Sports News
അ​ള്‍ജീ​രി​യ ആഫ്രിക്കൻ രാജാക്കന്മാർ
അ​ള്‍ജീ​രി​യ ആഫ്രിക്കൻ രാജാക്കന്മാർ
Saturday, July 20, 2019 11:53 PM IST
കെ​യ്‌​റോ: അ​ള്‍ജീ​രി​യ ആ​ഫ്രി​ക്ക​ന്‍ ഫു​ട്‌​ബോ​ള്‍ രാ​ജാ​ക്ക​ന്മാ​ര്‍. ആ​ഫ്രി​ക്ക ക​പ്പ് ഓ​ഫ് നേ​ഷ​ന്‍സ് ഫൈ​ന​ലി​ല്‍ അ​ള്‍ജീ​രി​യ 1-0ന് ​സെ​ന​ഗ​ലി​നെ പ​രാ​ജ​യ​പ്പെ​ടു​ത്തി. ര​ണ്ടാം ത​വ​ണ​യാ​ണ് അ​ള്‍ജീ​രി​യ ആ​ഫ്രി​ക്ക​ന്‍ ചാ​മ്പ്യ​ന്മാ​രാ​കു​ന്ന​ത്.

ര​ണ്ടാം ത​വ​ണ ഫൈ​ന​ലി​ലെ​ത്തിയ സെ​ന​ഗ​ലി​ന് ക​പ്പി​നു​ള്ള കാ​ത്തി​രി​പ്പ് ഇ​നി​യും നീ​ണ്ടു. 1990ലാ​ണ് ആ​ദ്യ​മാ​യി അ​ള്‍ജീ​രി​യ ജേ​താ​ക്ക​ളാ​യ​ത്. പി​ന്നീ​ട് നീ​ണ്ട 29 വ​ര്‍ഷ​ത്തെ കാ​ത്തി​പ്പി​നു​ശേ​ഷ​മാ​ണ് ഫൈ​ന​ലി​ലെ​ത്തു​ന്ന​തും കി​രീ​ടം നേ​ടു​ന്ന​തും. 2002ലെ ​ഫൈ​ന​ലി​ല്‍ സെ​ന​ഗ​ല്‍ കാ​മ​റൂ​ണി​നോ​ടു പ​രാ​ജ​യ​പ്പെ​ടു​ക​കാ​യി​രു​ന്നു. ഗ്രൂ​പ്പ് ഘ​ട്ട​ത്തി​ല്‍ സെ​ന​ഗ​ലും അ​ള്‍ജീ​രി​യും ഏ​റ്റു​മു​ട്ടി​യ​പ്പോ​ഴും ഇ​തേ സ്‌​കോ​റി​ല്‍ ജ​യം അ​ള്‍ജീ​രി​യ​യ്ക്കാ​യി​രു​ന്നു.

ര​ണ്ടാം മി​നി​റ്റി​ല്‍ അ​ള്‍ജീ​രി​യ​യു​ടെ അ​പ്ര​തീ​ക്ഷി​ത​മാ​യ ഒ​രു നീ​ക്കം ഗോ​ളി​ല്‍ ക​ലാ​ശി​ക്കു​ക​യാ​യി​രു​ന്നു. ബാ​ഗ്ദാ​ദ് ബ​നൗ​ജ​യാ​ണ് ഗോ​ള്‍ നേ​ടി​യ​ത്. ബ​നൗ​ജ​യു​ടെ ഷോ​ട്ട് ത​ട​യാ​നു​ള്ള ശ്ര​മ​ത്തി​ല്‍ സെ​ന​ഗ​ല്‍ പ്ര​തി​രോ​ധ​താ​രം സെ​യ്ഫ് സാ​നെ​യു​ടെ കാ​ലി​ല്‍ത​ട്ടി ഉ​യ​ര്‍ന്നു​പൊ​ങ്ങി​യ പ​ന്ത് ഗോ​ള്‍കീ​പ്പ​ര്‍ ആ​ല്‍ഫ്ര​ഡ് ഗോ​മ​സി​നെ​യും മ​റി​ക​ട​ന്ന് വ​ല​യു​ടെ വ​ല​തു​മൂ​ല​യി​ല്‍ ക​യ​റി.
79-ാം സെ​ക്ക​ന്‍ഡി​ലെ ഈ ​ഗോ​ള്‍ ക​പ്പ് ഓ​ഫ് നേ​ഷ​ന്‍സ് ഫൈ​ന​ലി​ല്‍ ക​ഴി​ഞ്ഞ 39 വ​ര്‍ഷ​ത്തെ ഏ​റ്റ​വും വേ​ഗ​മേ​റി​യ​താ​യി​രു​ന്നു.

