ഫെഡറല്‍ ബാങ്കില്‍ ഇ-എഫ്ഡിആര്‍ ഈടായി സമര്‍പ്പിക്കാം : Deepika.com Business News |

Click here for detailed news of all items

ഫെഡറല്‍ ബാങ്കില്‍ ഇ-എഫ്ഡിആര്‍ ഈടായി സമര്‍പ്പിക്കാം

Saturday, September 21, 2019 10:43 PM IST

കൊച്ചി: ഓഹരി ഇടപാടുകാരില്‍നിന്ന് ഇലക്‌ട്രോണിക് രൂപത്തിലുള്ള സ്ഥിരനിക്ഷേപ രസീതുകള്‍ (ഇ-എഫ്ഡിആര്‍) ഫെഡറല്‍ ബാങ്ക് ഈടായി സ്വീകരിക്കും.

എന്‍എസ്ഇ ക്ലിയറിംഗ് ലിമിറ്റഡാണ് ഫെഡറല്‍ ബാങ്കിനെ ഈ പട്ടികയില്‍ ഉള്‍പ്പെടുത്തിയത്. സര്‍ക്കാരിന്‍റെ ഡിജിറ്റല്‍വത്കരണ പദ്ധതികളില്‍ സുപ്രധാന നടപടിയാണ് ഇ-എഫ്ഡിആര്‍. കൈവശമുള്ള രേഖകളും സര്‍ട്ടിഫിക്കറ്റുകളും നഷ്ടപ്പെടല്‍, വ്യാജ രേഖകള്‍ എന്നിവ മൂലമുണ്ടാകുന്ന പ്രശ്നസാധ്യതകളെയും ഇ-എഫ്ഡിആര്‍ ഇല്ലാതാക്കും.

ഫെഡറല്‍ ബാങ്ക് ബ്രാഞ്ചുകളില്‍ ഇടപാടുകാര്‍ക്ക് ഒരു അപേക്ഷ നല്കുന്നതിലൂടെ ലളിതമായി ഈ സേവനം ലഭിക്കും. ഡിജിറ്റല്‍ സേവനരംഗത്ത് രാജ്യത്തു തന്നെ മുന്നില്‍ നില്‍ക്കുന്ന സ്ഥാപനമാണ് ഫെഡറല്‍ ബാങ്ക്. ഇ-എഫ്ഡിആറും ഈ രംഗത്തെ പുതിയ കാല്‍വയ്പാണ്. ഓഹരി ഇടപാടുകാര്‍ക്ക് ലളിതമായി നിക്ഷേപം നടത്താന്‍ ഈ സേവനം സൗകര്യപ്പെടുമെന്നും ഫെഡറല്‍ ബാങ്ക് സീനിയര്‍ വൈസ് പ്രസിഡന്‍റും റീട്ടെയ്‌ൽ ലയബിലിറ്റീസ് വിഭാഗം മേധാവിയുമായ കെ. രാധാകൃഷ്ണന്‍ പറഞ്ഞു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.