National News
കോൺഗ്രസ് അധ്യക്ഷനെ കണ്ടെത്തൽ കുഴഞ്ഞുമറിഞ്ഞ്
കോൺഗ്രസ് അധ്യക്ഷനെ കണ്ടെത്തൽ കുഴഞ്ഞുമറിഞ്ഞ്
Wednesday, September 28, 2022 1:48 AM IST
സെ​ബി മാ​ത്യു

ന്യൂ​ഡ​ൽ​ഹി: പാ​ർ​ട്ടിഅ​ധ്യ​ക്ഷ പ​ദ​വി​യെ​യും രാ​ജ​സ്ഥാ​ൻ മു​ഖ്യ​മ​ന്ത്രിസ്ഥാ​ന​ത്തെ​യും ചൊ​ല്ലി ത​ർ​ക്ക​ങ്ങ​ളും ആ​ശ​ങ്ക​ക​ളും തു​ട​രു​ന്ന​തി​നി​ടെ മു​ഖ്യ​മ​ന്ത്രി അ​ശോ​ക് ഗെ​ഹ്‌​ലോ​ട്ട് കോ​ണ്‍ഗ്ര​സ് അ​ധ്യ​ക്ഷ സോ​ണി​യ ഗാ​ന്ധി​യു​മാ​യി ച​ർ​ച്ച ന​ട​ത്തി. പാ​ർ​ട്ടി ഹൈ​ക്ക​മാ​ൻ​ഡ് തീ​രു​മാ​ന​ങ്ങ​ളെ വെ​ല്ലു​വി​ളി​ച്ചി​ട്ടി​ല്ലെ​ന്നാ​ണ് ഫോ​ണ്‍ സം​ഭാ​ഷ​ണ​ത്തി​ൽ അ​ദ്ദേ​ഹം സോ​ണി​യ​യോ​ടു വി​ശ​ദീ​ക​രി​ച്ച​ത്.

രാ​ജ​സ്ഥാ​നി​ലെ അ​സ്വാ​ര​സ്യ​ങ്ങ​ളെ​ക്കു​റി​ച്ചു​ള്ള റി​പ്പോ​ർ​ട്ട് നി​രീ​ക്ഷ​ക​രാ​യ മ​ല്ലി​കാ​ർ​ജു​ൻ ഖാ​ർ​ഗെ​യും അ​ജ​യ് മാ​ക്ക​നും ഇ​ന്ന​ലെ സോ​ണി​യ​യ്ക്കു ന​ൽ​കി​യി​ട്ടു​ണ്ട്.

ഒ​ൻ​പ​തു പേ​ജു​ള്ള റി​പ്പോ​ർ​ട്ടി​ൽ ഗെ​ഹ്‌​ലോ​ട്ടി​നെ നേ​രി​ട്ടു പ​ഴി​ചാ​രി​യി​ട്ടി​ല്ല. ഗെ​ഹ്‌​ലോ​ട്ട് പ​ക്ഷ​ത്തെ പ്ര​മു​ഖ​രാ​യ സം​സ്ഥാ​ന കോ​ണ്‍ഗ്ര​സ് ചീ​ഫ് വി​പ്പ് മ​ഹേ​ഷ് ജോ​ഷി, ധ​ർ​മേ​ന്ദ്ര റാ​ത്തോ​ഡ്, ശാ​ന്തി ധ​രി​വാ​ൾ എ​ന്നി​വ​ർ​ക്കെ​തി​രേ അ​ച്ച​ട​ക്ക ന​ട​പ​ടി എ​ടു​ക്ക​ണ​മെ​ന്നു നി​ർ​ദേ​ശി​ച്ചി​ട്ടു​ണ്ട്. എം​എ​ൽ​എ​മാ​രു​ടെ ബ​ദ​ൽ യോ​ഗം വി​ളി​ച്ച​തി​നും പ്ര​മേ​യം പാ​സാ​ക്കി​യ​തി​നു​മാ​ണ് ന​ട​പ​ടി.

