National News
പുതിയ പാർലമെന്‍റിൽ സർവത്ര ആശയക്കുഴപ്പം
പുതിയ പാർലമെന്‍റിൽ സർവത്ര ആശയക്കുഴപ്പം
Thursday, September 21, 2023 1:26 AM IST
ന്യൂ​ഡ​ൽ​ഹി: പ​ഞ്ച​ന​ക്ഷ​ത്ര സൗ​ക​ര്യ​ങ്ങ​ളോ​ടെ 971 കോ​ടി രൂ​പ ചെ​ല​വി​ട്ടു നി​ർ​മി​ച്ച പു​തി​യ പാ​ർ​ല​മെ​ന്‍റ് മ​ന്ദി​ര​ത്തി​ലെ ആ​ദ്യ ര​ണ്ടു ദി​വ​സ​ങ്ങ​ളി​ൽ ദി​ശ​യ​റി​യാ​തെ​യും പ​ച്ച​വെ​ള്ളം പോ​ലും കു​ടി​ക്കാ​നാ​കാ​തെ​യും സ​ന്ദ​ർ​ശ​ക​ർ വ​ല​ഞ്ഞു. ലോ​ക്സ​ഭ​യി​ലെ​യും രാ​ജ്യ​സ​ഭ​യി​ലെ​യും എം​പി​മാ​രും മ​ന്ത്രി​മാ​രും അ​വ​രു​ടെ സ്റ്റാ​ഫും പ​ത്ര​പ്ര​വ​ർ​ത്ത​ക​രും ജീ​വ​ന​ക്കാ​രു​മെ​ല്ലാം ആ​ശ​യ​ക്കു​ഴ​പ്പ​ത്തി​ലാ​ണ്.

ദി​ശാ​സൂ​ചി​ക​ക​ളി​ല്ല

ദി​ശ​യും മു​റി​ക​ളു​ടെ വി​ശ​ദാം​ശ​ങ്ങ​ളും കൃ​ത്യ​മാ​യി വ്യ​ക്ത​മാ​ക്കു​ന്ന സൈ​ൻ ബോ​ർ​ഡു​ക​ൾ പാ​ർ​ല​മെ​ന്‍റി​നു​ള്ളി​ൽ എ​വി​ടെ​യും ഇ​ല്ലാ​ത്ത​താ​ണ് ആ​ശ​യ​ക്കു​ഴ​പ്പ​മു​ണ്ടാ​ക്കു​ന്ന​തെ​ന്ന് എം​പി​മാ​ർ പ​റ​ഞ്ഞു. ലോ​ക്സ​ഭ, രാ​ജ്യ​സ​ഭ എ​ന്നീ ബോ​ർ​ഡു​ക​ൾ ഇം​ഗ്ലീ​ഷി​ലും ഹി​ന്ദി​യി​ലും താ​ഴ​ത്തെ നി​ല​യി​ൽ എം​പി​മാ​ർ ക​യ​റു​ന്നി​ട​ത്തും ഒ​ന്നാം നി​ല​യി​ലെ സ​ന്ദ​ർ​ശ​ക ഗാ​ല​റി​ക്കു പു​റ​ത്തു​മു​ണ്ട്. എ​ന്നാ​ൽ എ​ങ്ങോ​ട്ടു തി​രി​യ​ണ​മെ​ന്ന ദി​ശാ​സൂ​ചി​ക ഇ​ല്ല.

കെ​ട്ടി​ട​ത്തി​നു​ള്ളി​ലേ​ക്ക് ക​ട​ക്കു​ന്ന പ്ര​ധാ​ന വാ​തി​ലു​ക​ൾ മു​ത​ൽ സ​ന്ദ​ർ​ശ​ക​രെ​ത്തു​ന്ന റി​സ​പ്ഷ​ൻ വ​രെ ഒ​രി​ട​ത്തും കൃ​ത്യ​മാ​യ വി​വ​രം ന​ൽ​കു​ന്ന ബോ​ർ​ഡു​ക​ളോ ദി​ശ വ്യ​ക്ത​മാ​ക്കു​ന്ന സൂ​ചി​ക​യോ ഇ​ല്ല. ആ​ഡം​ബ​ര ഹോ​ട്ട​ലി​ലോ ഷോ​പ്പിം​ഗ് മാ​ളു​ക​ളി​ലോ ക​യ​റു​ന്ന​തു​പോ​ലെ​യാ​ണ് തോ​ന്നി​യ​തെ​ന്ന് മു​ൻ സി​നി​മാ​താ​ര​വും എ​സ്പി എം​പി​യു​മാ​യ ജ​യാ ബ​ച്ച​ൻ പ​റ​ഞ്ഞു.

