ടോ​ട്ട​നം പ്രീ​ക്വാ​ര്‍ട്ട​റി​ല്‍
Thursday, December 13, 2018 1:47 AM IST
ബാ​ഴ്‌​സ​ലോ​ണ: ലൂ​കാ​സ് മൗ​റ 85-ാം മി​നി​റ്റി​ല്‍ നേ​ടി​യ ഗോ​ള്‍ ടോ​ട്ട​ന​ത്തെ ചാ​മ്പ്യ​ന്‍സ് ലീ​ഗി​ന്‍റെ പ്രീ​ക്വാ​ര്‍ട്ട​റി​ലെ​ത്തി​ച്ചു. ബാ​ഴ്‌​സ​ലോ​ണ​യി​ല്‍ അ​സാ​ധ്യ​മെ​ന്നു ക​രു​തി​യ സ​മ​നി​ല​യാ​ണ് ടോ​ട്ട​നം കൈ​വ​രി​ച്ച​ത്. ഗ്രൂ​പ്പ് ബി​യി​ലെ ബാ​ഴ്‌​സ​ലോ​ണ-​ടോ​ട്ട​നം പോ​രാ​ട്ടം 1-1ന് ​സ​മ​നി​ല​യി​ല്‍ ക​ലാ​ശി​ച്ചു. ലീ​ഗി​ലെ ആ​ദ്യ മൂ​ന്നു മ​ത്സ​ര​ങ്ങ​ളി​ല്‍ ഒ​രു പോ​യി​ന്‍റ് മാ​ത്രം നേ​ടി​യ ടോ​ട്ട​ന​ത്തി​ന്‍റെ തി​രി​ച്ചു​വ​ര​വ് അ​പ്ര​തീ​ക്ഷി​ത​മാ​യി​രു​ന്നു.

ബാ​ഴ്‌​സ​ലോ​ണ​യ്‌​ക്കെ​തി​രേ പി​ന്നി​ല്‍നി​ന്ന​ശേ​ഷ​മാ​ണ് ടോ​ട്ട​നം സ​മ​നി​ല പി​ടി​ച്ചെ​ടു​ത്ത​ത്. നോ​ക്കൗ​ട്ടി​ലെ​ത്താ​ന്‍ ടോ​ട്ട​ന​മി​ന് ഇ​ന്‍റ​ര്‍ മി​ലാ​ന്‍-​പി​എ​സ്‌​വി ഐ​ന്തോ​വ​ന്‍ ഫ​ല​ം നി​ര്‍ണാ​യ​ക​മാ​യി​രു​ന്നു. ഇ​ന്‍റ​ര്‍-​പി​എ​സ്‌​വി മ​ത്സ​രം 1-1ന് ​സ​മ​നി​ല​യാ​യ​തോ​ടെ ടോ​ട്ട​ന​ത്തി​ന് സ​മ​നി​ല മ​തി​യെ​ന്നാ​യി. സ​മ​നി​ല നേ​ടി​യ ടോ​ട്ട​നം പ്രീ​ക്വാ​ര്‍ട്ട​റി​ലേ​ക്കു മാ​ര്‍ച്ച് ചെ​യ്തു. ടോ​ട്ട​ന​ത്തി​നും ഇ​ന്‍റ​റി​നും എ​ട്ട് പോ​യി​ന്‍റ് വീ​ത​മാ​യി​രു​ന്നു. ത​മ്മി​ലു​ള്ള മ​ത്സ​ര​ത്തി​ല്‍ ഇ​ന്‍റ​റി​നെ​തി​രേ ടോ​ട്ട​ന​ത്തി​ന്‍റെ മി​ക​വാ​ണ് ഇം​ഗ്ലീ​ഷ് ക്ല​ബ്ബി​നെ പ്രീ​ക്വാ​ര്‍ട്ട​റി​ലെ​ത്തി​ച്ച​ത്.

ഉസ്മാ​ന്‍ ഡെം​ബെ​ലെ​യി​ലൂ​ടെ ബാ​ഴ്‌​സ ഏ​ഴാം മി​നി​റ്റി​ല്‍ മു​ന്നി​ലെ​ത്തി. നാ​യ​ക​ന്‍ ല​യ​ണ​ല്‍ മെ​സി ഇ​ല്ലാ​തെ ക​ളി​ച്ച ബാ​ഴ്‌​സ​ലോ​ണ​യ്ക്കു കൂ​ടു​ത​ല്‍ ഗോ​ള്‍ നേ​ടാ​നാ​യി​ല്ല. ടോ​ട്ട​നം ആ​ധി​പ​ത്യം പു​ല​ര്‍ത്തി​യെ​ങ്കി​ലും ഗോ​ള്‍കീ​പ്പ​ര്‍ ജാ​സ്പ​ര്‍ സി​ലി​സെ​ന്‍റെ മി​ക​ച്ച ര​ക്ഷ​പ്പെ​ടു​ത്ത​ലു​ക​ള്‍ ടോ​ട്ട​ന​ത്തെ 85-ാം മി​നി​റ്റി​ലെ സ​മ​നി​ല ഗോ​ള്‍ നേ​ടു​ന്ന​തു​വ​രെ ത​ട​ഞ്ഞു​നി​ര്‍ത്തി. ഹാ​രി കെ​യ്‌​ന്‍റെ ക്രോ​സി​ല്‍നി​ന്നാ​യി​രു​ന്നു ഗോ​ള്‍.


