Sports News
ഓസ്ട്രേലിയൻ ഓപ്പൺ ഇന്നു മുതൽ
ഓസ്ട്രേലിയൻ ഓപ്പൺ ഇന്നു മുതൽ
Monday, January 14, 2019 12:46 AM IST
സീ​സ​ണി​ലെ ആ​ദ്യ ഗ്രാ​ന്‍സ്‌​ലാ​മി​ന് കൊ​ടി​യു​യ​രു​മ്പോ​ള്‍ ഏ​വ​രു​ടെ​യും നൊ​മ്പ​ര​മാ​കു​ക ബ്രി​ട്ടീ​ഷ് താ​രം ആ​ന്‍ഡി മു​റെ ആ​യി​രി​ക്കും. ബ്രി​ട്ട​ന്‍റെ എ​ക്കാ​ല​ത്തെ​യും മി​ക​ച്ച താ​ര​ങ്ങ​ളി​ലൊ​രാ​ളാ​യ സ​ര്‍ ആ​ന്‍ഡി മു​റെ​യു​ടെ പ്ര​ഫ​ഷ​ണ​ല്‍ ക​രി​യ​റി​ലെ അ​വ​സാ​ന ടൂ​ര്‍ണ​മെ​ന്‍റാ​ണി​ത്. ഏ​താ​നും ദി​വ​സം മു​മ്പ് വ​ള​രെ നാ​ട​കീ​യ​മാ​യാ​യി​രു​ന്നു മു​റെ വി​ര​മി​ക്ക​ല്‍ പ്ര​ഖ്യാ​പ​നം ന​ട​ത്തി​യ​ത്. ഓ​സ്‌​ട്രേ​ലി​യ​ന്‍ ഓ​പ്പ​ണ്‍ ത​ന്‍റെ അ​വ​സാ​ന ടൂ​ര്‍ണ​മെ​ന്‍റാ​യി​രി​ക്കും എ​ന്നു പ​റ​യു​മ്പോ​ള്‍ മൂ​ന്നു ഗ്രാ​ന്‍സ്‌​ലാം കി​രീട​ങ്ങ​ള്‍ക്കു​ട​മ​യാ​യ മു​റെ പൊ​ട്ടി​ക്ക​ര​ഞ്ഞു. തു​ട​ര്‍ച്ച​യാ​യി ര​ണ്ട് ഒ​ളി​മ്പി​ക്‌​സ് സിം​ഗി​ള്‍സ് സ്വ​ര്‍ണം നേ​ടി​യ മു​റെ​യു​ടെ വി​ര​മി​ക്ക​ല്‍ പ്ര​ഖ്യാ​പ​നം ടെ​ന്നീ​സ് പ്രേ​മി​ക​ളി​ല്‍ ക​ന​ത്ത ആ​ഘാ​ത​മാ​ണു​ണ്ടാ​ക്കി​യി​രി​ക്കു​ന്ന​ത്.

ഫ്രെ​ഡ് പെ​റി​യ്ക്കു ശേ​ഷം ബ്രി​ട്ട​ന്‍ ക​ണ്ട ഏ​റ്റ​വും മ​ഹാ​നാ​യ താ​ര​ത്തെ ഏ​റ്റ​വു​മ​ധി​കം വേ​ദ​നി​പ്പി​ച്ച കോ​ര്‍ട്ടാ​യി​രി​ക്കും റോ​ഡ് ലേ​വ​ര്‍ അ​രീ​ന​യി​ലേ​ത്. കാ​ര​ണം അ​ഞ്ചു ത​വ​ണ ഫൈ​ന​ലി​ലെ​ത്തി​യി​ട്ടും ഒ​രി​ക്ക​ല്‍ പോ​ലും കി​രീ​ട​മു​യ​ര്‍ത്തു​ള്ള ഭാ​ഗ്യം താ​ര​ത്തി​നു​ണ്ടാ​യി​ല്ല. ഇ​ത്ത​വ​ണ എ​ല്ലാ അ​ര്‍ഥ​ത്തി​ലും അ​വ​സാ​ന അ​വ​സ​ര​മാ​ണ്. 22-ാം സീ​ഡ് സ്‌​പെ​യി​നി​ന്‍റെ റോ​ബ​ര്‍ട്ടോ ബൗ​റ്റി​സ്റ്റ അ​ഗ​ട്ടാ​ണ് നി​ല​വി​ല്‍ ലോ​ക റാ​ങ്കിം​ഗി​ല്‍ 230-ാം സ്ഥാ​ന​ത്തു​ള്ള മു​റെ​യു​ടെ ആ​ദ്യ റൗ​ണ്ട് എ​തി​രാ​ളി. നി​ല​വി​ലെ ഫോ​മി​ല്‍ മു​റെ​യ്ക്ക് ആ​ദ്യ റൗ​ണ്ട് ക​ട​ക്കു​ക ത​ന്നെ ബു​ദ്ധി​മു​ട്ടാ​വും. വി​ര​മി​ക്ക​ല്‍ പ്ര​ഖ്യാ​പ​ന​ത്തി​ല്‍ താ​രം ത​ന്നെ ഇ​ക്കാ​ര്യം സൂ​ചി​പ്പി​ക്കു​ക​യും ചെ​യ്തു. ഇ​ത്ത​വ​ണ​യെ​ങ്കി​ലും മു​റെ​യ്ക്ക് ഓ​സ്‌​ട്രേ​ലി​യ​ന്‍ ഓ​പ്പ​ണ്‍ നേ​ടാ​ന്‍ ക​ഴി​യ​ട്ടെ​യെ​ന്നാ​യി​രി​ക്കും ഒ​ട്ടു​മി​ക്ക ടെ​ന്നീ​സ് പ്രേ​മി​ക​ളു​ടെ​യും പ്രാ​ര്‍ഥ​ന.