അ​തി​നി​ടെ, അ​ധ്യ​ക്ഷപ​ദ​വി​യി​ലേ​ക്ക് ഇ​നി​യാ​രെ​ന്ന ചോ​ദ്യം ബാ​ക്കിനി​ൽ​ക്കേ കൂ​ടു​ത​ൽ ച​ർ​ച്ച​ക​ൾ​ക്കാ​യി സോ​ണി​യ മു​തി​ർ​ന്ന നേ​താ​വ് എ.​കെ. ആ​ന്‍റ​ണി​യെ ഇ​ന്ന​ലെ ഡ​ൽ​ഹി​ക്കു വി​ളി​പ്പി​ച്ചു. ആ​ന്‍റ​ണി​യു​മാ​യി സോ​ണി​യ ഇ​ന്നു കൂ​ടി​ക്കാ​ഴ്ച ന​ട​ത്തും.

രാ​ജ​സ്ഥാ​ൻ മു​ഖ്യ​മ​ന്ത്രിപ​ദ​ത്തെ​ച്ചൊ​ല്ലി​യു​ള്ള ത​ർ​ക്കം മൂ​ർ​ച്ഛി​ച്ചി​രി​ക്കെ സ​ച്ചി​ൻ പൈ​ല​റ്റും ഇ​ന്ന​ലെ ഡ​ൽ​ഹി​യി​ലെ​ത്തി​യി​ട്ടു​ണ്ട്. ആ​രോ​ഗ്യകാ​ര​ണ​ങ്ങ​ളാ​ൽ സ​ജീ​വ​രാ​ഷ്‌ട്രീയ​ത്തി​ൽനി​ന്നു വി​ട്ടുനി​ൽ​ക്കു​ന്ന താ​ൻ ഒ​രു കാ​ര​ണ​വ​ശാ​ലും കോ​ണ്‍ഗ്ര​സ് അ​ധ്യ​ക്ഷ സ്ഥാ​ന​ത്തേ​ക്ക് മ​ത്സ​രി​ക്കി​ല്ലെ​ന്ന് എ.​കെ. ആ​ന്‍റ​ണി വ്യ​ക്ത​മാ​ക്കി​യി​ട്ടു​ണ്ട്.

രാ​ജ​സ്ഥാ​നി​ലെ പ്ര​ശ്ന​പ​രി​ഹാ​ര​ത്തി​നാ​യി മു​തി​ർ​ന്ന നേ​താ​ക്ക​ളാ​യ ആ​ന​ന്ദ് ശ​ർ​മ​യും അം​ബി​ക സോ​ണി​യും സോ​ണി​യ ഗാ​ന്ധി​യു​മാ​യു​ള്ള കൂ​ടി​ക്കാ​ഴ്ച​യ്ക്കു ശേ​ഷം ഗെ​ഹ്‌​ലോ​ട്ടു​മാ​യി സം​സാ​രി​ച്ചി​രു​ന്നു. ഗെ​ഹ്‌​ലോ​ട്ടും ഉ​ട​ൻ സോ​ണി​യ​യു​മാ​യി കൂ​ടി​ക്കാ​ഴ്ച ന​ട​ത്തും.

നി​ല​വി​ൽ മ​ത്സ​രി​ക്കാ​ൻ ശ​ശി ത​രൂ​രും പ​വ​ൻ​കു​മാ​ർ ബ​ൻ​സ​ലും മാ​ത്ര​മാ​ണ് പ​ത്രി​ക വാ​ങ്ങി​യി​ട്ടു​ള്ള​ത്. വെ​ള്ളി​യാ​ഴ്ച രാ​വി​ലെ പ​തി​നൊ​ന്നി​ന് പ​ത്രി​ക സ​മ​ർ​പ്പി​ക്കു​മെ​ന്നാ​ണ് ശ​ശി ത​രൂ​ർ അ​റി​യി​ച്ചി​രി​ക്കു​ന്ന​ത്. ത​രൂ​രി​ന് പ​തി​നൊ​ന്ന് സം​സ്ഥാ​ന​ങ്ങ​ളി​ൽനി​ന്നു​ള്ള 40 പ്ര​തി​നി​ധി​ക​ളു​ടെ പി​ന്തു​ണ​യു​ണ്ടെ​ന്നും പ​ത്രി​ക സ​മ​ർ​പ്പി​ക്കു​ന്പോ​ൾ ഇ​നി 40 പേ​രു​ടെകൂ​ടി പി​ന്തു​ണ ല​ഭി​ക്കു​മെ​ന്നു​മാ​ണ് അ​ദ്ദേ​ഹ​ത്തോ​ട് അ​ടു​ത്ത ആ​ളു​ക​ൾ പറയുന്നത്.

