ബ്രസീലിനു ജയം; മാര്‍ത്തയ്ക്കു റിക്കാര്‍ഡ് : Deepika.com Sports News |

Click here for detailed news of all items

ബ്രസീലിനു ജയം; മാര്‍ത്തയ്ക്കു റിക്കാര്‍ഡ്

Thursday, June 20, 2019 1:15 AM IST

വലന്‍സിയന്‍ (ഫ്രാന്‍സ്): വനിതാ ലോകകപ്പ് ഫുട്‌ബോളില്‍ രണ്ടാം പകുതിയില്‍ മാര്‍ത്തയുടെ പെനല്‍റ്റി ബ്രസീലിന് ഇറ്റലിക്കെതിരേ 1-0ന്‍റെ ജയമൊരുക്കി. ജയത്തോടെ ബ്രസീല്‍ ഗ്രൂപ്പ് സിയില്‍നിന്ന് മികച്ച മൂന്നാം സ്ഥാനക്കാരായി പ്രീക്വാര്‍ട്ടറിലെത്തുകയും ചെയ്തു. ഗ്രൂപ്പില്‍ ഇറ്റലി ഒന്നാം സ്ഥാനത്തും ഓസ്‌ട്രേലിയ രണ്ടാം സ്ഥാനത്തുമാണ്.

ലോകകപ്പില്‍ മാര്‍ത്തയുടെ 17-ാമത്തെ ഗോളായിരുന്നു. ജര്‍മനിയുടെ മിറോസ്ലാവ് ക്ലോസിന്‍റെ റിക്കാര്‍ഡാണ് മാര്‍ത്ത തകര്‍ത്തത്. ഇതോടെ പുരുഷ, വനിതാ ലോകകപ്പുകളിലായി ഏറ്റവും കൂടുതല്‍ ഗോള്‍ നേടിയ ആളെന്ന റിക്കാര്‍ഡ് മാര്‍ത്ത സ്വന്തമാക്കി. അഞ്ച് ലോകകപ്പില്‍ കളിച്ച ഏക താരവും മാര്‍ത്തയാണ്.

74-ാം മിനിറ്റിലാണ് മാര്‍ത്ത സ്‌പോട് കിക്ക് വലയിലാക്കിയത്. സാമന്ത കെറിന്‍റെ നാലു ഗോള്‍ മികവില്‍ ഓസ്‌ട്രേലിയ 4-1ന് ജമൈക്കയെ തോല്‍പ്പിച്ചു. രണ്ടു പകുതികളിലുമായി രണ്ടു തവണ വീതമായിരുന്നു കെറിന്‍റെ ഗോളുകള്‍. 49-ാം മിനിറ്റില്‍ ഹവാന സൊലോന്‍ ജമൈക്കയ്ക്കായി ഗോള്‍ നേടി.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.