Sports News
ഫെ​​​ഡ​​​റ​​​ര്‍ പി​​​ന്മാ​​​റി
ഫെ​​​ഡ​​​റ​​​ര്‍ പി​​​ന്മാ​​​റി
Monday, June 7, 2021 1:00 AM IST
പാ​രീ​സ്: ഫ്ര​ഞ്ച് ഓ​പ്പ​ണ്‍ ടെ​ന്നീ​സി​ല്‍​നി​ന്നു സ്വി​സ് ഇ​തി​ഹാ​സം റോ​ജ​ർ ഫെ​ഡ​റ​ർ പി​ന്മാ​റി. ശ​നി​യാ​ഴ്ച ന​ട​ന്ന മൂ​ന്നാം റൗ​ണ്ട് മ​ത്സ​ര​ത്തി​നു പി​ന്നാ​ലെ ടൂ​ർ​ണ​മെ​ന്‍റി​ൽ​നി​ന്നു പി​ന്മാ​റു​ന്ന കാ​ര്യം താ​രം സൂ​ചി​പ്പി​ച്ചി​രു​ന്നു. വ​ല​ത് കാ​ല്‍​മു​ട്ടി​നു ക​ഴി​ഞ്ഞ വ​ര്‍​ഷം ഫെ​ഡ​റ​ര്‍ ര​ണ്ടു ശ​സ്ത്ര​ക്രി​യ​ക​ള്‍​ക്കു വി​ധേ​യ​നാ​യി​രു​ന്നു.

ടൂ​ര്‍​ണ​മെ​ന്‍റി​ന്‍റെ കാ​ഠി​ന്യം കൈ​കാ​ര്യം ചെ​യ്യാ​ന്‍ കാ​ല്‍​മു​ട്ടി​നു ക​ഴി​യു​ന്നി​ല്ലെ​ങ്കി​ല്‍ പി​ന്മാ​റു​മെ​ന്നാ​ണു താ​രം പ​റ​ഞ്ഞ​ത്. മൂ​ന്നാം റൗ​ണ്ടി​ല്‍ ഡൊ​മി​നി​ക് കൊ​പ്‌​ഫെ​യ്‌​ക്കെ​തി​രാ​യ ഫെ​ഡ​റ​റു​ടെ നാ​ലു സെ​റ്റ് നീ​ണ്ട മ​ത്സ​രം മൂ​ന്ന് മ​ണി​ക്കൂ​റും 35 മി​നി​റ്റു​മാ​ണു നീ​ണ്ട​ത്. 7-6(7-5), 6-7 (3-7), 7-6 (7-4), 7-5 എ​ന്ന സ്‌​കോ​റി​ന് ഫെ​ഡ​റ​ര്‍ മ​ത്സ​രം ജ​യി​ക്കു​ക​യും ചെ​യ്തു. 68-ാം ത​വ​ണ​യാ​ണ് ഫെ​ഡ​റ​ര്‍ ഒ​രു ഗ്രാ​ന്‍​സ്‌​ലാം ടൂ​ര്‍​ണ​മെ​ന്‍റി​ന്‍റെ അ​വ​സാ​ന 16ല്‍ ​ഇ​ടം​പി​ടി​ക്കു​ന്ന​ത്. ഇ​ന്ന് ന​ട​ക്കേ​ണ്ട പ്രീ​ക്വാ​ര്‍​ട്ട​റി​ല്‍ മാ​ത്യോ ബെ​റെ​ട്ടി​നി​യാ​ണു ഫെ​ഡ​റ​റു​ടെ എ​തി​രാ​ളി. ഫെ​ഡ​റ​ർ പി​ന്മാ​റി​യ​തോ​ടെ ബെ​റെ​ട്ടി​നി​ക്ക് ക്വാ​ർ​ട്ട​റി​ലേ​ക്കു വാ​ക്കോ​വ​ർ ല​ഭി​ക്കും.

വ​​​ല​​​ത് കാ​​​ല്‍മു​​​ട്ടി​​നു ര​​​ണ്ടു ശ​​​സ്ത്ര​​​ക്രി​​​യ​​​ക​​​ള്‍ക്ക് വി​​​ധേ​​​യ​​​നാ​​​യ ശേ​​​ഷം ക​​​ഴി​​​ഞ്ഞ 18 മാ​​​സ​​​ത്തി​​​നി​​​ടെ ഫെ​​​ഡ​​​റ​​​ര്‍ ക​​​ളി​​​ച്ച ഏ​​​റ്റ​​​വും ദൈ​​​ര്‍ഘ്യ​​​മേ​​​റി​​​യ മ​​​ത്സ​​​ര​​​മാ​​​യി​​​രു​​​ന്നു ഇ​​​ത്. മു​​​ട്ടി​​​നു ന​​​ട​​​ത്തി​​​യ ഇ​​​ര​​​ട്ട ശ​​​സ്ത്ര​​​ക്രി​​​യ​​​യ്ക്കു​​​ശേ​​​ഷം ഫെ​​​ഡ​​​റ​​​റു​​​ടെ ആ​​​റാ​​​മ​​​ത്തെ മ​​​ത്സ​​​ര​​​മാ​​​യി​​​രു​​​ന്നു. 2020 ജ​​​നു​​​വ​​​രി​​​യി​​​ലെ ഓ​​​സ്‌​​​ട്രേ​​​ലി​​​യ​​​ന്‍ ഓ​​​പ്പ​​​ണി​​​നു​​​ശേ​​​ഷം ഫെ​​​ഡ​​​റ​​​ര്‍ ഇ​​​റ​​​ങ്ങി​​​യ മൂ​​​ന്നാ​​​മ​​​ത്തെ ടൂ​​​ര്‍ണ​​​മെ​​​ന്‍റാ​​​ണ് ഫ്ര​​​ഞ്ച് ഓ​​​പ്പ​​​ണ്‍.

