അമേരിക്കയുടെ പൊതുകടം 22 ലക്ഷം കോടി ഡോളർ
Wednesday, February 13, 2019 10:49 PM IST
വാ​​ഷിം​​ഗ്ട​​ൺ: അ​​മേ​​രി​​ക്ക​​യു​​ടെ പൊ​​തു​​ക​​ടം കു​​തി​​ച്ചു​​യ​​ർ​​ന്നു. അ​​മേ​​രി​​ക്ക​​ൻ ട്ര​​ഷ​​റി ഡി​​പ്പാ​​ർ​​ട്ട്മെ​​ന്‍റ് പു​​റ​​ത്തു​​വി​​ട്ട ക​​ണ​​ക്ക​​നു​​സ​​രി​​ച്ച് ഈ ​​മാ​​സം 11 വ​​രെ​​യു​​ള്ള പൊ​​തു​​ക​​ടം 22.01 ല​​ക്ഷം കോ​​ടി ഡോ​​ള​​റാ​​ണ്. ക​​ഴി​​ഞ്ഞ 11 മാ​​സ​​ത്തെ മാ​​ത്രം ക​​ടം ഒ​​രു ല​​ക്ഷം കോ​​ടി ഡോ​​ള​​റാ​​ണെ​​ന്ന് പീ​​റ്റ​​ർ ജി. ​​പീ​​റ്റേ​​ഴ്സ​​ൺ ഫൗ​​ണ്ടേ​​ഷ​​ൻ സി​​ഇ​​ഒ മൈ​​ക്കി​​ൾ എ ​​പീ​​റ്റേ​​ഴ്സ​​ൺ അ​​റി​​യി​​ച്ചു. പ്ര​​തീ​​ക്ഷി​​ച്ചതി​​ലും മു​​ക​​ളി​​ൽ പൊ​​തു​​ക​​ടം ഉ​​യ​​ർ​​ന്ന​​ത് അ​​മേ​​രി​​ക്ക​​യു​​ടെ ന​​ട​​പ്പു​​സാ​​ന്പ​​ത്തി​​ക​​വ​​ർ​​ഷ അ​​വ​​സ്ഥ സ്ഥി​​ര​​ത​​യു​​ള്ള​​താ​​യി​​രി​​ക്കി​​ല്ലെ​​ന്ന സൂ​​ച​​ന​​യാ​​ണ് ന​​ല്കു​​ന്ന​​തെ​​ന്നും പി​​റ്റേ​​ഴ്സ​​ൺ അ​​ഭി​​പ്രാ​​യ​​പ്പെ​​ട്ടു.

ഒന്നര ല​​ക്ഷം കോ​​ടി ഡോ​​ള​​റി​​ന്‍റെ നി​​കു​​തി​​യി​​ള​​വും സ​​ർ​​ക്കാ​​രി​​ന്‍റെ അ​​മി​​ത ചെ​​ല​​വു​​മാ​​ണ് ധ​​ന​​ക​​മ്മി​​യും പൊ​​തു​​ക​​ട​​വും ഉ​​യ​​ർ​​ത്തി​​യ​​തെ​​ന്നാ​​ണ് വി​​ദ​​ഗ്ധ​​രു​​ടെ വി​​ല​​യി​​രു​​ത്ത​​ൽ. കോ​​ൺ​​ഗ്ര​​ഷ​​ണ​​ൽ ബ​​ജ​​റ്റ് ഓ​​ഫീ​​സി​​ന്‍റെ (സി​​ബി​​ഒ) നി​​ഗ​​മ​​ന​​മ​​നു​​സ​​രി​​ച്ച് 2019ലെ ​​ധ​​ന​​ക​​മ്മി 90,000 കോ​​ടി ഡോ​​ള​​ർ ക​​വി​​യും. ഇ​​ത് 2022 ആ​​കു​​ന്പോ​​ഴേ​​ക്ക് ഒ​​രോ വ​​ർ​​ഷ​​വും ഒ​​രു ല​​ക്ഷം കോ​​ടി ഡോ​​ള​​ർ വീ​​തം ഉ​​യ​​രു​​മെ​​ന്നും സി​​ബി​​ഒ പ​​റ​​യു​​ന്നു. 2029 ആ​​കു​​ന്പോ​​ഴേ​​ക്കും അ​​മേ​​രി​​ക്ക​​യു​​ടെ പൊ​​തു​​ക​​ടം മൊ​​ത്ത ആ​​ഭ്യ​​ന്ത​​ര ഉ​​ത്പാ​​ദ​​ന​​ത്തി​​ന്‍റെ (ജി​​ഡി​​പി) 93 ശ​​ത​​മാ​​ന​​ത്തോ​​ളം വ​​രു​​മെ​​ന്നും 2049 ആ​​കു​​ന്പോ​​ൾ അ​​ത് 150 ശ​​ത​​മാ​​ന​​മാ​​കു​​മെ​​ന്നും സി​​ബി​​ഒ ക​​ണ​​ക്കു​​കൂ​​ട്ടു​​ന്നു.


പൊ​​തു​​ക​​ടം കു​​റ​​യ്ക്കാ​​നു​​ള്ള മാ​​ർ​​ഗ​​ങ്ങ​​ൾ സ്വീ​​ക​​രി​​ച്ച് സാ​​ന്പ​​ത്തി​​ക​​രം​​ഗം സ്ഥി​​ര​​ത​​യു​​ള്ള​​താ​​ക്ക​​ണ​​മെ​​ന്ന് ഫെ​​ഡ​​റ​​ൽ റി​​സ​​ർ​​വ് മു​​ൻ ചെ​​യ​​ർ​​മാ​​ൻ അ​​ല​​ൻ ഗ്രീ​​ൻ​​സ്പാ​​ൻ പ​​റ​​ഞ്ഞു. അ​​ല്ലാ​​ത്ത​​പ​​ക്ഷം അ​​മേ​​രി​​ക്ക വ​​ലി​​യ സാ​​ന്പ​​ത്തി​​ക​​പ്ര​​തി​​സ​​ന്ധി​​യി​​ലേ​​ക്ക് കൂ​​പ്പു​​കു​​ത്തു​​മെ​​ന്നാ​​ണ് അ​​ദ്ദേ​​ഹ​​ത്തി​​ന്‍റെ മു​​ന്ന​​റി​​യി​​പ്പ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.