ക​ണ്ണീ​ര​ണി​ഞ്ഞ കൂ​ട്ട​സം​സ്കാ​രം
Wednesday, April 24, 2019 12:07 AM IST
കൊ​ളം​ബോ: നെ​ഗം​ബോ​യി​ലെ സെ​ന്‍റ് സെ​ബാ​സ്റ്റ്യ​ൻസ് പ​ള്ളി സെ​മി​ത്തേ​രി​യി​ൽ ഇ​ന്ന​ലെ ന​ട​ന്ന കൂ​ട്ടസം​സ്കാ​രം ക​ണ്ടു​നി​ന്ന​വ​രെ ക​ണ്ണീ​ര​ണി​യി​ച്ചു. പ​തി​നൊ​ന്നു വ​യ​സു​ള്ള ഒ​രു കു​ട്ടി​യു​ടെ മൃ​ത​ദേ​ഹം സെ​മി​ത്തേ​രി​യി​ലേ​ക്കു കൊ​ണ്ടു​വ​ന്ന​പ്പോ​ൾ മാ​താ​പി​താ​ക്ക​ൾ​ക്കു പു​റ​മേ നി​ര​വ​ധിപ്പേ​ർ വി​ങ്ങി​പ്പൊ​ട്ടി.

45 കു​ട്ടി​ക​ൾ കൊ​ല്ല​പ്പെ​ട്ട ഭീ​ക​രാ​ക്ര​മ​ണ​ത്തി​നു​ശേ​ഷം ഇ​ന്ന​ലെ​യാ​ണ് ആ​ദ്യ​ത്തെ സം​സ്കാ​രം ന​ട​ന്ന​ത്. കു​ഞ്ഞു ശ​വ​പ്പെ​ട്ടി​ക​ൾ കു​ഴി​യി​ലേ​ക്കു വ​യ്ക്കു​ന്ന​തു ക​ണ്ടുനി​ൽ​ക്കാ​നാ​കാ​തെ മി​ക്ക​വ​രും വി​തു​ന്പി. കു​ടും​ബ​ത്തി​ലെ നാ​ലും അ​ഞ്ചും പേ​രെ ഒ​രു​മി​ച്ച് ന​ഷ്ട​മാ​യ​വ​ർ നി​ര​വ​ധി​യാ​ണ്. എന്തു പറയണമെന്നറിയാ ത്ത അവസ്ഥയിലായിരുന്നു ബ ന്ധുക്കൾ.

എ​ന്നാ​ൽ, സ്ത്രീ​ക​ള​ട​ക്കം പ​ല​രും രോ​ഷാ​കു​ല​രാ​യി. “ഒ​രു തെ​റ്റും ചെ​യ്യാ​ത്ത പി​ഞ്ചുകു​ഞ്ഞു​ങ്ങ​ളോ​ട് എ​ന്തി​നാ​ണ് ഇ​ത്ര ക്രൂ​ര​ത. സ്നേ​ഹി​ക്കാ​ൻ പ​ഠി​പ്പി​ച്ച മ​ത​ങ്ങ​ളു​ടെ പേ​രി​ൽ ഇ​ത്ര​യേ​റെ വി​ദ്വേ​ഷം പ​ട​ർ​ത്തു​ന്ന​വ​രെ ഇ​ല്ലാ​യ്മ ചെ​യ്യ​ണം. കൂ​ടു​ത​ലൊ​ന്നും പ​റ​യാ​നി​ല്ല’’- ല​സ​ന്തി അ​നു​ഷ എ​ന്ന സ്ത്രീ ​പ​റ​ഞ്ഞു.


നെ​​​ഗം​​​ബോ​​​യി​​​ലെ സെ​​​ന്‍റ് സെ​​​ബാ​​​സ്റ്റ്യ​​​ൻസ് പ​​​ള്ളി​​​യി​​​ൽ നൂ​​​റോ​​​ളം പേ​​​രാ​​​ണ്  ​​​കൊ​​​ല്ല​​​പ്പെ​​​ട്ട​​​ത്. സംസ് കാരച്ചടങ്ങുകൾക്കിടെ, മ​​​രി​​​ച്ച​​​വ​​​രോ​​​ടും പ​​​രി​​​ക്കേ​​​റ്റ​​​വ​​​രോ​​​ടു​​​മു​​​ള്ള ആ​​​ദ​​​ര​​​സൂ​​​ച​​​ക​​​മാ​​​യി ഒ​​​രു നി​​​മി​​​ഷം മൗ​​​നം ആ​​​ച​​​രി​​​ച്ചു.

മരണം 321

ഈ​​​സ്റ്റ​​​ർ ഞാ​​​യ​​​റാ​​​ഴ്ച ശ്രീ​​​ല​​​ങ്ക​​​യി​​​ലെ പ​​​ള്ളി​​​ക​​​ളി​​​ലും ഹോ​​​ട്ട​​​ലു​​​ക​​​ളി​​​ലു​​​മു​​​ണ്ടാ​​​യ സ്ഫോ​​​ട​​​ന​​​ങ്ങ​​​ളി​​​ൽ മ​​​രി​​​ച്ച​​​വ​​​രു​​​ടെ എ​​​ണ്ണം 321 ആ​​​യി. രാ​​​ജ്യ​​​ത്ത് അ​​​ടി​​​യ​​​ന്ത​​​രാ​​​വ​​​സ്ഥ നി​​​ല​​​നിൽക്കു​​​ക​​​യാ​​​ണ്. പ​​​ത്ത് ഇ​​​ന്ത്യ​​​ക്കാ​​​ര​​​ട​​​ക്കം 31 വി​​​ദേ​​​ശി​​​ക​​​ൾ മ​​​രി​​​ച്ച​​​വ​​​രി​​​ൽ ഉ​​​ൾ​​​പ്പെ​​​ടു​​​ന്ന​​​താ​​​യി വി​​​ദേ​​​ശ​​​കാ​​​ര്യ​​​ മ​​​ന്ത്രാ​​​ല​​​യം അ​​​റി​​​യി​​​ച്ചു. ആ​​​ക്ര​​​മ​​​ണ​​​ങ്ങ​​​ളു​​​മാ​​​യി ബ​​​ന്ധ​​​പ്പെ​​​ട്ട് 40 പേ​​​രെ ഇ​​​തു​​​വ​​​രെ അ​​​റ​​​സ്റ്റ് ചെ​​​യ്തി​​​ട്ടു​​​ണ്ട്. ആ​​​ക്ര​​​മ​​​ണ​​​ത്തി​​​ന്‍റെ ഉ​​​ത്ത​​​ര​​​വാ​​​ദി​​​ത്വം ഇ​​​സ്‌​​​ലാ​​​മി​​​ക് സ്റ്റേ​​​റ്റ് ഇ​​​ന്ന​​​ലെ ഏ​​​റ്റെ​​​ടു​​​ത്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.