National News
സുനന്ദയുടെ മരണം: തരൂരിനെതിരേ ഡൽഹി പോലീസ്
സുനന്ദയുടെ മരണം: തരൂരിനെതിരേ ഡൽഹി പോലീസ്
Friday, December 2, 2022 1:04 AM IST
ന്യൂ​ഡ​ൽ​ഹി: സു​ന​ന്ദ പു​ഷ്ക​റി​ന്‍റെ മ​ര​ണ​വു​മാ​യി ബ​ന്ധ​പ്പെ​ട്ട കേ​സി​ൽ ശ​ശി ത​രൂ​രി​നെ കു​റ്റ​വി​മു​ക്ത​നാ​ക്കി​യ വി​ചാ​ര​ണക്കോട​തി ഉ​ത്ത​ര​വി​നെ​തി​രേ ഡ​ൽ​ഹി പോ​ലീ​സ് ഹൈ​ക്കോ​ട​തി​യെ സ​മീ​പി​ച്ചു.

ഡ​ൽ​ഹി ഹൈ​ക്കോ​ട​തി സിം​ഗി​ൾ ബെ​ഞ്ച് ജ​സ്റ്റീ​സ് ദി​നേ​ശ് കു​മാ​ർ ശ​ർ​മ ത​രൂ​രി​ന് നോ​ട്ടീ​സ​യ​ച്ചു. ഡ​ൽ​ഹി പോ​ലീ​സി​ന്‍റെ ഹ​ർ​ജി അ​ടു​ത്ത വ​ർ​ഷം ഫെ​ബ്രു​വ​രി ഏ​ഴി​ന് ഹൈ​ക്കോ​ട​തി വീ​ണ്ടും പ​രി​ഗ​ണി​ക്കും.

ക​ഴി​ഞ്ഞ വ​ർ​ഷം ഓ​ഗ​സ്റ്റി​ലാ​ണ് ഡ​ൽ​ഹി പ്ര​ത്യേ​ക കോ​ട​തി സു​ന​ന്ദ പു​ഷ്ക​റി​ന്‍റെ മ​ര​ണ​വു​മാ​യി ബ​ന്ധ​പ്പെ​ട്ട കേ​സി​ൽ ശ​ശി ത​രൂ​രി​നെ കു​റ്റ​വി​മു​ക്ത​നാ​ക്കി​യ​ത്. സു​ന​ന്ദ​യെ ആ​ത്മ​ഹ​ത്യ​യി​ലേ​ക്കു ന​യി​ച്ച എ​ന്തെ​ങ്കി​ലും ന​ട​പ​ടി​ക​ൾ ത​രൂ​രി​ന്‍റെ ഭാ​ഗ​ത്തുനി​ന്നു​ണ്ടാ​യ​താ​യി തെ​ളി​വി​ല്ലെ​ന്നു ചൂ​ണ്ടി​ക്കാ​ട്ടി​യാ​ണ് പ്ര​ത്യേ​ക കോ​ട​തി ജ​ഡ്ജി ഗീ​താ​ഞ്ജ​ലി ഗോ​യ​ൽ അ​ദ്ദേ​ഹ​ത്തെ കു​റ്റ​വി​മു​ക്ത​നാ​ക്കി​യ​ത്.


ഡ​ൽ​ഹി പോ​ലീ​സി​ന്‍റെ ഹ​ർ​ജി ഇ​ന്ന​ലെ ഹൈ​ക്കോ​ട​തി പ​രി​ഗ​ണി​ച്ച​പ്പോ​ൾ ഇ​ത്ര​യേ​റെ വൈ​കി ഇ​പ്പോ​ൾ കോ​ട​തി​യെ സ​മീ​പി​ച്ച​തി​ൽ അ​പാ​ക​ത​യു​ണ്ടെ​ന്ന് ശ​ശി ത​രൂ​രി​ന്‍റെ അ​ഭി​ഭാ​ഷ​ക​ൻ വി​കാ​സ് പ​ഹ്വ ചൂ​ണ്ടി​ക്കാ​ട്ടി.

ഹ​ർ​ജി​യു​ടെ പ​ക​ർ​പ്പ് ത​ങ്ങ​ൾ​ക്കു ന​ൽ​കി​യി​ല്ല. നേ​ര​ത്തേ പോ​ലീ​സ് ത​ന്നെ സ​സ്പെ​ൻ​ഡ് ചെ​യ്ത ഇ ​മെ​യി​ൽ വി​ലാ​സം വീ​ണ്ടും ഉ​പ​യോ​ഗി​ച്ചു. പ​തി​ന​ഞ്ചു മാ​സ​ത്തി​നു ശേ​ഷം ഇ​പ്പോ​ൾ പോ​ലീ​സ് കോ​ട​തി​യെ സ​മീ​പി​ച്ച​തി​ലും അ​പാ​ക​ത​യു​ണ്ടെ​ന്ന് അ​ഭി​ഭാ​ഷ​ക​ൻ ചൂ​ണ്ടി​ക്കാ​ട്ടി.

കേ​സു​മാ​യി ബ​ന്ധ​പ്പെ​ട്ട രേ​ഖ​ക​ൾ മാ​ധ്യ​മ വി​ചാ​ര​ണ​യ്ക്കു വി​ട്ടുകൊ​ടു​ക്ക​രു​തെ​ന്ന് വി​ചാ​ര​ണക്കോ​ട​തി​യും ഹൈ​ക്കോ​ട​തി​യും നി​ർ​ദേ​ശി​ച്ചി​ട്ടു​ള്ള​താ​ണെ​ന്നും ചൂ​ണ്ടി​ക്കാ​ട്ടി. കേ​സി​ൽ ക​ക്ഷി​ക​ള​ല്ലാ​ത്ത ആ​ർ​ക്കും രേ​ഖ​ക​ൾ കൈ​മാ​റി​ല്ലെ​ന്ന് ഡ​ൽ​ഹി പോ​ലീ​സ് കോ​ട​തി​യി​ൽ വ്യ​ക്ത​മാ​ക്കി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.