ബോചെ പാര്‍ട്ണര്‍മാര്‍ക്ക് ധനസഹായ വിതരണം നടത്തി
Saturday, July 19, 2025 11:55 PM IST
തൃശൂര്‍: ബോചെ പാര്‍ട്ണര്‍മാര്‍ക്ക് വീട് നിര്‍മിക്കുന്നതിനും ചികിത്സയ്ക്കുമുള്ള ധനസഹായം വിതരണം ചെയ്തു. ബോബി ചെമ്മണ്ണൂരിന്‍റെ സാന്നിധ്യത്തില്‍ ഇ.ടി. ടൈസണ്‍ എംഎല്‍എ ചെക്കുകള്‍ കൈമാറി. സജീവന്‍, സദാനന്ദന്‍, ധര്‍മരാജന്‍ എന്നീ ബോചെ പാര്‍ട്ണര്‍മാര്‍ക്കാണ് ബോചെ ഫാന്‍സ് ചാരിറ്റബിള്‍ ട്രസ്റ്റിന്‍റെ ധനസഹായം ലഭിച്ചത്.
ബോചെ ബ്രഹ്മി ടീ വിപണിയിലിറക്കുന്നതിന്‍റെ ഭാഗമായാണ് ചടങ്ങ് സംഘടിപ്പിച്ചത്. ബോചെ ബ്രഹ്മി ടീ വാങ്ങുന്നവര്‍ക്ക് ടീ പാക്കറ്റിനൊപ്പം ലഭിക്കുന്ന സ്‌ക്രാച്ച് വിന്‍ കാര്‍ഡിലൂടെ ഫ്‌ളാറ്റുകള്‍, കാറുകള്‍, ടൂവീലറുകള്‍, ഐ ഫോണുകള്‍, ബോചെ പബ്ബില്‍നിന്ന് ഒരു കുപ്പി ബോചെ പാനീയം, ടീ പാക്കറ്റ്, ബോബി ചെമ്മണ്ണൂര്‍ ഇന്‍റര്‍നാഷണല്‍ ജ്വല്ലേഴ്‌സിന്‍റെ കാഷ് വൗച്ചര്‍ എന്നീ സമ്മാനങ്ങള്‍ നേടാം. കൂടാതെ സ്‌ക്രാച്ച് ആൻഡ് വിന്‍ കാര്‍ഡിലൂടെ ആയിരക്കണക്കിന് രൂപയുടെ സമ്മാനങ്ങള്‍ ദിവസേന നേടാം.
കൊടുങ്ങല്ലൂര്‍ സീഷോര്‍ റെസിഡന്‍സി ഹോട്ടലില്‍ നടന്ന ചടങ്ങില്‍ ബോബി ചെമ്മണ്ണൂര്‍ ഇന്‍റര്‍നാഷണല്‍ ഗ്രൂപ്പ് സിഇഒ സഞ്ജയ് ജോര്‍ജ്, രാജേഷ് വര്‍മ (ബോചെ ടീ സിഇഒ.) ഡോ. മൂര്‍ത്തി (ബോചെ പേ), അന്‍ഷാദ് അലി (ഗ്രൂപ്പ് ബിസിനസ് ഹെഡ്), ആനി (ബോചെ ഫാന്‍സ് ചാരിറ്റബിള്‍ ട്രസ്റ്റ് സ്‌റ്റേറ്റ് കോ ഓര്‍ഡിനേറ്റര്‍ ) എന്നിവരും തെരഞ്ഞെടുക്കപ്പെട്ട 250 ബോചെ പാര്‍ട്ണര്‍മാരും പങ്കെടുത്തു.