പ​ത്രി​ക വാ​ങ്ങി​യെ​ങ്കി​ലും താ​ൻ മ​ത്സ​രി​ക്കാ​നി​ല്ലെ​ന്നാ​ണ് ബ​ൻ​സ​ൽ പ​റ​ഞ്ഞി​രി​ക്കു​ന്ന​ത്. മ​റ്റൊ​രു സ്ഥാ​നാ​ർ​ഥി​യെ പി​ന്തു​ണ​യ്ക്കു​ന്ന​തി​നുവേ​ണ്ടി​യാ​ണ് ര​ണ്ടു സെ​റ്റ് പ​ത്രി​ക​ക​ൾ വാ​ങ്ങി​യ​തെ​ന്നു പ​റ​ഞ്ഞെ​ങ്കി​ലും സ്ഥാ​നാ​ർ​ഥി​യാ​രെ​ന്നു വെ​ളി​പ്പെ​ടു​ത്തി​യി​ല്ല. താ​ൻ വാ​ങ്ങി​യ പ​ത്രി​ക​ക​ൾ പി​ന്തു​ണ​ച്ച് ഒ​പ്പു വ​ച്ചു ച​ണ്ഡീ​ഗ​ഡ് കോ​ണ്‍ഗ്ര​സ് പ്ര​സി​ഡ​ന്‍റ് ഹ​ർ​മോ​ഹീ​ന്ദ​ർ സിം​ഗ് ല​ക്കി​ക്ക് കൈ​മാ​റി​യെ​ന്നും അ​ദ്ദേ​ഹം വ്യ​ക്ത​മാ​ക്കി.


പ്ര​സി​ഡ​ന്‍റ് സ്ഥാ​ന​ത്തേ​ക്കു മ​ത്സ​രി​ക്കാ​ൻ ഇ​ന്നു പ​ത്രി​ക ന​ൽ​കു​മെ​ന്ന് പ്ര​ഖ്യാ​പി​ച്ച അ​ശോ​ക് ഗെ​ഹ്‌​ലോ​ട്ട് ഡ​ൽ​ഹി​യി​ൽ എ​ത്തു​ന്ന​ത് സം​ബ​ന്ധി​ച്ച് വ്യ​ക്ത​ത​യി​ല്ല.

ഹൈ​ക്ക​മാ​ൻ​ഡി​നെ ധി​ക്ക​രി​ക്കി​ല്ല

പാ​ർ​ല​മെ​ന്‍റ​റി പാ​ർ​ട്ടി യോ​ഗം വി​ളി​ച്ച​തി​നി​ടെ ജ​യ്പൂ​രി​ൽ ഗെ​ഹ്‌​ലോ​ട്ട് പ​ക്ഷം എം​എ​ൽ​എ​മാ​രു​ടെ ബ​ദ​ൽ യോ​ഗം വി​ളി​ച്ചു ചേ​ർ​ത്തി​രു​ന്നു. എന്നാൽ, യോ​ഗം വി​ളി​ക്കാ​ൻ ഗെ​ഹ്‌​ലോ​ട്ട് നി​ർ​ദേ​ശി​ച്ചി​രു​ന്നി​ല്ലെ​ന്നാ​ണ് അ​ദ്ദേ​ഹ​ത്തി​ന്‍റെ ഓ​ഫീ​സ് ഇ​ന്ന​ലെ വ്യ​ക്ത​മാ​ക്കി​യ​ത്.

ത​ങ്ങ​ൾ ഗാ​ന്ധികു​ടും​ബ​ത്തി​ലെ ഒ​രു അം​ഗ​ത്തി​നുപോ​ലും എ​തി​ര​ല്ലെ​ന്ന് ഗെ​ഹ്‌​ലോ​ട്ട് പ​ക്ഷ​ത്തെ പ്ര​മു​ഖ​നാ​യ പ്ര​താ​പ് സിം​ഗ് ഖ​ച്ച​രി​യ​വാ​സ് പ​റ​ഞ്ഞു. എം​എ​ൽ​എ​മാ​ർ പാ​ർ​ട്ടി നേ​തൃ​ത്വ​വു​മാ​യി ഒ​റ്റ​യ്ക്കൊ​റ്റ​യ്ക്കു ച​ർ​ച്ച​യ്ക്കു ത​യാ​റാ​ണ്. സോ​ണി​യ ഗാ​ന്ധി എ​ല്ലാ കോ​ണ്‍ഗ്ര​സ് പ്ര​വ​ർ​ത്ത​ക​ർ​ക്കും അ​മ്മ​യെപ്പോ​ലെ​യാ​ണ്.

