കർ"നാടകം'തുടരുന്നു: ഒരു കോണ്‍ഗ്രസ് എംഎൽഎ കൂടി ബിജെപി ക്യാന്പിൽ |

Click here for detailed news of all items

കർ"നാടകം'തുടരുന്നു: ഒരു കോണ്‍ഗ്രസ് എംഎൽഎ കൂടി ബിജെപി ക്യാന്പിൽ

Wednesday, January 16, 2019 9:51 AM IST

ബംഗളൂരു: കർണാടകത്തിലെ കോണ്‍ഗ്രസ്-ജെഡിഎസ് സർക്കാരിനെ വീഴ്ത്താനുള്ള ബിജെപി ശ്രമത്തിനെ തുടർന്നുണ്ടായ രാഷ്ട്രീയ പ്രതിസന്ധി തുടരുന്നു. ഒരു കോണ്‍ഗ്രസ് എംഎൽഎ കൂടി ബിജെപി ക്യാന്പിലെത്തി. കോണ്‍ഗ്രസ് എംഎല്‍എ പ്രതാപഗൗഡ പാട്ടീലാണ് ഇന്ന് പുലര്‍ച്ചയോടെ മുംബൈയിലെ ഹോട്ടലില്‍ എത്തിയത്.

നിലവില്‍ ഏഴ് കോണ്‍ഗ്രസ് എംഎല്‍എമാരാണ് മുംബൈയില്‍ ഉള്ളതെന്നാണ് വിവരം. ഇവരെ തിരിച്ചെത്തിക്കാൻ കോൺഗ്രസ് ശ്രമം നടത്തുകയാണ്. കഴിഞ്ഞദിവസം സ്വതന്ത്ര എംഎൽഎ എച്ച്. നാഗേഷ്, കെപിജെപി അംഗം ആർ. ശങ്കർ എന്നിവർ സർക്കാരിനുള്ള പിന്തുണ പിൻവലിച്ചിരുന്നു.

അതേസമയം, വരും ദിവസങ്ങളിൽ കൂടുതൽ എംഎൽഎമാർ പിന്തുണയുമായി എത്തുമെന്നാണ് ബിജെപി പ്രതീക്ഷിക്കുന്നത്. ചില എംഎൽഎമാരുമായി ബി.എസ്. യെദിയൂരപ്പ ആശയവിനിമയം നടത്തുകയും ചെയ്തു. ഇതിനിടെ കോൺഗ്രസ്‌-ജെഡിഎസ് എംഎൽഎമാരെ ബിഡദിയിലെ റിസോർട്ടിലേക്ക് മാറ്റിയേക്കുമെന്നും റിപ്പോർട്ടുണ്ട്.

ലോക്സഭാ തെരഞ്ഞെടുപ്പ് അടുത്തിരിക്കേ കോൺഗ്രസ്-ജെഡിഎസ് സർക്കാരിനെ വീഴ്ത്തുകയെന്നതാണു ബിജെപിയുടെ പ്രധാന ലക്ഷ്യം. കോൺഗ്രസ്-ജെഡിഎസ് സഖ്യത്തിന് 120 എംഎൽഎമാരുടെ പിന്തുണയാണുണ്ടായിരുന്നത്. മൂന്ന പേർ കൂറു മാറിയതോടെ ഇത് 117 ആയി. 224 അംഗ സഭയിൽ കേവല ഭൂരിപക്ഷത്തിനു വേണ്ടത് 113 പേരുടെ പിന്തുണയാണ്.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.