എ.എൻ.രാധാകൃഷ്ണനെ ആശുപത്രിയിലേക്ക് മാറ്റി
Monday, December 10, 2018 4:44 PM IST
തിരുവനന്തപുരം: ശബരിമല വിഷയത്തിൽ എട്ട് ദിവസമായി നിരാഹാര സമരം ചെയ്യുന്ന ബിജെപി സംസ്ഥാന ജനറൽ സെക്രട്ടറി എ.എൻ.രാധാകൃഷ്ണനെ പോലീസ് അറസ്റ്റ് ചെയ്ത് ആശുപത്രിയിലേക്ക് മാറ്റി. ആരോഗ്യനില മോശമാണെന്നും രക്തത്തിലെ പഞ്ചസാരയുടെ അളവ് ക്രമാതീതമായി കുറഞ്ഞിട്ടുണ്ടെന്നും ഡോക്ടർമാർ വ്യക്തമാക്കിയതോടെയാണ് പോലീസ് അറസ്റ്റിലേക്ക് നീങ്ങിയത്.

ആശുപത്രിയിലും സമരം തുടരുമെന്നാണ് രാധാകൃഷ്ണന്‍റെ പ്രഖ്യാപം. രാധാകൃഷ്ണന് പകരം മുൻ സംസ്ഥാന അധ്യക്ഷൻ സി.കെ.പത്മനാഭൻ സെക്രട്ടറിയേറ്റിലെ സമര പന്തലിൽ നിരാഹാരം തുടങ്ങും.

രാവിലെ കേന്ദ്രമന്ത്രി അൽഫോണ്‍സ് കണ്ണന്താനം സെക്രട്ടറിയേറ്റിന് മുന്നിലെ സമരപ്പന്തലിൽ എത്തി രാധാകൃഷ്ണനെ സന്ദർശിച്ചിരുന്നു. രാധാകൃഷ്ണന്‍റെ ജീവൻ രക്ഷിക്കാൻ മുഖ്യമന്ത്രി ഇടപെടണമെന്ന് അദ്ദേഹം ആവശ്യപ്പെട്ടിരുന്നു. പിന്നാലെയാണ് വൈകിട്ട് പോലീസ് നടപടിയുണ്ടായത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.