ഹോങ്കോംഗിൽ സമരക്കാർ പാർലമെന്‍റ് വളഞ്ഞു
Wednesday, June 12, 2019 11:42 PM IST
ഹോ​​​ങ്കോം​​​ഗ്: ചൈ​​ന​​യു​​മാ​​യി കു​​റ്റ​​വാ​​ളി കൈ​​മാ​​റ്റ ക​​​രാ​​​ർ ഉ​​​ണ്ടാ​​​ക്കു​​​ന്ന​​​തി​​​നെ​​​തി​​​രേ ചൈ​​​നീ​​​സ് സ്വ​​​യം​​​ഭ​​​ര​​​ണ​​​പ്ര​​​വി​​​ശ്യ​​​യാ​​​യ ഹോ​​​ങ്കോ​​​ങ്ങി​​​ൽ ന​​​ട​​​ക്കു​​​ന്ന ജ​​​നാ​​​ധി​​​പ​​​ത്യ പ്ര​​ക്ഷോ​​ഭം അ​​​തി​​​ശ​​​ക്ത​​​മാ​​​യി. ഇ​​​ന്ന​​​ലെ നി​​​യ​​​മ​​​സ​​​ഭ​​​യി​​​ലേ​​​ക്ക് ഇ​​​ര​​​ച്ചു​​​ക​​​യ​​​റാ​​​ൻ ശ്ര​​​മി​​​ച്ച പ്ര​​​ക്ഷോ​​​ഭ​​​ക​​​രെ പോ​​​ലീ​​​സ് ലാ​​​ത്തി​​​യും ക​​​ണ്ണീ​​​ർ​​​വാ​​​ത​​​ക​​​വും റ​​​ബ​​​ർ​​​ബു​​​ള്ള​​​റ്റും പ്ര​​​യോ​​​ഗി​​​ച്ചു നേ​​​രി​​​ട്ടു. ഹോ​​​ങ്കോ​​​ങ്ങി​​​ന്‍റെ സ്വാ​​​ത​​​ന്ത്ര്യം ചൈ​​​ന​​​യ്ക്ക് അ​​​ടി​​​യ​​​റ​​​വ​​​യ്ക്ക​​​രു​​​തെ​​​ന്നാ​​​വ​​​ശ്യ​​​പ്പെ​​​ട്ട് ആ​​​യി​​​ര​​​ങ്ങ​​​ൾ പ്ര​​​ധാ​​​ന തെ​​​രു​​​വു​​​ക​​​ൾ ഉ​​​പ​​​രോ​​​ധി​​​ച്ചു.

ഹോ​​​ങ്കോ​​​ങ്ങി​​​നു കൂ​​​ടു​​​ത​​​ൽ സ്വാ​​​ത​​​ന്ത്ര്യം ആ​​​വ​​​ശ്യ​​​പ്പെ​​​ട്ട് 2014ൽ ​​​ന​​​ട​​​ന്ന കു​​​ട​​​വി​​​പ്ല​​​വ​​​ത്തെ അ​​​നു​​​സ്മ​​​രി​​​പ്പി​​​ക്കു​​​ന്ന​​​താ​​​ണ് ഇ​​​പ്പോ​​​ഴ​​​ത്തെ സ​​​മ​​​രം. അ​​​ടി​​​ച്ച​​​മ​​​ർ​​​ത്ത​​​പ്പെ​​​ട്ട ആ ​​​പ്ര​​​ക്ഷോ​​​ഭ​​​ത്തെ​​​പ്പോ​​​ലെ ഈ ​​​സ​​​മ​​​ര​​​വും യു​​​വാ​​​ക്ക​​​ളാ​​​ണു ന​​​ട​​​ത്തു​​​ന്ന​​​ത്. ക​​​മ്യൂ​​​ണി​​​സ്റ്റ് ചൈ​​​ന​​​യി​​​ലെ സ്വാ​​​ത​​​ന്ത്ര്യം കു​​​റ​​​ഞ്ഞ ​​​കോ​​​ട​​​തി​​​ക​​​ളി​​​ൽ ഹോ​​​ങ്കോ​​​ങ്ങു​​​കാ​​​രെ വി​​​ചാ​​​ര​​​ണ ചെ​​​യ്യാ​​​ൻ അ​​​നു​​​വ​​​ദി​​​ക്കു​​​ന്ന​​​താ​​​ണ് നി​​​ർ​​​ദി​​​ഷ്ട ബി​​​ല്ലെ​​​ന്ന് ഇ​​​വ​​​ർ ചൂ​​​ണ്ടി​​​ക്കാ​​​ട്ടു​​​ന്നു. എ​​​ന്നാ​​​ൽ കു​​​റ്റ​​​വാ​​​ളി​​​ക​​​ൾ ഹോ​​​ങ്കോ​​​ങ്ങി​​​നെ സ​​​ങ്കേ​​​ത​​​മാ​​​ക്കു​​​ന്ന​​​തു ത​​​ട​​​യാ​​​ൻ നി​​​യ​​​മം വേ​​​ണ​​​മെ​​​ന്ന് ചൈ​​​നാ​​​അ​​​നു​​​കൂ​​​ലി​​​യാ​​​യ ഹോ​​​ങ്കോ​​​ങ് ഭ​​​ര​​​ണാ​​​ധി​​​കാ​​രി കാ​​​രി ലാം ​​​ചൂ​​​ണ്ടി​​​ക്കാ​​​ട്ടു​​​ന്നു.