സ്വ​ന്തം ഗ്രൗ​ണ്ടി​ല്‍ ഐ​ന്തോ​വ​നോ​ടു വഴങ്ങിയ സ​മ​നി​ല ഇ​ന്‍റ​റിനെ ചാ​മ്പ്യ​ന്‍സ് ലീ​ഗി​ല്‍നി​ന്നു പു​റ​ത്താ​ക്കി. യി​ര്‍വിം​ഗ് ലോ​സ​നോ 13-ാം മി​നി​റ്റി​ല്‍ ഐ​ന്തോ​വ​നെ മു​ന്നി​ലെ​ത്തി​ച്ചു. 73-ാം മി​നി​റ്റി​ല്‍ മൗ​റോ ഇ​ക്കാ​ര്‍ഡി ഗോ​ള്‍ നേ​ടി​യ​തോ​ടെ ഇ​ന്‍റ​ര്‍ സ​മ​നി​ല നേ​ടി. ഇ​ഞ്ചു​റി ടൈ​മി​ല്‍ ഇ​ന്‍റ​ര്‍ ര​ണ്ടു ത​വ​ണ ഗോ​ളി​ന​രു​കി​ലെ​ത്തി​യെ​ങ്കി​ലും ര​ണ്ടു ത​വ​ണ​യും പ​രാ​ജ​പ്പെ​ട്ടു.

ബൊ​റൂ​സി​യ​യ്ക്ക് ജ​യം, അ​ത്‌​ല​റ്റി​ക്കോ​ക്കു സ​മ​നി​ല

ഗ്രൂ​പ്പ് എ​യി​ല്‍ അ​ത്‌​ല​റ്റി​ക്കോ മാ​ഡ്രി​ഡും ബൊ​റൂ​സി​യ ഡോ​ര്‍ട്മു​ണ്ടും പ്രീ​ക്വാ​ര്‍ട്ട​ര്‍ ഉ​റ​പ്പി​ച്ച​ശേ​ഷ​മാ​ണ് ഇ​റ​ങ്ങി​യ​ത്. ഇ​വ​രി​ല്‍ ആ​രാ​കും ഒ​ന്നാം സ്ഥാ​ന​ത്തെ​ന്നു മാ​ത്ര​മാണ് അ​റി​യാ​നു​ണ്ടാ​യി​രു​ന്ന​ത്. ബൊ​റൂ​സി​യ 2-0ന് ​എ​എ​സ് മോ​ണ​ക്കോ​യെ തോ​ല്പി​ച്ചു. അ​ത്‌​ല​റ്റി​ക്കോ മാ​ഡ്രി​ഡ്-​ക്ല​ബ് ബ്രൂ​ഗെ മ​ത്സ​രം ഗോ​ള്‍ര​ഹി​ത​മാ​യി. അ​ത്‌​ല​റ്റി​ക്കോക്കും ബൊ​റൂ​സി​യ​യ്ക്കും 13 പോ​യി​ന്‍റ് വീ​ത​മാ​യി​രു​ന്നു. എ​ന്നാ​ല്‍ ഇ​രു​ടീ​മും ത​മ്മി​ലു​ള്ള മ​ത്സ​ര​ത്തി​ലെ മി​ക​വി​ല്‍ ഡോ​ര്‍ട്മു​ണ്ട് ഒ​ന്നാം സ്ഥാ​ന​ത്തെ​ത്തി. റാ​ഫേ​ല്‍ ഗു​രേ​രോ​യാ​ണ് ഡോ​ര്‍ട്മു​ണ്ടി​ന്‍റെ ര​ണ്ടു ഗോ​ളും നേ​ടി​യ​ത്. ഗ്രൂ​പ്പ് ഡി​യി​ല്‍ പോ​ര്‍ട്ടോ​യും ഷാ​ല്‍കെ​യും ജ​യി​ച്ചു. പോ​ര്‍ട്ടോ 3-2ന് ​ഗ​ല​റ്റ​്സ​റെ​യെ​യും ഷാ​ല്‍കെ 1-0ന് ​ലോ​കോ​മോ​ട്ടി​വ് മോ​സ്‌​കോ​യെ​യും തോ​ല്‍പ്പി​ച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.