പുരുഷൻമാരിൽ സൂപ്പർ താരങ്ങൾ

മു​ന്‍നി​ര താ​ര​ങ്ങ​ളെ​ല്ലാം മി​ക​ച്ച പ്ര​തീ​ക്ഷ​യി​ലാ​ണ്. ഖ​ത്ത​ര്‍ ഓ​പ്പ​ണി​ല്‍ റോ​ബ​ര്‍ട്ട ബൗ​റ്റി​സ്റ്റ അ​ഗ​ട്ടി​നോ​ടു തോ​റ്റെ​ങ്കി​ലും ത​ന്‍റെ ഇ​ഷ്ട​വേ​ദി​യാ​യ റോ​ഡ്‌​ ലേ​വ​ര്‍ അ​രീ​ന​യി​ല്‍ മി​ക​ച്ച പ്ര​ക​ട​നം പു​റ​ത്തെ​ടു​ക്കാ​മെ​ന്നു ത​ന്നെ​യാ​ണ് ലോ​ക ഒ​ന്നാം ന​മ്പ​ര്‍ നൊ​വാ​ക് ജോ​ക്കോ​വി​ച്ചി​ന്‍റെ പ്ര​തീ​ക്ഷ. അ​മേ​രി​ക്ക​യു​ടെ മി​ച്ച​ല്‍ ക്രൂ​ഗ​റി​നെ​യാ​ണ് ജോ​ക്കോ​വി​ച്ച് ആ​ദ്യ റൗ​ണ്ടി​ല്‍ നേ​രി​ടു​ക. തു​ട​ര്‍ച്ച​യാ​യ മൂ​ന്നാം ഓ​സ്‌​ട്രേ​ലി​യ​ന്‍ ഓ​പ്പ​ണ്‍ ല​ക്ഷ്യ​മി​ട്ടാ​ണ് പ്രാ​യം ത​ള​ര്‍ത്താ​ത്ത സ്വി​സ് ഇ​തി​ഹാ​സം റോ​ജ​ര്‍ ഫെ​ഡ​റ​ര്‍ ക​ള​ത്തി​ലി​റ​ങ്ങു​ന്ന​ത്. ഹോ​പ്മാ​ന്‍ ക​പ്പി​ലെ കി​രീ​ട​നേ​ട്ടം എ​തി​രാ​ളി​ക​ള്‍ക്ക് ഒ​രു മു​ന്ന​റി​യി​പ്പാ​ണുതാ​നും. ഓ​സ്‌​ട്രേ​ലി​യ​ന്‍ ഓ​പ്പ​ണ്‍ സ്വ​ന്ത​മാ​ക്കി​യാ​ല്‍ ഒ​ന്നി​ല​ധി​കം നേ​ട്ട​ങ്ങ​ളാ​ണ് ഫെ​ഡ് എ​ക്‌​സ്പ്ര​സി​നെ കാ​ത്തി​രി​ക്കു​ന്ന​ത്.

ഏ​ഴാം ഓ​സ്‌​ട്രേ​ലി​യ​ന്‍ ഓ​പ്പ​ണ്‍ കി​രീ​ട​നേ​ട്ട​ത്തോ​ടെ കി​രീ​ട​ങ്ങ​ളു​ടെ എ​ണ്ണ​ത്തി​ല്‍ റോ​യ് എ​മേ​ഴ്‌​സ​ണെ​യും നൊ​വാ​ക് ജോ​ക്കാ​വി​ച്ചി​നെ​യും മ​റി​ക​ട​ന്ന് സ്വി​സ് താ​ര​ത്തി​ന് ഒ​റ്റ​യ്ക്ക് ഒ​ന്നാ​മ​തെ​ത്താം. മാ​ത്ര​മ​ല്ല ക​രി​യ​റി​ലെ 100-ാം എ​ടി​പി കി​രീ​ടം എ​ന്ന നേ​ട്ട​വും സ്വ​ന്ത​മാ​കും. ഉ​സ്‌​ബെ​ക് താ​രം ടെ​ന്നീ​സ് ഇ​സ്‌​തോ​മി​നെ​യാ​ണ് ഫെ​ഡ​റ​ര്‍ ആ​ദ്യ റൗ​ണ്ടി​ല്‍ നേ​രി​ടു​ക.


