International News
കാനഡയിൽ ബോർഡിംഗ് സ്കൂൾ നിന്നിരുന്നിടത്ത് 751 കുഴിമാടങ്ങൾ
കാനഡയിൽ ബോർഡിംഗ് സ്കൂൾ നിന്നിരുന്നിടത്ത് 751 കുഴിമാടങ്ങൾ
Thursday, June 24, 2021 11:26 PM IST
ഒ​ട്ടാ​വ: കാ​ന​ഡ​യി​ലെ സാ​സ്കാ​ചു​വാ​ൻ പ്ര​വി​ശ്യ​യി​ൽ മു​ന്പ് ബോ​ർ​ഡിം​ഗ് സ്കൂ​ൾ നി​ല​നി​ന്നി​രു​ന്നി​ട​ത്ത് 751 കു​ഴി​മാ​ട​ങ്ങ​ൾ ക​ണ്ടെ​ത്തി.

ക​വേ​സ്യൂ​സ് ഇ​ന്‌​ഡ്യ​ൻ ആ​ദി​വാ​സി വി​ഭാ​ഗ​മാ​ണ് ഇ​ക്കാ​ര്യം അ​റി​യി​ച്ച​ത്. ആ​ഴ്ച​ക​ൾ​ക്കു മു​ന്പ് ബ്രി​ട്ടീ​ഷ് കൊ​ളം​ബി​യ​യി​ൽ ബോ​ർ​ഡിം​ഗ് സ്കൂ​ൾ നി​ല​നി​ന്നി​രു​ന്നി​ട​ത്ത് 251 കു​ട്ടി​ക​ളു​ടെ മൃ​ത​ദേ​ഹാ​വ​ശി​ഷ്ട​ങ്ങ​ൾ ക​ണ്ടെ​ത്തി​യി​രു​ന്നു.

തെ​ക്കു​കി​ഴ​ക്ക​ൻ സാ​സ്കാ​ചു​വാ​നി​ൽ ദ ​മെ​റി​വെ​ൽ ഇ​ൻ​ഡ്യ​ൻ റെ​സി​ഡെ​ൻ​ഷ്യ​ൽ സ്കൂ​ൾ നി​ല​നി​ന്നി​രു​ന്നി​ട​ത്താ​ണ് പു​തി​യ​താ​യി കു​ഴി​മാ​ട​ങ്ങ​ൾ ക​ണ്ടെ​ത്തി​യ​ത്. ഇ​ൻ​ഡ്യ​ൻ അ​ദി​വാ​സി കു​ട്ടി​ക​ൾ​ക്കാ​യി 19, 20 നൂ​റ്റാ​ണ്ടു​ക​ളി​ൽ ന​ട​ത്തി​യി​രു​ന്ന 130 സ്കൂ​ളു​ക​ളി​ലൊ​ന്നാ​ണി​ത്.

1863നും 1998​നും ഇ​ട​യ്ക്ക് ഒ​ന്ന​ര ല​ക്ഷ​ത്തോ​ളം കു​ട്ടി​ക​ളെ വീ​ടുക​ളി​ൽ​നി​ന്ന് നി​ർ​ബ​ന്ധി​ത​മാ​യി കൊ​ണ്ടു​വ​ന്ന് ഈ ​സ്കൂ​ളി​ലാ​ക്കി​യി​രു​ന്നു. അ​വ​രു​ടെ ഗോത്ര​ഭാ​ഷ​യും സം​സ്കാ​ര​വും ഇ​വി​ടെ വി​ല​ക്ക​പ്പെ​ട്ടു. സൗ​ക​ര്യ​ങ്ങ​ളും ശു​ചി​ത്വ​വും ഇ​ല്ലാ​തി​രു​ന്ന സ്ഥ​ല​ങ്ങ​ളി​ൽ താ​മ​സി​പ്പി​ക്ക​പ്പെ​ട്ട കു​ട്ടി​ക​ൾ വ്യാ​പ​ക​മാ​യി ലൈം​ഗി​ക പീ​ഡ​ന​ത്തി​ന​ട​ക്കം ഇ​ര​യാ​ക്ക​പ്പെ​ട്ട​താ​യി ആ​രോ​പി​ക്ക​പ്പെ​ടു​ന്നു.

സ്കൂ​ളു​ക​ളി​ൽ പ​ഠി​ക്ക​വേ ആ​റാ​യി​രം കു​ട്ടി​ക​ൾ മ​രി​ച്ച​താ​യി ഔ​ദ്യോ​ഗി​ക ക​ണ​ക്കു​ണ്ട്.

സ്കൂ​ൾ പ​ദ്ധ​തി​യെ​ക്കു​റി​ച്ച് അ​ന്വേ​ഷി​ക്കാ​ൻ 2008ൽ ​നി​യോ​ഗി​ക്ക​പ്പെ​ട്ട ക​മ്മി​റ്റി ഞെ​ട്ടി​പ്പി​ക്കു​ന്ന പ​ല വി​വ​ര​ങ്ങ​ളും പു​റ​ത്തു​കൊ​ണ്ടു​വ​ന്നു. സ്കൂ​ൾ പ​ദ്ധ​തി ന​ട​പ്പാ​ക്കി​യ​തി​ൽ കനേഡിയൻ സർ ക്കാർ ഔ​ദ്യോ​ഗി​ക​മാ​യി ക്ഷ​മാ​പ​ണം ന​ട​ത്തി​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.