ത്രിപുരയിൽ നിയമസഭയ്ക്കുള്ളിൽ അശ്ലീലവീഡിയോ കണ്ട് ബിജെപി എംഎൽഎ
Friday, March 31, 2023 1:23 AM IST
അഗർത്തല: ത്രിപുരയിൽ നിയസഭാ സമ്മേളനത്തിനിടെ ബിജെപി എംഎൽഎ സഭയ്ക്കുള്ളിലിരുന്ന് മൊബൈലിൽ അശ്ലീലദൃശ്യങ്ങൾ കണ്ടു.
വടക്കൻ ത്രിപുരയിലെ ബാഗ്ബസയിൽ നിന്നുള്ള എംഎൽഎ ജാദവ് ലാൽ നാഥാണു നിയമസഭയിലെ ചൂടേറിയ ബജറ്റ് ചർച്ചയ്ക്കിടെ മൊബൈൽഫോണിൽ ചൂടൻ ദൃശ്യങ്ങൾ ആസ്വദിച്ച് വിവാദനായകനായത്.
അതേസമയം തന്നെ ആരോ വിളിച്ചതിനു പിന്നാലെ മൊബൈൽഫോണിൽ ദൃശ്യങ്ങൾ പ്രത്യക്ഷപ്പെടുകയായിരുന്നു എന്നാണ് എംഎൽഎയുടെ വിശദീകരണം. നിരന്തരമായി വിളിച്ചതിനാലാണ് ഫോൺ എടുത്തത്. ഉടൻ അശ്ലീലദൃശ്യങ്ങൾ പ്രത്യക്ഷപ്പെട്ടു. ഉടൻ ഫോൺ അടച്ചുവച്ചെന്നും ജാദവ് ലാൽ വിശദീകരിച്ചു.