റ​യ​ല്‍ ഞെ​ട്ടി; അ​നാ​യാ​സം യു​വ​ന്‍റ​സ്
Thursday, October 4, 2018 12:15 AM IST
ടൂ​റി​ന്‍/​മോ​സ്‌​കോ: യു​വേ​ഫ ചാ​മ്പ്യ​ന്‍സ് ലീ​ഗി​ല്‍ അ​പ്ര​തീ​ക്ഷി​ത മത്സ രം മത്സരഫല​ങ്ങ​ള്‍. നി​ല​വി​ലെ ചാ​മ്പ്യ​ന്‍മാ​രാ​യ റ​യ​ല്‍ മാ​ഡ്രി​ഡ് തോ​റ്റ​പ്പോ​ള്‍ ബ​യേ​ണ്‍ മ്യൂ​ണി​ക്, മാ​ഞ്ച​സ്റ്റ​ര്‍ യു​ണൈ​റ്റ​ഡ് ടീ​മു​ക​ള്‍ സ​മ​നി​ല കൊ​ണ്ടു തൃ​പ്ത​രാ​യി. യു​വ​ന്‍റ​സ് അ​നാ​യാ​സ ജ​യം നേ​ടി​യ​പ്പോ​ള്‍ മാ​ഞ്ച​സ്റ്റ​ര്‍ സി​റ്റി വി​ജ​യ​ത്തി​നാ​യി വി​യ​ര്‍പ്പൊ​ഴു​ക്കി. ബെ​ന്‍ഫി​ക്ക, എ​എ​സ് റോ​മ ടീ​മു​ക​ള്‍ ജ​യി​ച്ചു.

തോ​ല്‍വി​യി​ല്‍ പ​ക​ച്ച് റ​യ​ല്‍

സി​എ​സ്‌​കെ​എ മോ​സ്‌​കോ​യെ അ​നാ​യാ​സം തോ​ല്‍പ്പി​ക്കാ​മെ​ന്നു ക​രു​തി​യെ​ത്തി​യ നി​ല​വി​ലെ ചാ​മ്പ്യ​ന്‍മാ​രാ​യ റ​യ​ല്‍ മാ​ഡ്രി​ഡ് അ​പ്ര​തീ​ക്ഷി​ത തോ​ല്‍വി​യേ​റ്റു​വാ​ങ്ങി. ഏ​ക​പ​ക്ഷീ​യ​മാ​യ ഒ​രു ഗോ​ളി​നാ​യി​രു​ന്നു റ​യ​ലി​ന്‍റെ തോ​ല്‍വി. ഇ​തോ​ടെ റ​യ​ലി​ന് ക​ഴി​ഞ്ഞ മൂ​ന്നു മ​ത്സ​ര​ങ്ങ​ളി​ലും ജ​യി​ക്കാ​നാ​യി​ല്ല. ഗോ​ള്‍ നേ​ടാ​ന്‍ ആ​ളി​ല്ലാ​തെ പോ​യ​താ​ണ് റ​യ​ലി​നു വി​ന​യാ​കു​ന്ന​ത്. ക​ഴി​ഞ്ഞ അ​ഞ്ചു മ​ത്സ​ര​ങ്ങ​ളി​ല്‍ റ​യ​ലി​ന് ര​ണ്ടു ജ​യം മാ​ത്രമേ നേ​ടാ​നാ​യു​ള്ളൂ.

ഫൈ​ന​ല്‍ വി​സി​ലി​നു തൊ​ട്ടു​മു​മ്പ് ര​ണ്ടാം മ​ഞ്ഞ​കാ​ര്‍ഡ് ക​ണ്ട് ഗോ​ള്‍കീ​പ്പ​ര്‍ ഇ​ഗ​ര്‍ അ​കി​ന്‍ഫീ​വ് പു​റ​ത്താ​യ​ത് ലു​ഷ്‌​നി​ക്കി സ്‌​റ്റേ​ഡി​യ​ത്തി​ല്‍ സി​എ​സ്‌​കെ​എ നേ​ടി​യ ത​ക​ര്‍പ്പ​ന്‍ ജ​യ​ത്തി​ന്‍റെ ശോ​ഭ കെ​ടു​ത്തി.

സ്വ​ന്തം കാ​ണി​ക​ളു​ടെ മു​ന്നി​ലി​റ​ങ്ങി​യ സി​എ​സ്‌​കെ​എ ര​ണ്ടാം മി​നി​റ്റി​ല്‍ വ​ല​കു​ലു​ക്കി. ക്രൊ​യേ​ഷ്യ​ന്‍ വിം​ഗ​ര്‍ നി​ക്കോ​ള വ്‌​ലാ​സി​ച്ചാ​ണ് ഗോ​ള്‍ നേ​ടി​യ​ത്. റ​യ​ലി​ന്‍റെ ടോ​ണി ക്രൂ​സി​ന്‍റെ ബാ​ക് പാ​സ് പി​ഴ​ച്ച​താ​ണ് ഗോ​ളി​നു വ​ഴി​യൊ​രു​ക്കി​യ​ത്. ഗാ​ര​ത് ബെ​‌യ‌്‌ല്‍, സെ​ര്‍ജി​യോ റാ​മോ​സ് എ​ന്നി​വ​രും ടീ​മി​ലി​ല്ലാ​യി​രു​ന്നു.

