ഇന്ത്യ എയ്ക്ക് ആവേശ ജയം : Deepika.com Sports News |

Click here for detailed news of all items

ഇന്ത്യ എയ്ക്ക് ആവേശ ജയം

Wednesday, September 12, 2018 1:03 AM IST

ബംഗളൂരു: ഓസ്ട്രേലിയ എയ്ക്കെതിരായ രണ്ടാമത് ചതുർദിന ക്രിക്കറ്റിൽ ഇന്ത്യ എയ്ക്ക് ആറു വിക്കറ്റ് ജയം. മത്സരം തീരാൻ 45 മിനിറ്റ് മാത്രംശേഷിക്കേയായിരുന്നു 55 റണ്‍സ് വിജയലക്ഷ്യവുമായി ഇന്ത്യ എ രണ്ടാം ഇന്നിംഗ്സിനായി ക്രീസിലെത്തിയത്. പരമാവധി എട്ട് ഓവർ മാത്രമേ ഇന്ത്യക്ക് ബാറ്റിംഗ് ചെയ്യാൻ സാധിക്കുകയുണ്ടായിരുന്നുള്ളൂ. 18 പന്തിൽ 28 റണ്‍സ് എടുത്ത് പുറത്താകാതെനിന്ന അങ്കിത് ബവൻ ഇന്ത്യ എയെ ജയത്തിലേക്ക് നയിച്ചു. ഇതോടെ രണ്ട് മത്സര പരന്പര 1-1 സമനിലയിലായി. സ്കോർ: ഓസ്ട്രേലിയ എ 346, 213. ഇന്ത്യ എ 505, നാല് വിക്കറ്റ് നഷ്ടത്തിൽ 55.

രണ്ട് വിക്കറ്റ് നഷ്ടത്തിൽ 32 റണ്‍സ് എന്ന നിലയിലാണ് നാലാം ദിനമായ ഇന്നലെ ഓസ്ട്രേലിയ എ രണ്ടാം ഇന്നിംഗ്സ് പുനരാരംഭിച്ചത്. കുൽദീപ് യാദവും (46 റണ്‍സിന് മൂന്ന് വിക്കറ്റ്), കൃഷ്ണപ്പ ഗൗതവും (39 റണ്‍സിന് മൂന്ന് വിക്കറ്റ്), ഷഹ്ബാസ് നധീമും (67 റണ്‍സിന് രണ്ട് വിക്കറ്റ്), ദീപക് ചാഹറും (30 റണ്‍സിന് രണ്ട് വിക്കറ്റ്) തകർത്തെറിഞ്ഞപ്പോൾ ഓസ്ട്രേലിയ എ 213ന് പുറത്തായി. 55 റണ്‍സ് വിജയലക്ഷ്യവുമായി ക്രീസിലെത്തിയ ഇന്ത്യ 6.2 ഓവറിൽ ലക്ഷ്യം നേടി പരന്പര സമനിലയിലാക്കുകയായിരുന്നു. ഇന്ത്യ എ ജയം നേടുന്പോൾ നാലാം ദിനത്തെ കളി അവസാനിക്കാൻ ശേഷിച്ചത് പത്ത് മിനിറ്റ് മാത്രവും.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.