മലപ്പുറത്ത് ടാങ്കർ ലോറി മറിഞ്ഞ് വാതകം ചോർന്നു |

Click here for detailed news of all items

മലപ്പുറത്ത് ടാങ്കർ ലോറി മറിഞ്ഞ് വാതകം ചോർന്നു

Friday, September 21, 2018 5:28 AM IST

തേഞ്ഞിപ്പലം: മലപ്പുറത്ത് ദേശീയപാതയിലെ സ്ഥിരം അപകട മേഖലയായ തേഞ്ഞിപ്പലം പാണന്പ്ര വളവിൽ ടാങ്കർ ലോറി മറിഞ്ഞ് പാചകവാതകം ചോർന്നു. മംഗലാപുരത്തു നിന്നു ചേളാരിയിലെ ഇന്ത്യൻ ഓയിൽ കോർപ്പറേഷൻ പ്ലാന്‍റിലേക്കു പാചകവാതകവുമായി വരികയായിരുന്ന കണ്ടെയ്നർ ലോറിയാണ് മറിഞ്ഞത്. അപകടത്തിൽ ആർക്കും പരിക്കേറ്റില്ല.

പുലർച്ചെ നാലോടെയാണ് അപകടം. ടാങ്കർ മറിഞ്ഞ് വാതകം ചോരാൻ തുടങ്ങിയതോടെ അരക്കിലോമീറ്റർ ചുറ്റളവിൽ ജാഗ്രതാ നിർദേശം പ്രഖ്യാപിച്ചു. വീടുകളിൽ തീ കത്തിക്കരുതെന്നു കർശന നിർദേശവും നൽകിയിരുന്നു. പ്രദേശത്തെ വൈദ്യുതി ബന്ധവും വിഛേദിച്ചു. വാതകം ചോരുന്നതിന്‍റെ ശക്തി കുറയ്ക്കാൻ ആറിടങ്ങളിൽ നിന്നെത്തിയ ഫയർഫോഴ്സ് സംഘങ്ങൾ ടാങ്കറിലേക്കു ജലം പന്പ് ചെയ്തുകൊണ്ടിരുന്നു.

കൊച്ചിയിൽ നിന്നും വിദഗ്ധരെത്തിയാണ് മറിഞ്ഞ കണ്ടെയ്നറിൽ നിന്നും പാചകവാതകം മറ്റൊരു കണ്ടെയ്നറിലേക്ക് മാറ്റിയത്. ഇതോടെയാണ് ആശങ്ക ഒഴിഞ്ഞത്. അപകടത്തെ തുടർന്നു ദേശീയപാതയിൽ ഗതാഗതം താറുമാറായി. നൂറുക്കണക്കിനു വാഹനങ്ങളാണ് ദേശീയപാതയിൽ കുടുങ്ങിയത്.

കളക്ടർ അമിത് മീണയും തിരൂരങ്ങാടി തഹസിൽദാർ പി.ഷാജുവും അപകട സ്ഥലത്ത് എത്തിയിരുന്നു. ഉന്നത പോലീസ് ഉദ്യോഗസ്ഥരും സ്ഥിതിഗതികൾ പരിശോധിച്ചു.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.