ഷേക്ക് കനക് ഖിംജി അന്തരിച്ചു
Friday, February 19, 2021 12:52 AM IST
മ​സ്ക​റ്റ്: ഒ​മാ​നി​ലെ ഇ​ന്ത്യ​ക്കാ​ർ​ക്കു പി​തൃ​ത​ല്യ​നും വ​ൻ വ്യ​വ​സാ​യ സാ​മ്രാ​ജ്യ​ത്തി​ന് ഉ​ട​മ​യും ഖിം​ജി റാം​ദാ​സ് ഗ്രൂ​പ്പ് ത​ല​വ​നു​മാ​യ ഷേ​ഖ് ക​ന​ക് ഖിം​ജി(85) അ​ന്ത​രി​ച്ചു.

പ​തി​റ്റാ​ണ്ടു​ക​ൾ​ക്കു മു​ന്പ് ഗു​ജാ​റ​ത്തി​ൽ​നി​ന്നു കു​ടി​യേ​റി​യ​വ​രാ​ണ് ക​ന​ക് ഖിം​ജി​യു​ടെ കു​ടും​ബം. നി​ര​വ​ധി ഇ​ന്ത്യ​ക്കാ​രാ​ണ് അ​ദ്ദേ​ഹ​ത്തി​ന്‍റെ വ്യ​വ​സാ​യ സ്ഥാ​പ​ന​ങ്ങ​ളി​ൽ ജോ​ലി ചെ​യ്യു​ന്ന​ത്. എ​ല്ലാ​വ​രും സ്നേ​ഹ​പൂ​ർ​വം അ​ദ്ദേ​ഹ​ത്തെ ക​ന​ക് ഭാ​യ് എ​ന്നാ​ണ് വി​ളി​ച്ചി​രു​ന്ന​ത്.

പി​താ​മ​ഹ​ന്മാ​ർ കെ​ട്ടി​പ്പ​ടു​ത്ത നൂ​റ്റാ​ണ്ടി​ലേ​റെ പ​ഴ​ക്ക​മു​ള്ള വ്യ​വ​സാ​യ സാ​മ്രാ​ജ്യം രാ​ജ്യ​ത്തി​ന്‍റെ ത​ന്നെ വി​ക​സ​ന​ത്തി​ൽ വ​ലി​യ പ​ങ്കാ​ണു വ​ഹി​ച്ച​ത്. വ്യ​വ​സാ​യ രം​ഗ​ത്ത് അ​ദ്ദേ​ഹം കൈ​വ​യ്ക്കാ​ത്ത മേ​ഖ​ല​ക​ളി​ല്ല. ഇ​ന്ത്യ​ൻ സ​മൂ​ഹ​ത്തി​നു വേ​ണ്ടി അ​ദ്ദേ​ഹം മു​ന്നി​ൽ നി​ന്നു. ഇ​ന്ത്യ​ൻ സ്കൂളുകളും ക​ലാ-സാം​സ്കാ​രി​ക കേ​ന്ദ്ര​ങ്ങ​ളും സ്ഥാ​പി​ച്ചു. ഒ​മാ​നി​ലെ​യും ഇ​ന്ത്യ​യി​ലെ​യും ഭ​ര​ണനേ​തൃ​ത്വ​ങ്ങ​ളോ​ട് അദ്ദേഹം വ​ള​രെ അ​ടു​പ്പം പു​ല​ർ​ത്തിയിരുന്നു.


പ്ര​വാ​സി ഭാ​ര​തീ​യ ദി​വ​സ് ആ​രം​ഭി​ച്ച ആ​ദ്യ വ​ർ​ഷം ഇ​ന്ത്യ​ൻ സ​ർ​ക്കാ​ർ പ്ര​വാ​സി ഭാ​ര​തീ​യ പുരസ്കാരം ന​ൽ​കി ആ​ദ​രി​ച്ചു. സ​മാ​ന​മാ​യ അം​ഗീ​കാ​ര​ങ്ങ​ൾ ഒ​മാ​ൻ സ​ർ​ക്കാ​റും അ​ദ്ദേ​ഹ​ത്തി​ന്ു ന​ൽ​കി.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.