നി​​​യ​​​മ​​​നി​​​ർ​​​മാ​​​ണ ന​​​ട​​​പ​​​ടി​​​ക​​​ൾ ഇ​​​ന്ന​​​ലെ ഉ​​​ച്ച​​​യ്ക്കു മൂ​​​ന്നു മ​​​ണി​​​ക്ക​​​കം പി​​​ൻ​​​വ​​​ലി​​​ക്ക​​​ണ​​​മെ​​​ന്ന് പ്ര​​​ക്ഷോ​​​ഭ​​​ക​​​ർ അ​​​ന്ത്യ​​​ശാ​​​സ​​​നം ന​​​ല്കി​​​യി​​​രു​​​ന്നു. സ​​​മ​​​യം അ​​​വ​​​സാ​​​നി​​​ച്ച​​​തി​​​നു പി​​​ന്നാ​​​ലെ പ്ര​​​ക്ഷോ​​​ഭ​​​ക​​​ർ പാ​​​ർ​​​ല​​​മെ​​​ന്‍റി​​​ലേ​​​ക്കു ത​​​ള്ളി​​​ക്ക​​​യ​​​റാ​​​ൻ തു​​​ട​​​ങ്ങി. ഇ​​​വ​​​രെ നേ​​​രി​​​ടാ​​​ൻ പോ​​​ലീ​​​സ് കു​​​രു​​​മു​​​ള​​​ക് സ്പ്രേ​​​യും ലെ​​​ഡ് പെ​​​ല്ല​​​റ്റു​​​ക​​​​​​ളും ഉ​​​പ​​​യോ​​​ഗി​​​ച്ചു. പ്ര​​​ക്ഷോ​​​ഭ​​​ക​​​ർ ക​​​യ്യി​​​ൽ കി​​​ട്ടി​​​യ​​​തെ​​​ല്ലാം പോ​​​ലീ​​​സി​​​നു നേ​​​ർ​​​ക്കു വ​​​ലി​​​ച്ചെ​​​റി​​​ഞ്ഞു. ന​​​ഗ​​​ര​​​ത്തി​​​ലെ പ്ര​​​ധാ​​​ന​​​പാ​​​ത​​​ക​​​ളി​​​ലെ​​​ല്ലാം പ്ര​​​ക്ഷോ​​​ഭം ന​​​ട​​​ന്നു. ബി​​​ല്ലി​​​ന്മേ​​​ർ പാ​​​ർ​​​ല​​​മെ​​​ന്‍റി​​​ൽ ഇ​​​ന്ന​​​ലെ നി​​​ശ്ച​​​യി​​​ച്ചി​​​രു​​​ന്ന ച​​​ർ​​​ച്ച മാ​​​റ്റി​​​വ​​​ച്ചു.

പ​​ത്തു​​ല​​ക്ഷം പേ​​ർ പ​​​ങ്കെ​​​ടു​​​ത്ത പ്ര​​​ക​​​ട​​​നം ഞാ​​​യ​​​റാ​​​ഴ്ച ന​​​ട​​​ന്നി​​​രു​​​ന്നു. എ​​​ന്നാ​​​ൽ ഹോ​​​ങ്കോ​​​ങ് ഭ​​​ര​​​ണ​​​ക​​​ർ​​​ത്താ​​​ക്ക​​​ൾ പ്ര​​​ക്ഷോ​​​ഭ​​​ത്തെ അ​​​വ​​​ഗ​​​ണി​​​ക്കു​​​ക​​​യാ​​​ണ്. ബി​​​ൽ ഉ​​​പേ​​​ക്ഷി​​​ക്കു​​​ന്ന​​​തു​​​വ​​​രെ തെ​​​രു​​​വി​​​ൽ തു​​​ട​​​രു​​​മെ​​​ന്നാ​​​ണ് പ്ര​​​ക്ഷോ​​​ഭ​​​ക​​​ർ മു​​​ന്ന​​​റി​​​യി​​​പ്പു ന​​​ല്കി​​​യി​​​രി​​​ക്കു​​​ന്ന​​​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.