ലോ​ക ര​ണ്ടാം ന​മ്പ​ര്‍ റ​ഫേ​ല്‍ ന​ദാ​ലും മി​ക​ച്ച പ്ര​തീ​ക്ഷ​യി​ലാ​ണ്. ക​ഴി​ഞ്ഞ സീ​സ​ണി​ന്‍റെ ആ​ദ്യ പ​കു​തി​യി​ല്‍ ഉ​ജ്വ​ല പ്ര​ക​ട​നം പു​റ​ത്തെ​ടു​ത്ത ന​ദാ​ലി​നെ ര​ണ്ടാം പ​കു​തി​യി​ല്‍ പ​രി​ക്ക് പി​ടി​കൂ​ടു​ക​യാ​യി​രു​ന്നു. സീ​സ​ണി​ല്‍ ഇ​തു​വ​രെ ക​ളി​ക്ക​ള​ത്തി​ല്‍ ഇ​റ​ങ്ങാ​തി​രു​ന്ന ന​ദാ​ല്‍ ആ​ദ്യ റൗ​ണ്ടി​ല്‍ ഓ​സ്‌​ട്രേ​ലി​യ​യു​ടെ ജ​യിം​സ് ഡ​ക്ക്‌വ​ര്‍ത്തി​നെ​യാ​ണ് നേ​രി​ടു​ക.

പു​ത്ത​ന്‍ത​ല​മു​റ​യി​ലെ ഏ​റ്റ​വും മി​ക​ച്ച താ​രം എ​ന്ന വി​ശേ​ഷ​ണ​മു​ള്ള ജ​ര്‍മ​നി​യു​ടെ അ​ല​ക്‌​സാ​ണ്ട​ര്‍ സ്വ​രേ​വ് ടൂ​ര്‍ ഫൈ​ന​ല്‍സ് കി​രീ​ട​ത്തോ​ടെ​യാ​ണ് ക​ഴി​ഞ്ഞ സീ​സ​ണ്‍ അ​വ​സാ​നി​പ്പി​ച്ച​ത്. ഹോ​പ്മാ​ന്‍ ക​പ്പി​ന്‍റെ ഫൈ​ന​ല്‍വ​രെ​യെ​ത്താ​നും സാ​ധി​ച്ചു. മി​ക​വി​ന്‍റെ പൂ​ര്‍ണ​ത​യാ​യി ഉ​യ​ര്‍ത്തി​ക്കാ​ട്ടാ​ന്‍ ഒ​രു ഗ്രാ​ന്‍‌സ്‌ലാം കി​രീ​ടം സ്വ​രേ​വി​ന് അ​ത്യാ​വ​ശ്യ​മാ​ണ് താ​നും. സി​ഡ്‌​നി ഇ​ന്‍റ​ര്‍നാ​ഷ​ണ​ല്‍ കി​രീ​ടം നേ​ടി​യ ഓ​സീ​സ് കൗ​മാ​ര​താ​രം അ​ല​ക്‌​സ് ഡി ​മി​നോ​ര്‍, ഓ​ക് ല​ന്‍ഡ് ഓ​പ്പ​ണ്‍ നേ​ടി​യ അ​മേ​രി​ക്ക​യു​ടെ ടെ​ന്നീ​സ് സാ​ന്‍ഡ്ഗ്ര​ന്‍ എ​ന്നി​വ​രും മി​ക​ച്ച പോ​രാ​ട്ടം കാ​ഴ്ചവ​യ്ക്കാ​മെ​ന്ന പ്ര​തീ​ക്ഷ​യി​ലാ​ണ്. മു​ന്‍നി​ര താ​ര​ങ്ങ​ളാ​യ ഡൊ​മി​നി​ക് തീം, ​മാ​രി​ന്‍ സി​ലി​ച്ച്, കെ​യ് നി​ഷി​കോ​റി, കെ​വി​ന്‍ ആ​ന്‍ഡേ​ഴ്‌​സ​ണ്‍ എ​ന്നി​വ​രും ശ്ര​ദ്ധാ​കേ​ന്ദ്ര​ങ്ങ​ളാ​ണ്.