എം​എ​എ​ൽ​മാ​ർ പ്ര​ത്യേ​കം യോ​ഗം ചേ​ർ​ന്ന​ത് ഹൈ​ക്ക​മാ​ൻ​ഡി​നെ സ​മ്മ​ർ​ദ​ത്തി​ലാ​ക്കാ​നു​ള്ള ഉ​ദ്ദേ​ശ​്യത്തോ​ടെ​യ​ല്ലെ​ന്നാ​ണ് രാ​ജ​സ്ഥാ​നി​ലെ കോ​ണ്‍ഗ്ര​സ് ചീ​ഫ് വി​പ്പ് മ​ഹേ​ഷ് ജോ​ഷി പ​റ​ഞ്ഞ​ത്.

അതേസമയം, രാ​ജ​സ്ഥാ​നി​ൽ ബ​ദ​ൽ നീ​ക്കം ന​ട​ത്തി​യ ഗെ​ഹ്‌​ലോ​ട്ട് പ​ക്ഷ​ത്തെ പ്ര​മു​ഖ നേ​താ​ക്ക​ൾ​ക്കെ​തി​രേ പാ​ർ​ട്ടി അ​ച്ച​ട​ക്കന​ട​പ​ടി എ​ടു​ത്തേ​ക്കും. രാ​ജ​സ്ഥാ​നി​ലെ കാ​ബി​ന​റ്റ് മ​ന്ത്രി​മാ​ർ ഇ​ന്ന​ലെ മു​ഖ്യ​മ​ന്ത്രി​യു​ടെ വ​സ​തി​യി​ലെ​ത്തി ച​ർ​ച്ച ന​ട​ത്തി​യി​രു​ന്നു.

ഗെ​ഹ്‌ലോ​ട്ട് പ​ക്ഷ​ക്കാ​ർ​ക്കു നോ​ട്ടീ​സ്

ന്യൂ​​​​​ഡ​​​​​ൽ​​​​​ഹി: രാ​​​​​ജ​​​​​സ്ഥാ​​​​​നി​​​ൻ ഹൈ​​​ക്ക​​​മാ​​​ൻ​​​ഡ് താ​​​ത്പ​​​ര്യം അ​​​ട്ടി​​​മ​​​റി​​​ച്ച് വി​​​​​മ​​​​​ത​​​​​നീ​​​​​ക്ക​​​​​ത്തി​​​​​നു ചു​​​​​ക്കാ​​​​​ൻ​​​​​പി​​​​​ടി​​​​​ച്ച അ​​​​​ശോ​​​​​ക് ഗെ​​​​​ഹ്‌​​​​ലോ​​​​​ട്ട് പ​​​​​ക്ഷ​​​​​ക്കാ​​​​​രാ​​​​​യ മൂ​​​​​ന്നു കോ​​​​​ണ്‍​ഗ്ര​​​​​സ് നേ​​​​​താ​​​​​ക്ക​​​​​ൾ​​​​​ക്കു ഹൈ​​​​​ക്ക​​​​​മാ​​​​​ൻ​​​​​ഡ് കാ​​​​​ര​​​​​ണം​​​​​കാ​​​​​ണി​​​​​ക്ക​​​​​ൽ നോ​​​​​ട്ടീ​​​​​സ് ന​​​​​ല്കി. മ​ന്ത്രി ശാ​ന്തി ധ​രി​വാ​ൾ, ചീ​ഫ് വി​പ്പ് മ​ഹേ​ഷ് ജോ​ഷി, ആ​ർ​ടി​ഡി​സി ചെ​യ​ർ​മാ​ൻ ധ​ർ​മേ​ന്ദ്ര റാ​ത്തോ​ഡ് എം​എ​ൽ​എ എ​ന്നി​വ​ർ പ​ത്തു ദി​വ​സ​ത്തി​ന​കം മ​റു​പ​ടി ന​ല്കാ​നാ​ണ് ആ​വ​ശ്യ​പ്പെ​ട്ടി​രി​ക്കു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.