സിന്ധു x സൈന ഫൈനൽ : Deepika.com Sports News |

Click here for detailed news of all items

സിന്ധു x സൈന ഫൈനൽ

Sunday, April 15, 2018 1:58 AM IST

ഗോൾഡ് കോസ്റ്റ്: 21-ാം കോമണ്‍വെൽത്ത് ഗെയിംസ് ബാഡ്മിന്‍റണ്‍ വനിതാ സിംഗിൾസ് ഫൈനലിൽ ഇന്ത്യയുടെ സൂപ്പർ താരങ്ങളായ പി.വി. സിന്ധുവും സൈന നെഹ്‌വാളും ഏറ്റുമുട്ടും. ഇന്നു പുലർച്ചെ 4.30നു ആരംഭിക്കുന്ന മിക്സഡ് ഡബിൾസ് പോരാട്ടത്തിനു പിന്നാലെയാണ് സൈന-സിന്ധു സൂപ്പർ ഫൈനൽ.

പുരുഷ സിംഗിൾസിൽ ലോക ഒന്നാം നന്പർ താരമായ ഇന്ത്യയുടെ കിഡംബി ശ്രീകാന്ത് മുൻ ലോക ഒന്നാം നന്പറായ മലേഷ്യയുടെ ലീചോങ് വിയെ നേരിടും. സൈന-സിന്ധു പോരാട്ടത്തിനു പിന്നാലെയാണ് പുരുഷ സിംഗിൾസ് സ്വർണമെഡൽ മത്സരം. പുരുഷ ഡബിൾസ് ഫൈനലിലും ഇന്ത്യക്ക് ഇന്ന് മത്സരമുണ്ട്. സാത്വിക് റെഡ്ഡി - ചിരാഗ് ഷെട്ടി സഖ്യമാണ് സ്വർണംനേടി ഇന്ന് കോർട്ടിൽ ഇറങ്ങുന്നത്.

അതേസമയം, പുരുഷ സിംഗിൾസിലെ മലയാളി സാന്നിധ്യമായിരുന്നു എച്ച്.എസ്. പ്രണോയ് വെങ്കലമെഡൽ പോരാട്ടത്തിൽ ഇംഗ്ലണ്ടിന്‍റെ രാജീവ് ഒൗസേപ്പിനോട് 21-17, 23-25, 9-21നു പരാജയപ്പെട്ടു. സെമിയിൽ ലീചോങ് വിക്കു മുന്നിൽ പ്രണോയ് പരാജയപ്പെട്ടതോടെയാണ് വെങ്കലമെഡൽ മത്സരത്തിന് ഇറങ്ങിയത്. 16-21, 21-9, 14-21നായിരുന്നു മലേഷ്യൻ താരം പ്രണോയിയെ സെമിയിൽ പരാജയപ്പെടുത്തിയത്.

രാജീവ് ഒൗസേപ്പിനെ 21-10, 21-17നു കീഴടക്കിയാണ് ശ്രീകാന്ത് ഫൈനലിലേക്ക് മുന്നേറിയത്. 31 മിനിറ്റിൽ മത്സരം അവസാനിച്ചു. സ്കോട്‌ലൻഡിന്‍റെ ക്രിസ്റ്റി ഗിൽമൗറിനെ മൂന്ന് സെറ്റ് നീണ്ട പോരാട്ടത്തിൽ കീഴടക്കിയാണ് സൈന ഫൈനലിൽ പ്രവേശിച്ചത്. സ്കോർ: 21-14, 18-21, 21-17. കാനഡയുടെ മിഷേല ലിയെ നേരിട്ടുള്ള ഗെയിമിൽ കീഴടക്കി പി.വി. സിന്ധു ഫൈനലിൽ കടന്നു. 21-18, 21-8നായിരുന്നു സിന്ധുവിന്‍റെ സെമി ജയം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.