ലാ ലിഗ കിരീടം ഏറ്റവും കൂടുതൽ തവണ നേടിയതിന്റെ റിക്കാർഡ് റയൽ പുതുക്കി എന്നതും ശ്രദ്ധേയം. കിരീട നേട്ടത്തിൽ രണ്ടാം സ്ഥാനത്തുള്ള എഫ്സി ബാഴ്സലോണയേക്കാള് (27) ഏറെ മുന്നിലാണ് റയൽ എന്നതും മറ്റൊരു യാഥാർഥ്യം. റയൽ മാഡ്രിഡിന്റെ കാർലോ ആൻസിലോട്ടിയുടെ പരിശീലക കരിയറിലെ 28-ാം ട്രോഫിയാണ്. രണ്ടാമത്തെ ലാ ലിഗ കിരീടവും. 2023-24 സീസണിൽ റയലിന്റെ രണ്ടാമത് ട്രോഫിയാണിത്. നേരത്തേ സൂപ്പർ കോപ്പ സ്വന്തമാക്കിയിരുന്നു.
അരങ്ങേറ്റ സീസണിൽതന്നെ കിരീടത്തിൽ മുത്തംവയ്ക്കാൻ റയലിന്റെ ഇംഗ്ലീഷ് താരം ജൂഡ് ബെല്ലിങ്ഗമിനു സാധിച്ചു. 18 ഗോൾ നേടിയ ബെല്ലിങ്ഗമാണ് റയലിന്റെ ടോപ് സ്കോറർ.