അവിശ്വാസത്തിനപ്പുറം തെ​രേ​സ മേ​യ്ക്കു മു​ന്നി​ൽ പ​ല​വ​ഴി​ക​ൾ
Thursday, January 17, 2019 12:37 AM IST
ഒ​രു നൂ​റ്റാ​ണ്ടി​നി​ട​യി​ൽ ഇ​ത്ര വ​ലി​യ പ​രാ​ജ​യം ഒ​രു ബ്രി​ട്ടീ​ഷ് പ്ര​ധാ​ന​മ​ന്ത്രി​ക്കും ഉ​ണ്ടാ​യി​ട്ടി​ല്ല. തെ​രേ​സ മേ​രി മേ ​എ​ന്ന അ​റു​പ​ത്തി​ര​ണ്ടു​കാ​രി​ക്ക് ഇ​തു പ​ക്ഷേ രാ​ഷ്‌​ട്രീ​യ അ​ന്ത്യ​മ​ല്ല.

ബു​ധ​നാ​ഴ്ച അ​വി​ശ്വാ​സപ്ര​മേ​യം അ​വ​ത​രി​പ്പി​ക്കാ​ൻ തെ​രേ​സത​ന്നെ​യാ​ണു വെ​ല്ലു​വി​ളി​ച്ച​ത്. 230 വോ​ട്ടി​നു ത​ന്‍റെ ബ്രെ​ക്സി​റ്റ് പ​ദ്ധ​തി തോ​റ്റ​പ്പോ​ൾ ത​ന്‍റെ നേ​തൃ​ത്വം ഉ​റ​പ്പി​ക്കാ​ൻ ഒ​രു അ​വി​ശ്വാ​സ​ത്തെ മ​റി​ക​ട​ക്കേ​ണ്ട​ത് ആ​വ​ശ്യ​മാ​ണെ​ന്ന് അ​വ​ർ​ക്കു തോ​ന്നി. വെ​ല്ലു​വി​ളി സ്വീ​ക​രി​ച്ച ലേ​ബ​ർ നേ​താ​വ് ജെ​റെ​മി കോ​ർ​ബി​ൻ അ​വ​ത​രി​പ്പി​ച്ച അ​വി​ശ്വാ​സം പ​രാ​ജ​യ​പ്പെ​ടു​മെ​ന്ന ഉ​റ​പ്പാ​ണ് മേ ​പ്ര​ക​ടി​പ്പി​ക്കു​ന്ന​ത്.

കാ​ര​ണം യാ​ഥാ​സ്ഥി​തി​ക പാ​ർ​ട്ടി ഇ​പ്പോ​ൾ തെ​ര​ഞ്ഞെ​ടു​പ്പി​നോ നേ​തൃ​മാ​റ്റ​ത്തി​നോ ആ​ഗ്ര​ഹി​ക്കു​ന്നി​ല്ല എ​ന്ന് അ​വ​ർ​ക്ക​റി​യാം. സ​ഖ്യ​ക​ക്ഷി​യാ​യ പ​ത്തം​ഗ ഡി​യു​പി (ഡെ​മോ​ക്രാ​റ്റി​ക് യൂ​ണി​യ​നി​സ്റ്റ് പാ​ർ​ട്ടി) മേ​യ്ക്കു പി​ന്തു​ണ പ്ര​ഖ്യാ​പി​ച്ചു. ബ്രെ​ക്സി​റ്റി​നെ എ​തി​ർ​ത്ത ഭ​ര​ണ​ക​ക്ഷി​ക്കാ​ർ അ​വി​ശ്വാ​സ​ത്തെ അ​നു​കൂ​ലി​ക്കി​ല്ലെ​ന്നു പ്ര​ഖ്യാ​പി​ച്ചി​ട്ടു​ണ്ട്.