താരം സെറീന

വ​നി​താ വി​ഭാ​ഗ​ത്തി​ല്‍ 24-ാം റി​ക്കാ​ര്‍ഡ് ഗ്രാ​ന്‍സ്‌​ലാം ല​ക്ഷ്യ​മി​ട്ടെ​ത്തു​ന്ന സെ​റീ​ന വി​ല്യം​സ് ത​ന്നെ​യാ​ണ് താ​രം. ക​ഴി​ഞ്ഞ സീ​സ​ണി​ല്‍ ഒ​റ്റ ഗ്രാ​ന്‍സ്‌​ലാം പോ​ലും നേ​ടാ​നാ​കെ പോ​യ​തി​ന്‍റെ കേ​ട് ഇ​ത്ത​വ​ണ തീ​ര്‍ക്കാ​ന്‍ ല​ക്ഷ്യ​മി​ട്ടാ​ണ് സെ​റീ​ന ക​ള​ത്തി​ലി​റ​ങ്ങു​ന്ന​ത്.

കി​രീ​ട​നേ​ട്ട​ത്തോ​ടെ ക​ഴി​ഞ്ഞ യു​എ​സ് ഓ​പ്പ​ണി​ന്‍റെ ഫൈ​ന​ലി​ല്‍ ഉ​ണ്ടാ​യ ക​യ്‌​പ്പേ​റി​യ അ​നു​ഭ​വ​ങ്ങ​ളെ മാ​യ്ക്കാ​മെ​ന്നും സെ​റീ​ന ക​ണ​ക്കു​കൂ​ട്ടു​ന്നു. ജ​ര്‍മ​നി​യു​ടെ ത​ത്യാ​ന മ​രി​യ​യാ​ണ് സെ​റീ​ന​യു​ടെ ആ​ദ്യ റൗ​ണ്ട് എ​തി​രാ​ളി.

ക​ഴി​ഞ്ഞ ത​വ​ണ​ത്തെ ചാ​മ്പ്യ​ന്‍ ഡെ​ന്‍മാ​ര്‍ക്കി​ന്‍റെ ക​രോ​ളി​ന്‍ വോ​സ്‌​നി​യാ​സ്‌​കി, ലോ​ക ഒ​ന്നാം ന​മ്പ​ര്‍ റൊ​മാ​നി​യ​യു​ടെ സി​മോ​ണ ഹാ​ലെ​പ്, ക​ഴി​ഞ്ഞ വ​ര്‍ഷ​ത്തെ വിം​ബി​ള്‍ഡ​ണ്‍ ചാ​മ്പ്യ​ന്‍ ജ​ര്‍മ​നി​യു​ടെ ആ​ഞ്ച​ലി​ക് കെ​ര്‍ബ​ര്‍, യു​എ​സ് ഓ​പ്പ​ണ്‍ ചാ​മ്പ്യ​ന്‍ ജ​പ്പാ​ന്‍റെ ന​വോ​മി ഒ​സാ​ക്ക എ​ന്നി​വ​രും പ്ര​തീ​ക്ഷ​യി​ലാ​ണ്. ര​ണ്ടു വ​ട്ടം വിം​ബി​ള്‍ഡ​ണ്‍ ചാ​മ്പ്യ​നാ​യ ചെ​ക്ക് താ​രം പെ​ട്രോ ക്വി​റ്റോ​വ സി​ഡ്‌​നി ഇ​ന്‍റ​ര്‍നാ​ഷ​ണ​ല്‍ കി​രീ​ടം നേ​ടി​യാ​ണ് ത​ന്‍റെ സാ​ന്നി​ദ്ധ്യം അ​റി​യി​ച്ചി​രി​ക്കു​ന്ന​ത്.

ഓ​സ്‌​ട്രേ​ലി​യ​ന്‍ ഓ​പ്പ​ണി​ല്‍ ഇ​ന്ത്യ​ന്‍ സാ​ന്നി​ദ്ധ്യ​മ​റി​യി​ച്ച് പ്ര​ജ്‌​നേ​ഷ് ഗു​ണേ​ശ്വ​ര​ന്‍ ക​ള​ത്തി​ലി​റ​ങ്ങു​ന്നു​ണ്ട്. ഗു​ണേശ്വ​ര​ന്‍റെ ക​രി​യ​റി​ലെ ആ​ദ്യ ഗ്രാ​ൻ​സ് ലാം ​ടൂ​ര്‍ണ​മെ​ന്‍റാ​ണി​ത്. അ​മേ​രി​ക്ക​യു​ടെ ഫ്രാ​ന്‍സെ​സ് ടി​യാ​ഫോ​യാ​ണ് ഗു​ണേ​ശ്വ​ര​ന്‍റെ എ​തി​രാ​ളി. ഡ​ബി​ള്‍സി​ല്‍ രോ​ഹ​ന്‍ ബൊ​പ്പ​ണ്ണ-​ദി​വി​ജ് സ​ഖ്യ​വും ഇ​റ​ങ്ങും.


അജിത് ജി. നായർ
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.