മ​റ്റൊ​രു മ​ത്സ​ര​ത്തി​ല്‍ റോ​മ എ​തി​രി​ല്ലാ​ത്ത അ​ഞ്ചു ഗോ​ളി​ന് വി​ക്ടോ​റി​യ പ്ല​സ​നെ തോ​ല്‍പ്പി​ച്ചു. എ​ഡി​ന്‍ സെ​ക്കോ​യു​ടെ ഹാ​ട്രി​ക്കാ​ണ് റോ​മ​യ്ക്ക് മി​ക​ച്ച ജ​യ​മൊ​രു​ക്കി​യ​ത്. 3, 40, 90+2 മി​നി​റ്റു​കളി​ലാ​ണ് സെ​ക്കോ​യു​ടെ ഗോ​ളു​ക​ള്‍. സെ​ന്‍ഗി​സ് അ​ണ്ട​ര്‍ (64’), ജ​സ്റ്റി​ന്‍ ക്ലൈ​വ​ര്‍ട്ട് (73’) എ​ന്നി​വ​ര്‍ റോ​മ​യു​ടെ ഗോ​ള്‍ പ​ട്ടി​ക​യി​ല്‍ ഇ​ടം​പി​ടി​ച്ചു.

ഹാ​ട്രി​ക് ഡൈ​ബ​ല

പൗ​ളോ ഡൈ​ബ​ല​യു​ടെ ഹാ​ട്രി​ക് മി​ക​വി​ല്‍ യു​വ​ന്‍റ​സ് എ​തി​രി​ല്ലാ​ത്ത മൂ​ന്നു ഗോ​ളി​ന് യം​ഗ് ബോ​യ്‌​സി​നെ ത​ക​ര്‍ത്തു.

അ​ഞ്ചാം മി​നി​റ്റി​ല്‍ അ​നാ​യാ​സ​മാ​യ ഗോ​ളി​ല്‍ യു​വ​ന്‍റ​സ് മു​ന്നി​ലെ​ത്തി. യം​ഗ് ബോ​യ്‌​സി​ന്‍റെ പ്ര​തി​രോ​ധ നി​ര​യ്ക്കു മു​ക​ളി​ലൂ​ടെ ലി​യ​നാ​ര്‍ണോ ബൊ​നൂ​ച്ചി ന​ല്കി​യ ലോം​ഗ് ബോ​ളി​ലേ​ക്ക് കൃ​ത്യ സ​മ​യ​ത്ത് ഓ​ടി​യെ​ത്തി​യ ഡൈ​ബ​ല വ​ല​കു​ലു​ക്കി. സീ​രി എ​യി​ല്‍ താ​ളം ക​ണ്ടെ​ത്താ​ന്‍ ബു​ദ്ധി​മു​ട്ടു​ന്ന അ​ര്‍ജ​ന്‍റൈ​ന്‍ താ​രം 33-ാം മി​നി​റ്റി​ല്‍ ര​ണ്ടാം ഗോ​ള്‍ നേ​ടി. ബ്ലെ​യ്‌​സ് മ​റ്റ്യൂ​ഡി​യു​ടെ ഷോ​ട്ട് ഗോ​ള്‍കീ​പ്പ​ര്‍ ഡേ​വി​ഡ് വോ​ണ്‍ ബാ​ള്‍മൂ​സി​ന്‍റെ കൈ​യി​ല്‍ത​ട്ടി റീ​ബൗ​ണ്ടാ​യി വ​ന്ന പ​ന്ത് ഡൈ​ബ​ല വ​ല​യി​ലേ​ക്കു തി​രി​ച്ചു​വി​ട്ടു. 69-ാം മി​നി​റ്റി​ല്‍ ഡൈ​ബ​ല ഹാ​ട്രി​ക് തി​ക​ച്ചു. ഇ​തോ​ടെ ചാ​മ്പ്യ​ന്‍സ് ലീ​ഗി​ല്‍ ഹാ​ട്രി​ക് നേ​ടു​ന്ന നാ​ലാ​മ​ത്തെ യുവന്‍റസ് ക​ളി​ക്കാ​രാ​നാ​യി ഡൈ​ബ​ല.


സ്വ​ന്തം ഗ്രൗ​ണ്ടി​ല്‍ മാ​ഞ്ച​സ്റ്റ​ര്‍ യു​ണൈ​റ്റ​ഡ് വ​ല​ന്‍സി​യ​യു​മാ​യി ഗോ​ള്‍ര​ഹി​ത സ​മ​നി​ല​യി​ല്‍ പി​രി​ഞ്ഞു. ഗ്രൂ​പ്പ് എ​ച്ചി​ല്‍ നാ​ലു പോ​യി​ന്‍റു​മാ​യി യു​ണൈ​റ്റ​ഡ് ര​ണ്ടാം സ്ഥാ​ന​ത്താ​ണ്.

