്നു. കോ​വി​ഡ് മ​ഹാ​മാ​രി​യെ തു​ട​ർ​ന്ന് ലൈ​സ​ൻ​സ് ഫീ ​ടെ​ൻ​ഡ​റി​ന് അ​പേ​ക്ഷി​ച്ച മ​ദ്യ ലോ​ബി​ക്ക് ഡ​ൽ​ഹി സ​ർ​ക്കാ​ർ 143.46 കോ​ടി രൂ​പ ഇ​ള​വ് ന​ൽ​കി​യ​താ​യി റി​പ്പോ​ർ​ട്ടി​ൽ പ​റ​യു​ന്നു.

ഇ​തി​നു​പു​റ​മേ വി​മാ​ന​ത്താ​വ​ള​ങ്ങ​ളി​ലെ മ​ദ്യ ഒൗ​ട്ട്‌​ലെ​റ്റു​ക​ളു​ടെ പ​ക്ക​ൽനി​ന്ന് 30 കോ​ടി രൂ​പ പി​ടി​ച്ചെ​ടു​ക്കു​ന്ന​തി​നു പ​ക​രം തു​ക വി​ട്ടുന​ൽ​കു​ക​യും വി​ദേ​ശനി​ർ​മി​ത വി​ദേ​ശമ​ദ്യ​ങ്ങ​ളു​ടെ വി​ല കു​റ​യ്ക്കു​ക​യും ചെ​യ്തു, സ്വ​കാ​ര്യ മ​ദ്യ​വി​ൽ​പ​ന​ക്കാ​രു​ടെ കൈ​യി​ൽനി​ന്ന് ലൈ​സ​ൻ​സ് ഫീ​സ് ഈ​ടാ​ക്കു​ന്ന​തി​ൽ വീ​ഴ്ച വ​രു​ത്തി തു​ട​ങ്ങി​യ കു​റ്റ​ങ്ങ​ളാ​ണ് ഗ​വ​ർ​ണ​ർ സി​ബി​ഐ​ക്ക് സ​മ​ർ​പ്പി​ച്ച പ​രാ​തി​യി​ൽ പ​റ​യു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.