തിക്കി നിറച്ച് സീറ്റുകൾ

ലോ​ക്സ​ഭ​യി​ൽ 888 സീ​റ്റു​ക​ൾ തി​ക്കി​നി​റ​ച്ച​തു പോ​ലെ​യാ​ണു കാ​ണു​ന്ന​ത്. ദി​വ​സം മു​ഴു​വ​ൻ ഇ​രി​ക്കാ​ൻ സൗ​ക​ര്യ​പ്ര​ദ​മാ​യ സീ​റ്റിം​ഗ് അ​ല്ലെ​ന്ന പ​രാ​തി​യു​മു​ണ്ട്. 300 സീ​റ്റു​ക​ളു​ള്ള പു​തി​യ രാ​ജ്യ​സ​ഭ വി​ശാ​ല​മാ​ണ്. ര​ണ്ടു​പേ​ർ​ക്കു വീ​തം ഇ​രി​ക്കാ​വു​ന്ന സീ​റ്റു​ക​ളാ​ണ് ഇ​രു​സ​ഭ​ക​ളി​ലു​മു​ള്ള​ത്. സ​ഭ​യ്ക്കു​ള്ളി​ൽ ത​ണു​പ്പ് കൂ​ടു​ത​ലാ​ണെ​ന്നും കു​റ​യ്ക്ക​ണ​മെ​ന്ന് എം​പി​മാ​ർ രേ​ഖാ​മൂ​ലം അ​ഭ്യ​ർ​ഥി​ച്ചി​ട്ടു​ണ്ടെ​ന്നും ഇ​ന്ന​ലെ ഉ​ച്ച​ക​ഴി​ഞ്ഞ് സ​ഭാ​ധ്യ​ക്ഷ​നാ​യ ജ​ഗ​ദീ​പ് ധ​ൻ​ക​ർ സ​ഭ​യെ അ​റി​യി​ച്ചു. എ​സി​യു​ടെ കൂ​ളിം​ഗ് കു​റ​യ്ക്കാ​ൻ സെ​ക്ര​ട്ട​റി ജ​ന​റ​ലി​നെ ചു​മ​ത​ല​പ്പെ​ടു​ത്തു​ക​യും ചെ​യ്തു.

പ്ര​ധാ​ന​മ​ന്ത്രി​യും ഉ​പ​രാ​ഷ്‌​ട്ര​പ​തി​യും മ​ന്ത്രി​മാ​രും എം​പി​മാ​രും പ​ത്ര​പ്ര​വ​ർ​ത്ത​ക​രും സ​ന്ദ​ർ​ശ​ക​രും ഉ​ൾ​പ്പെ​ടെ​യു​ള്ള​വ​ർ​ക്കാ​യി ആ​റു വ്യ​ത്യ​സ്ത ക​വാ​ട​ങ്ങ​ൾ പു​തി​യ പാ​ർ​ല​മെ​ന്‍റ് മ​ന്ദി​ര​ത്തി​ലു​ണ്ട്. ഗ​ജ ദ്വാ​രം (ഗ​ജ ദ്വാ​ർ എ​ന്നു ഹി​ന്ദി), അ​ശ്വ ദ്വാ​രം, ഗ​രു​ഡ ദ്വാ​രം, മ​ക​ര​ദ്വാ​രം, ശാ​ർ​ദൂ​ല ദ്വാ​രം, ഹം​സ ദ്വാ​രം എ​ന്നി​വ​യാ​ണ് ആ​റു ക​വാ​ട​ങ്ങ​ൾ.

കവാടം ആർക്കൊക്കെ?

ഓ​രോ വാ​തി​ലി​ലും അ​തി​ന്‍റെ പേ​രി​ട്ടി​രി​ക്കു​ന്ന ജീ​വി​യു​ടെ ശി​ല്പ​മു​ണ്ട്. ബു​ദ്ധി, ഓ​ർ​മ, സ​ന്പ​ത്ത്, ജ്ഞാ​നം എ​ന്നി​വ​യെ പ്ര​തി​നി​ധീ​ക​രി​ക്കു​ന്ന ആ​ന​യു​ടെ പേ​രി​ലാ​ണു ഗ​ജ​ദ്വാ​ർ എ​ന്ന വി​ശ​ദീ​ക​ര​ണം നേ​ര​ത്തേ ന​ൽ​കി​യി​രു​ന്നു. എ​ന്നാ​ൽ ഗേ​റ്റി​ലൂ​ടെ പ്ര​വേ​ശ​നം ആ​ർ​ക്കാ​ണ് അ​നു​വ​ദി​ച്ചി​രി​ക്കു​ന്ന​തെ​ന്നു വ്യ​ക്ത​മ​ല്ല.


