Sports News
അർജന്‍റൈൻ ആ​വേ​ശ ടൈ!
അർജന്‍റൈൻ ആ​വേ​ശ ടൈ!
Monday, November 12, 2018 11:25 PM IST
ബു​വേനസ് ആ​രീ​സ്: കോ​പ്പ ലി​ബ​ര്‍ട്ട​ഡോ​റ​സ് ഫു​ട്‌​ബോ​ളി​ന്‍റെ ആ​ദ്യ​പാ​ദ ഫൈ​ന​ലി​ല്‍ അ​ര്‍ജ​ന്‍റീ​ന​യി​ലെ ബ​ദ്ധ​വൈ​രി​ക​ളു​ം ഏ​റ്റ​വും ആ​രാ​ധ​ക​ബ​ല​മുള്ളതുമാ​യ റി​വ​ര്‍പ്ലേ​റ്റും ബൊ​ക്ക ജൂ​ണി​യേ​ഴ്‌​സും ഏ​റ്റു​മു​ട്ടി​യ​പ്പോ​ള്‍ സ​മ​നി​ല​. ബൊ​ക്ക​യു​ടെ സ്റ്റേഡി​യം ലാ ​ബോം​ബോ​നെ​റ​യി​ല്‍ ന​ട​ന്ന വീ​റും​വാ​ശി​യും നിറ ഞ്ഞ ആ​ദ്യ​പാ​ദം മ​ത്സ​രം 2-2ന് ​സ​മ​നി​ല​യാ​കു​യാ​യി​രു​ന്നു. റി​വ​ര്‍ പ്ലേ​റ്റി​ന്‍റെ മോ​ണു​മെ​ന്‍റ​ല്‍ സ്റ്റേഡി​യ​ത്തി​ല്‍ 24 ന​ട​ക്കു​ന്ന ര​ണ്ടാം പാ​ദ ഫൈ​ന​ലി​ല്‍ വി​ജ​യി​ക​ളെ​യ​റി​യാം.

34-ാം മി​നി​റ്റി​ല്‍ റാ​മോ​ണ്‍ അ​ബി​ല ബൊ​ക്ക​യെ മു​ന്നി​ലെ​ത്തി​ച്ചു. ഗോ​ള്‍കീ​പ്പ​ര്‍ ഫ്രാ​ങ്കോ അ​ര്‍മാ​നി​യു​ടെ കൈ​യി​ല്‍ത​ട്ടി​യാ​ണ് പ​ന്ത് വ​ല​യി​ല്‍ വീ​ണ​ത്. ഈ ​ലീ​ഡി​ന് അ​ല്പാ​യു​സാ​യി​രു​ന്നു. തൊ​ട്ട​ടു​ത്ത മി​നി​റ്റി​ല്‍ ലൂ​കാ​സ് പ്രാ​റ്റോ 12 മീ​റ്റ​ര്‍ പു​റ​ത്തു​നി​ന്നെ​ടു​ത്ത ഷോ​ട്ട് അ​ഗ​സ്റ്റി​ന്‍ റോ​സി​യെ ക​ട​ന്ന് വ​ല​യി​ലാ​യി.


ബൊ​ക്ക​യു​ടെ ആ​ക്ര​മ​ണം റി​വ​റി​നെ വി​റ​പ്പി​ച്ചു​കൊ​ണ്ടി​രു​ന്നു. ഇ​ട​വേ​ള​യ്ക്കു തൊ​ട്ടു​മു​മ്പ് ബൊ​ക്ക വീ​ണ്ടും മു​ന്നി​ലെ​ത്തി. ഫ്രീ​കി​ക്കി​ല്‍നി​ന്നു വ​ന്ന പ​ന്ത് ഹെ​ഡ​റി​ലൂ​ടെ വ​ല​യി​ലാ​ക്കി ദാ​രി​യോ ബെ​നെ​ഡെ​റ്റ (45+1 മി​നി​റ്റ്) ഗോ​ള്‍ നേ​ടി. 61-ാം മി​നി​റ്റി​ല്‍ കാ​ര്‍ലോ​സ് ഇ​സ്‌​ക്വി​റെ​ഡോ​സി​ന്‍റെ സെ​ല്‍ഫ് ഗോ​ളി​ല്‍ റി​വ​ര്‍ സ​മ​നി​ല പി​ടി​ച്ചു.

58 വ​ര്‍ഷ​ത്തെ ച​രി​ത്ര​മു​ള്ള ലി​ബ​ര്‍ട്ട​ഡോ​റ​സി​ന്‍റെ ഫൈ​ന​ലി​ല്‍ ആ​ദ്യ​മാ​യാ​ണ് റി​വ​ര്‍ പ്ലേ​റ്റും ബൊ​ക്ക​യും ഏ​റ്റു​മു​ട്ടു​ന്ന​ത്. അ​ര്‍ജ​ന്‍റീ​ന​യു​ടെ ത​ല​സ്ഥാ​ന​മാ​യ ബു​വേനസ് ആ​രീ​സിലെ ക്ല​ബ്ബു​ക​ളാ​യ ബൊ​ക്ക​യു​ടെ​യും റി​വ​ര്‍ പ്ലേ​റ്റി​ന്‍റെ​യും മ​ത്സ​രം സൂ​പ്പ​ര്‍ക്ലാ​സി​കോ എ​ന്നാ​ണ് വി​ളി​ക്കു​ന്ന​ത്. ലോ​ക​ത്തെ ക്ല​ബ് ഫു​ട്‌​ബോ​ളിൽ ഏ​റ്റ​വും തീ​വ്ര​സ്വ​ഭാ​വ​മു​ള്ള ആ​രാ​ധ​ക​ക്കൂ​ട്ട​മു​ള്ള ക്ല​ബ്ബു​ക​ളാ​ണ് ബൊ​ക്ക​യും റി​വ​ര്‍ പ്ലേ​റ്റും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.