ഈ ​​​വ​​​ര്‍ഷം വിം​​​ബി​​​ള്‍ഡ​​​ണി​​​നാ​​​ണു താ​​​ന്‍ കൂ​​​ടു​​​ത​​​ല്‍ പ്ര​​​ധാ​​​ന്യം കൊ​​​ടു​​​ക്കു​​​ന്ന​​​തെ​​​ന്നു ഫെ​​​ഡ​​​റ​​​ര്‍ നേ​​​ര​​​ത്തെ പ​​​റ​​​ഞ്ഞി​​​രു​​​ന്നു. ഒ​​​മ്പ​​​താം വിം​​​ബി​​​ള്‍ഡ​​​ണാ​​ണു ടെ​​ന്നീ​​സ് ഇ​​​തി​​​ഹാ​​​സം ല​​​ക്ഷ്യ​​​മി​​​ടു​​​ന്ന​​​ത്. ജൂ​​​ണ്‍ 28ന് ​​​വിം​​​ബി​​​ള്‍ഡ​​​ണി​​​നു തു​​​ട​​​ക്ക​​​മാ​​​കും. ഇ​​​തി​​​നു മു​​​ന്നോ​​​ടി​​​യാ​​​യി 14ന് ​​​ആ​​​രം​​​ഭി​​​ക്കു​​​ന്ന ഹാ​​​ലെ ടൂ​​​ര്‍ണ​​​മെ​​​ന്‍റി​​ല്‍ സ്വി​​​സ് താ​​​രം പ​​​ങ്കെ​​​ടു​​​ക്കു​​​ന്നു​​​ണ്ട്.

“ക​​​ളി തു​​​ട​​​ര​​​ണ​​​മോ വേ​​​ണ്ട​​​യോ എ​​​ന്ന് എ​​​നി​​​ക്കു തീ​​​രു​​​മാ​​​നി​​​ക്കേ​​​ണ്ട​​​തു​​​ണ്ട്. കാ​​​ല്‍മു​​​ട്ടി​​​നു കൂ​​​ടു​​​ത​​​ല്‍ സ​​​മ്മ​​​ര്‍ദം കൊ​​​ടു​​​ക്കു​​​ന്ന​​​ത് വെ​​​ല്ലു​​​വി​​​ളി​​​യാ​​​വു​​​മോ? വി​​​ശ്ര​​​മം എ​​​ടു​​​ക്കേ​​​ണ്ട സ​​​മ​​​യ​​​മാ​​​ണോ എ​​​ന്നെ​​​ല്ലാം അ​​​റി​​​യ​​​ണം. ഓ​​​രോ മ​​​ത്സ​​​ര​​​ത്തി​​​നു ശേ​​​ഷ​​​വും ഞാ​​​ന്‍ കാ​​​ല്‍മു​​​ട്ടി​​​ന്‍റെ അ​​​വ​​​സ്ഥ വി​​​ല​​​യി​​​രു​​​ത്ത​​​ണം. ഓ​​​രോ ദി​​​വ​​​സ​​​വും ഞാ​​​ന്‍ ഉ​​​റ​​​ക്കം ഉ​​​ണ​​​രു​​​ന്ന​​​ത് എ​​​ന്‍റെ കാ​​​ല്‍മു​​​ട്ടി​​​ന്‍റെ അ​​​വ​​​സ്ഥ എ​​​ങ്ങ​​​നെ​​​യു​​​ണ്ടെ​​ന്നു നോ​​​ക്കി​​​യാ​​​ണ്.’’ ഫെ​​​ഡ​​​റ​​​ര്‍ പ​​​റ​​​ഞ്ഞു.

2015ന് ​​​ശേ​​​ഷം ഇ​​​ത് ര​​​ണ്ടാം ത​​​വ​​​ണ മാ​​​ത്ര​​​മാ​​ണു ഫെ​​​ഡ​​​റ​​​ര്‍ റോ​​​ള​​​ണ്ട് ഗാ​​​രോ​​​സി​​​ല്‍ മ​​​ത്സ​​​രി​​​ക്കു​​​ന്ന​​​ത്. ഓ​​​ഗ​​​സ്റ്റ് എ​​​ട്ടി​​​നു താ​​​ര​​​ത്തി​​​ന് 40 വ​​​യ​​​സ് തി​​​ക​​​യും.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2022 , Rashtra Deepika Ltd.