ഏ​തു ദ്വാ​ര​ത്തി​ലൂ​ടെ ആ​ർ​ക്കാ​ണു പ്ര​വേ​ശ​നം എ​ന്നു സൂ​ചി​പ്പി​ക്കു​ന്ന​തൊ​ന്നും ബോ​ർ​ഡി​ലി​ല്ല. മാ​ധ്യ​മ​പ്ര​വ​ർ​ത്ത​ക​ർ​ക്കാ​യി ആ​റാ​മ​ത്തെ വാ​തി​ലാ​യ ഹം​സ ദ്വാ​ർ ആ​ണ്. പ​ക്ഷേ ഹം​സ ദ്വാ​ർ മാ​ധ്യ​മ​പ്ര​വ​ർ​ത്ത​ക​ർ​ക്കു വേ​ണ്ടി​യു​ള്ള​താ​ണെ​ന്ന് സൂ​ചി​പ്പി​ക്കു​ന്ന​തൊ​ന്നും ആ ​വാ​തി​ലി​ലോ വ​ശ​ങ്ങ​ളി​ലോ അ​ക​ത്തോ പു​റ​ത്തോ ഇ​ല്ല. എം​പി​മാ​ർ​ക്കും സ​ന്ദ​ശ​ക​ർ​ക്കും അ​ട​ക്ക​മു​ള്ള മ​റ്റു ക​വാ​ട​ങ്ങ​ളി​ലും സ്ഥി​തി വ്യ​ത്യ​സ്ത​മ​ല്ല.

അകത്തുകടന്നാൽ പെട്ടു!

ഗേ​റ്റ് ക​ണ്ടെ​ത്തി ഉ​ള്ളി​ൽ ക​ട​ന്നാ​ലും ആ​കെ ആ​ശ​യ​ക്കു​ഴ​പ്പ​മാ​ണ്. സം​സ്കൃ​ത, ഹി​ന്ദി പേ​രു​ക​ളു​ള്ള മു​റി​ക​ൾ കാ​ണാ​മെ​ങ്കി​ലും അ​തി​നു​ള്ളി​ൽ എ​ന്താ​ണെ​ന്നു വി​ശ​ദീ​ക​ര​ണ​മി​ല്ല. ലി​ഫ്റ്റ് എ​വി​ടെ​യാ​ണെ​ന്നു ക​ണ്ടെ​ത്താ​നും പ്ര​യാ​സ​പ്പെ​ടും.

എം​പി​മാ​ർ​ക്കു മാ​ത്ര​മു​ള്ള ലോ​ബി​യു​ടെ​യോ കാ​ന്‍റീ​നി​ന്‍റെ​യോ മു​ന്നി​ൽ പോ​ലും അ​ക്കാ​ര്യം മ​ന​സി​ലാ​കി​ല്ല. പ​തി​റ്റാ​ണ്ടു​ക​ളാ​യി മാ​ധ്യ​മ​പ്ര​വ​ർ​ത്ത​ക​ർ​ക്കാ​യി പ്ര​ത്യേ​കം ഉ​ണ്ടാ​യി​രു​ന്ന കാ​ന്‍റീ​ൻ പു​തി​യ​തി​ൽ നി​ർ​ത്ത​ലാ​ക്കി. നൂ​റു​ക​ണ​ക്കി​നു ജീ​വ​ന​ക്കാ​രും സു​ര​ക്ഷാ ഉ​ദ്യോ​ഗ​സ്ഥ​രും സ​ന്ദ​ർ​ശ​ക​രും തി​ര​ക്കു​കൂ​ട്ടു​ന്ന ജ​ന​റ​ൽ കാ​ന്‍റീ​നി​ൽ പോ​ലും ഇ​ടി​ച്ചാ​ലാ​ണു ഭ​ക്ഷ​ണം ല​ഭി​ക്കു​ക. സ​ബ്ഡി​ഡി ഒ​ട്ടു​മി​ല്ലാ​തെ ഹോ​ട്ട​ൽ നി​ര​ക്കി​ലു​ള്ള കാ​ന്‍റീ​നാ​ണി​ത്.