ബ​യേ​ണു സ​മ​നി​ല

യു​വ​ക​ളി​ക്കാ​രു​മാ​രു​മാ​യി ബ​യേ​ണ്‍ മ്യൂ​ണി​ക്കി​നെ നേ​രി​ട്ട അ​യാ​ക്‌​സ് അം​സ്റ്റ​ര്‍ഡം അ​ര്‍ഹി​ച്ച സ​മ​നി​ല നേ​ടി. ബ​യേ​ണി​ന്‍റെ അ​ല​യ​ന്‍സ് അ​രീ​ന​യി​ല്‍ ന​ട​ന്ന ഗ്രൂപ്പ് ഇ മ​ത്സ​രം 1-1ന് ​സ​മ​നി​ല​യി​ല്‍ പി​രി​ഞ്ഞു. മാ​റ്റ് ഹ​മ്മ​ല്‍സ് നാ​ലാം മി​നി​റ്റി​ല്‍ നേ​ടി​യ ഹെ​ഡ​റി​ല്‍ ബ​യേ​ണ്‍ മു​ന്നി​ലെ​ത്തി. തു​ട​ക്ക​ത്തി​ലേ ഒ​രു ഗോ​ളി​നു പി​ന്നി​ലാ​യെ​ങ്കി​ലും അ​യാ​ക്‌​സ് ത​ള​ര്‍ച്ച​യി​ല്ലാ​തെ പൊ​രു​തി. ഇ​തി​ന്‍റെ ഫ​ല​വും കി​ട്ടി. 22-ാം മി​നി​റ്റി​ല്‍ നൗ​സ​യ​ര്‍ മ​സ​റൗ​യി​യു​ടെ ഗോ​ളി​ല്‍ അ​യാ​ക്‌​സ് സ​മ​നി​ല പി​ടി​ച്ചു.
ഗ്രൂ​പ്പി​ലെ മ​റ്റൊ​രു മ​ത്സ​ര​ത്തി​ല്‍ ബെ​ന്‍ഫി​ക്ക 3-2ന് ​എ​ഇ​കെ ആ​ഥ​ന്‍സി​നെ തോ​ല്‍പ്പി​ച്ചു.

സി​റ്റി​ക്കു ജ​യം

സെ​ര്‍ജി​യോ അ​ഗ്വേ​റോ​യു​ടെ ഒ​രു ഗോ​ളും അ​വ​സാ​നം ഡേ​വി​ഡ് സി​ല്‍വ​യു​ടെ ഗോ​ളും ചേ​ര്‍ന്ന​പ്പോ​ള്‍ മാ​ഞ്ച​സ്റ്റ​ര്‍ സി​റ്റി 2-1ന് ​ഹോ​ഫ​ന്‍ഹീ​മി​നെ തോ​ല്‍പ്പി​ച്ചു. ആ​ദ്യ മി​നി​റ്റി​ല്‍ ഇ​സ്ഹാ​ക് ബെ​ല്‍ഫോ​ഡി​ല്‍ ആ​തി​ഥേ​യ​രെ മു​ന്നി​ലെ​ത്തി​ച്ചു. സി​റ്റി​ക്ക് തി​രി​ച്ച​ടി​ക്കാ​ന്‍ ആ​റു മി​നി​റ്റേ വേ​ണ്ടി​വ​ന്നു​ള്ളൂ. അ​ഗ്വേ​റോ​യു​ടെ ഗോ​ളി​ല്‍ സ​മ​നി​ല. സി​റ്റി​യെ ഗോ​ള​ടി​പ്പി​ക്കാ​ന്‍ അ​നു​വ​ദി​ക്കാ​തെ ക​ളി​ച്ച ജ​ര്‍മ​ന്‍ ക്ല​ബ്ബി​ന്‍റെ സ​മ​നി​ല മോ​ഹ​ങ്ങ​ള്‍ ത​ക​ര്‍ത്തു​കൊ​ണ്ട് 87-ാം മി​നി​റ്റി​ല്‍ സി​ല്‍വ സി​റ്റി​ക്ക് വി​ജ​യം ന​ല്കി.

ലി​യോ​ണ്‍-​ഷാ​ക്ത​ര്‍ ഡൊ​ണ​റ്റ്‌​സ്‌​ക് മ​ത്സ​രം 2-2ന് ​സ​മ​നി​ല​യാ​യി. ഗ്രൂ​പ്പ് എ​ഫി​ല്‍ നാ​ലു പോ​യി​ന്‍റു​മാ​യി ലി​യോ​ണാ​ണ് മു​ന്നി​ല്‍. മൂ​ന്നു പോ​യി​ന്‍റു​ള്ള സി​റ്റിയാണ് ര​ണ്ടാം സ്ഥാ​ന​ത്ത്.
Loading...
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Loading...