ര​ണ്ടാം പ​കു​തി​യി​ല്‍ സെ​ന​ഗ​ലി​ന് അ​നു​കൂ​ല​മാ​യി റ​ഫ​റി പെ​ന​ല്‍റ്റി വി​ളി​ച്ച​താ​ണ്. എ​ന്നാ​ല്‍ വി​എ​ആ​റി​ലൂ​ടെ തീ​രു​മാ​നം മാ​റി​മ​റി​ഞ്ഞു. ഇ​സ്മ​ലി​യ സാ​റി​ന്‍റെ ഷോ​ട്ട് ബോ​ക്‌​സി​നു​ള്ളി​ല്‍വ​ച്ച് അ​ദ്‌​ലെ​നെ ഗ്വെ​ദെ​യ്‌​റ​യു​ടെ കൈ​യി​ല്‍ ത​ട്ടി. ഇ​തോ​ടെ റ​ഫ​റി പെ​ന​ല്‍റ്റി സ്‌​പോ​ട്ടി​ലേ​ക്കു വി​ര​ല്‍ ചൂ​ണ്ടി. എ​ന്നാ​ല്‍ വി​എ​ആ​റി​ലൂ​ടെ റ​ഫ​റി തീ​രു​മാ​നം മാ​റ്റി. ഇ​തി​നു​ശേ​ഷം ര​ണ്ടു ത​വ​ണ സെ​ന​ഗ​ല്‍ ഗോ​ളി​ന​ടു​ത്തെ​ത്തി​യാ​ണ്. ചീ​ഖോ​യു കൊ​യാ​റ്റെ​യു​ടെ ഷോ​ട്ട് പോ​സ്റ്റി​നെ ഉ​രു​മി പു​റ​ത്തു​പോ​യി. യൂ​സ​ഫ് സ​ബാ​ലി​യു​ടെ ശ്ര​മം ഗോ​ള്‍കീ​പ്പ​ര്‍ ക്രോ​സ്ബാ​റി​നു മു​ക​ളി​ലൂ​ടെ കു​ത്തി​യ​ക​റ്റി.


ര​ണ്ടാം മി​നി​റ്റി​ല്‍ ഗോ​ള്‍ നേ​ടി​യ​തോ​ടെ അ​ള്‍ജീ​രി​യ പ്ര​തി​രോ​ധ​ത്തി​ലേ​ക്കു വ​ലി​ഞ്ഞു. പി​ന്നീ​ട് അ​ള്‍ജീ​രിയന്‍ താ​ര​ങ്ങ​ള്‍ ആ​ക്ര​മ​ണ​ത്തി​നു മു​തി​ര്‍ന്നു​മി​ല്ല. മ​ത്സ​ര​ത്തി​ല്‍ അ​വ​രു​ടെ ഏ​ക ഗോ​ള്‍ ഷോ​ട്ടാ​യി​രു​ന്നു വ​ല​യി​ല്‍ ക​യ​റി​യ​ത്. അ​ള്‍ജീ​രി​യ​യു​ടെ പ്ര​തി​രോ​ധ​കോ​ട്ട ത​ക​ര്‍ക്കാ​ന്‍ സെ​ന​ഗ​ല്‍ ശ​ക്ത​മാ​യ ആ​ക്ര​മ​ണം ന​ട​ത്തി​ക്കൊ​ണ്ടി​രു​ന്നു. ഇ​തോ​ടെ അ​ള്‍ജീ​രി​യ​ന്‍ ഗോ​ള്‍കീ​പ്പ​ര്‍ റ​യ്‌​സ് എം​ബോ​ല്‍ഹി​ക്കു ജോ​ലി​യും കൂ​ടി. എ​ന്നാ​ല്‍ ഗോ​ള്‍കീ​പ്പ​റെ​ ക​ട​ക്കാ​ന്‍ സെ​ന​ഗ​ലി​നാ​യി​ല്ല. ഈ ​ടൂ​ര്‍ണ​മെ​ന്‍റി​ല്‍ ഏ​റ്റ​വും ശ​ക്ത​മാ​യ പ്ര​തി​രോ​ധ​വും അ​ള്‍ജീ​രി​യ​യു​ടേ​താ​യി​രു​ന്നു. ര​ണ്ടു ത​വ​ണ മാ​ത്ര​മാണ് എ​തി​രാ​ളി​ക​ള്‍ക്ക് അ​ള്‍ജീ​രി​യ​യു​ടെ പ്ര​തി​രോ​ധം ത​ക​ര്‍ക്കാ​നാ​യ​ത്.

ഫൈ​ന​ലി​ല്‍ സെ​ന​ഗ​ലി​നാ​യി​രു​ന്നു ആ​ധി​പ​ത്യം. 62 ശ​ത​മാ​നം പ​ന്ത​ട​ക്കം വ​ച്ചു പു​ല​ര്‍ത്തി​യ സെ​ന​ഗ​ല്‍ 12 ഷോ​ട്ടു​ക​ള്‍ പാ​യി​ച്ചു. മൂ​ന്നെ​ണ്ണം വ​ല ല​ക്ഷ്യ​മാ​ക്കി​യാ​യി​രു​ന്നു. മ​ത്സ​ര​ത്തി​ലു​ട​നീ​ളം 50 ഫൗ​ളാ​ണ് പി​റ​ന്ന​ത്. ഇ​തി​ല്‍ 32 എ​ണ്ണം അ​ള്‍ജീ​രി​യ​യു​ടെ ഭാ​ഗ​ത്തു​നി​ന്നാ​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.