കിട്ടാക്കനിയായി കുടിവെള്ളം

പു​തി​യ പാ​ർ​ല​മെ​ന്‍റ് മ​ന്ദി​ര​ത്തി​ൽ കു​ടി​വെ​ള്ളം കി​ട്ടാ​നാ​ണ് ഏ​റ്റ​വും പ്ര​യാ​സം. കു​ടി​വെ​ള്ള​ത്തി​നാ​യി പൈ​പ്പു​ക​ൾ ഉ​ണ്ടെ​ങ്കി​ലും പേ​പ്പ​ർ ഗ്ലാ​സ് പോ​ലു​മി​ല്ല. കാ​ന്‍റീ​നി​ലും കു​ടി​വെ​ള്ള​മി​ല്ല.

മാ​ധ്യ​മ​ങ്ങ​ൾ​ക്കാ​യു​ള്ള ഗാ​ല​റി​യി​ൽ ഓ​രോ മാ​ധ്യ​മ​ത്തി​നും നി​ജ​പ്പെ​ടു​ത്തി​യി​രു​ന്ന പ്ര​ത്യേ​ക സീ​റ്റിം​ഗും പു​തി​യ കെ​ട്ടി​ട​ത്തി​ലി​ല്ല. ആ​ദ്യ​ദി​വ​സം രാ​ജ്യ​സ​ഭാ മാ​ധ്യ​മ ഗാ​ല​റി​യി​ലെ ഒ​രു സീ​റ്റി​ലും പ​ത്ര​പ്ര​വ​ർ​ത്ത​ക​ർ​ക്ക് ഒ​ന്നും കേ​ൾ​ക്കാ​നാ​യി​ല്ല. ഹെ​ഡ്സെ​റ്റു​ക​ൾ പ്ര​വ​ർ​ത്തി​ക്കാ​താ​യ​തി​നെ​ത്തു​ട​ർ​ന്ന് ഇ​ന്ന​ലെ മ​റ്റൊ​രു ഗാ​ല​റി​യാ​ണ് പ​ത്ര​പ്ര​വ​ർ​ത്ത​ക​ർ​ക്കു ന​ൽ​കി​യ​ത്. ഒ​ന്നി​നും വ്യ​വ​സ്ഥ​യി​ല്ലാ​ത്ത ഗ​തി​കേ​ടാ​ണെ​ന്നു മു​തി​ർ​ന്ന പ​ത്ര​പ്ര​വ​ർ​ത്ത​ക​ർ പ​രാ​തി​പ്പെ​ട്ടു.

സന്ദർശക പാസ് പഴയപടി

സ​ന്ദ​ർ​ശ​ക​രു​ടെ സ്ഥി​തി​യും ഒ​ട്ടും മെ​ച്ച​പ്പെ​ട്ടി​ല്ല. അ​ത്യാ​ധു​നി​ക സു​ര​ക്ഷാ സം​വി​ധാ​ന​ങ്ങ​ളും സ്കാ​ന​റു​ക​ളും മ​റ്റും ഏ​ർ​പ്പെ​ടു​ത്തി​യെ​ങ്കി​ലും പ​ഴ​യ​തു​പോ​ലെ നീ​ണ്ട ക്യൂ ​നി​ന്നാ​ണു പാ​സ് സം​ഘ​ടി​പ്പി​ക്കു​ന്ന​ത്. വ​നി​താ ബി​ൽ അ​വ​ത​ര​ണം പ്ര​മാ​ണി​ച്ച് ആ​ദ്യ ര​ണ്ടു ദി​വ​സ​ങ്ങ​ളി​ൽ ബി​ജെ​പി​യു​ടെ മ​ഹി​ളാ മോ​ർ​ച്ച പ്ര​വ​ർ​ത്ത​ക​ർ, വി​വി​ധ ഹൈ​ന്ദ​വ സ്ഥാ​പ​ന​ങ്ങ​ളി​ലെ സ്ത്രീ​ക​ൾ, സ്കൂ​ളു​ക​ളി​ലെ​യും കോ​ള​ജു​ക​ളി​ലെ​യും വ​നി​താ അ​ധ്യാ​പ​ക​ർ, വി​ദ്യാ​ർ​ഥി​നി​ക​ൾ തു​ട​ങ്ങി​യ​വ​ർ​ക്കാ​യി​രു​ന്നു ഗാ​ല​റി​യി​ൽ പ്ര​വേ​ശ​നം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.