അ​വി​ശ്വാ​സം പ​രാ​ജ​യ​പ്പെ​ട്ടാ​ൽ

ബ്രെ​ക്സി​റ്റി​നു​ള്ള ബ​ദ​ൽ ക​രാ​ർ മേ ​പാ​ർ​ല​മെ​ന്‍റി​ൽ സ​മ​ർ​പ്പി​ക്കും. ആ​ദ്യ ക​രാ​റി​ൽനി​ന്നു കാ​ര്യ​മാ​യ വ്യ​ത്യാ​സം പ്ര​തീ​ക്ഷി​ക്കാ​നി​ല്ല. എ​ങ്കി​ലും മ​ത്സ്യ​ബ​ന്ധ​നാ​വ​കാ​ശം, ഐ​റി​ഷ് അ​തി​ർ​ത്തി തു​ട​ങ്ങി​യ വി​വാ​ദ വി​ഷ​യ​ങ്ങ​ളി​ൽ ചെ​റി​യ മാ​റ്റം ഉ​ണ്ടാ​കാം. മാ​റ്റ​മി​ല്ലാ​തെ ബ്രി​ട്ട​നി​ൽ ബ്രെ​ക്സി​റ്റ് ക​രാ​ർ സ്വീ​ക​രി​ക്കി​ല്ലെ​ന്നു യൂ​റോ​പ്യ​ൻ യൂ​ണി​യ​ൻ നേ​തൃ​ത്വ​ത്തെ ബോ​ധ്യ​പ്പെ​ടു​ത്താ​ൻ കോ​മ​ൺ​സി​ലെ പ​രാ​ജ​യം മേ​യ്ക്കു സ​ഹാ​യ​മാ​കും.


കാ​ലാ​വ​ധി നീ​ട്ടു​മോ?

മാ​ർ​ച്ച് 29-ന് ​അ​ർ​ധ​രാ​ത്രി ബ്രി​ട്ട​ൻ യൂ​റോ​പ്യ​ൻ യൂ​ണി​യ​നി​ൽനി​ന്ന് പു​റ​ത്തു​പോ​കാ​നാ​ണു നി​ല​വി​ലു​ള്ള ധാ​ര​ണ. വ്യ​ക്ത​മാ​യ ക​രാ​ർ അ​തി​ന​കം ഉ​ണ്ടാ​യി​ല്ലെ​ങ്കി​ൽ പ​ര​ക്കെ കു​ഴ​പ്പ​മാ​കും. ബ്രി​ട്ട​ൻ ച​രി​ത്ര​ത്തി​ലെ ഏ​റ്റ​വും വ​ലി​യ മാ​ന്ദ്യ​ത്തി​ലേ​ക്കാ​വും അ​ങ്ങ​നെ​യൊ​ര​വ​സ്ഥ​യി​ൽ വീ​ഴു​ക.
ക​രാ​ർ പെ​ട്ടെ​ന്നു സാ​ധ്യ​മ​ല്ലെ​ങ്കി​ൽ യൂ​റോ​പ്യ​ൻ യൂ​ണി​യ​നി​ൽ നി​ന്നു​ള്ള പി​ന്മാ​റ്റം നീ​ട്ടി​ക്കൊ​ണ്ടു പോ​കാ​ൻ ബ്രി​ട്ട​ൻ ശ്ര​മി​ച്ചു കൂ​ടാ​യ്ക​യി​ല്ല.

അ​വി​ശ്വാ​സം പാ​സാ​യാ​ൽ

അ​വി​ശ്വാ​സ​പ്ര​മേ​യം പാ​സാ​യാ​ലും ബ്രി​ട്ട​ൻ ഉ​ട​ന​ടി തെ​ര​ഞ്ഞെ​ടു​പ്പി​ലേ​ക്കു നീ​ങ്ങി​ല്ല. മേ​യ്ക്കോ പ്ര​തി​പ​ക്ഷ ലേ​ബ​ർ പാ​ർ​ട്ടി​ക്കോ ഭ​ര​ണ​ത്തി​നാ​വ​ശ്യ​മാ​യ ഭൂ​രി​പ​ക്ഷം ത​ട്ടി​ക്കൂ​ട്ടാ​ൻ 14 ദി​വ​സം സ​മ​യ​മു​ണ്ട്. (2011-ൽ ​പാ​സാ​ക്കി​യ പാ​ർ​ല​മെ​ന്‍റി​നു കാ​ലാ​വ​ധി സു​സ്ഥി​ര​മാ​ക്കു​ന്ന നി​യ​മ​പ്ര​കാ​ര​മാ​ണി​ത്). അ​തു സാ​ധി​ച്ചി​ല്ലെ​ങ്കി​ലേ തെ​ര​ഞ്ഞെ​ടു​പ്പ് ഉ​ണ്ടാ​കൂ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.