എ.എ.റഹീം ഡിവൈഎഫ്ഐ സംസ്ഥാന സെക്രട്ടറി; എസ്.സതീശ് പ്രസിഡന്‍റ്
Wednesday, November 14, 2018 1:43 PM IST
കോ​ഴി​ക്കോ​ട്: ഡിവൈഎഫ്ഐയുടെ പുതിയ സംസ്ഥാന സെക്രട്ടറിയായി എ.എ.റഹീമിനെയും പ്രസിഡന്‍റായി എസ്.സതീശിനെയും കോഴിക്കോട്ട് ചേർന്ന സംസ്ഥാന സമ്മേളനം തെരഞ്ഞെടുത്തു. എസ്.കെ.സജീഷാണ് പുതിയ സംസ്ഥാന ട്രഷറർ. സംസ്ഥാന സെക്രട്ടറിയായിരുന്ന എം.സ്വരാജും പ്രസിഡന്‍റായിരുന്ന എ.എൻ.ഷംസീറും സ്ഥാനമൊഴിഞ്ഞു.

വ​ര്‍​ഗീ​യ​ത​യ്ക്കും കേ​ന്ദ്ര​ സ​ര്‍​ക്കാ​റി​ന്‍റെ യു​വ​ജ​ന വ​ഞ്ച​ന​യ്ക്കു​മെ​തി​രേ ശ​ക്ത​മാ​യ പ്ര​ക്ഷോ​ഭ​ത്തി​ന് ആ​ഹ്വാ​നം ചെ​യ്തു​കൊ​ണ്ട് 14-ാം സം​സ്ഥാ​ന സ​മ്മേ​ള​നം സമാപിക്കുന്നത്. സം​സ്ഥാ​ന സ​മ്മേ​ള​ന​ത്തി​ന്‍റെ ഭാ​ഗ​മാ​യി ഒ​രു ല​ക്ഷം പ്ര​വ​ര്‍​ത്ത​ക​ര്‍ അ​ണി​നി​ര​ക്കു​ന്ന റാ​ലി​ വൈകിട്ട് കോഴിക്കോട്ട് നടക്കും.

തുടർന്ന് നടക്കുന്ന പൊതു സമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ഡി​വൈ​എ​ഫ്‌​ഐ അ​ഖി​ലേ​ന്ത്യാ പ്ര​സി​ഡ​ന്‍റ് പി.​എ. മു​ഹ​മ്മ​ദ് റി​യാ​സ്, ജ​ന​റ​ല്‍ സെ​ക്ര​ട്ട​റി അ​ഭോ​യ് മു​ഖ​ര്‍​ജി, സി​ഐ​ടി​യു സം​സ്ഥാ​ന ജ​ന​റ​ല്‍ സെ​ക്ര​ട്ട​റി എ​ള​മ​രം​ ക​രീം എം​പി, മ​ന്ത്രി ടി.​പി.​രാ​മ​കൃ​ഷ്ണ​ന്‍ തുടങ്ങിയവർ പ്രസംഗിക്കും.

മൂ​ന്നു ദി​വ​സ​ങ്ങ​ളി​ലാ​യി ന​ട​ന്ന സ​മ്മേ​ള​ന​ത്തി​ല്‍ 619 പ്രതിനിധികളാണ് ചർച്ചകളിൽ പങ്കെടുത്തത്. ഓ​രോ ജി​ല്ല​ക​ളി​ല്‍ നി​ന്നാ​യി തെ​ര​ഞ്ഞെ​ടു​ക്ക​പ്പെ​ട്ട 508 പ്ര​തി​നി​ധി​ക​ളും 22 സൗ​ഹാ​ര്‍​ധ പ്ര​തി​നി​ധി​ക​ളും നാ​ല് നി​രീ​ക്ഷ​ക​രും 85 സം​സ്ഥാ​ന ക​മ്മി​റ്റി അം​ഗ​ങ്ങളും ഉൾപ്പടെയായിരുന്നു ഇത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.