ഒസ്റ്റപെങ്കൊ പുറത്ത് : Deepika.com Sports News |

Click here for detailed news of all items

ഒസ്റ്റപെങ്കൊ പുറത്ത്

Monday, July 4, 2022 1:04 AM IST

ലണ്ടൻ: വിംബിൾഡണ്‍ ടെന്നീസ് വനിതാ സിംഗിൾസിൽ 12-ാം സീഡായ ലാത്വിയയുടെ യെലേന ഒസ്റ്റപെങ്കൊ പ്രീക്വാർട്ടറിൽ പുറത്ത്. സീഡ് ഇല്ലാത്ത ജർമനിയുടെ തജാന മരിയയാണ് മൂന്ന് സെറ്റ് നീണ്ട പോരാട്ടത്തിൽ ഒസ്റ്റപെങ്കൊയെ കീഴടക്കിയത്. സ്കോർ: 5-7, 7-5, 7-5. ബ്രിട്ടീഷ് താരം ഹീതർ വാട്ട്സണിനെ പ്രീക്വാർട്ടറിൽ 6-2, 6-4നു കീഴടക്കിയ ജർമനിയുടെ ജൂലി നിമിയെർ ആണ് ക്വാർട്ടറിൽ തജാന മരിയയുടെ എതിരാളി.

ചെക് റിപ്പബ്ലിക്കിന്‍റെ മരിയെ ബൗസ്കോവയും ക്വാർട്ടറിൽ പ്രവേശിച്ചു. ഫ്രാൻസിന്‍റെ കരോളിൻ ഗാർസ്യയെ നേരിട്ടുള്ള സെറ്റുകൾക്കായിരുന്നു ബൗസ്കോവ കീഴടക്കിയത്, 7-5, 6-2. നിമിയെർ, തജാന, ബൗസ്കോവ എന്നിവർ ഇതാദ്യമായാണ് വിംബിൾഡണ്‍ ക്വാർട്ടറിൽ പ്രവേശിക്കുന്നത്.

സാനിയ സഖ്യം ക്വാർട്ടറിൽ

മിക്സഡ് ഡബിൾസിൽ ഇന്ത്യയുടെ സാനിയ മിർസ - ക്രൊയേഷ്യയുടെ മാറ്റ് പവിക് സഖ്യം ക്വാർട്ടറിൽ. പ്രീക്വാർട്ടറിൽ സാനിയ സഖ്യത്തിനു വാക്കോവർ ലഭിച്ചു. ക്രൊയേഷ്യയുടെ ഇവാൻ ഡോഡിംഗ് - തായ് വാന്‍റെ ലറ്റിഷ ചാൻ സഖ്യമായിരുന്നു പ്രീക്വാർട്ടറിൽ സാനിയ - പവിക് കൂട്ടുകെട്ടിനെ പ്രീക്വാർട്ടറിൽ നേരിടേണ്ടിയിരുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.