ഒ​രാ​ഴ്ച​യ്ക്കി​ടെ ര​ണ്ടാം ത​വ​ണ​യും എ​വ​റ​സ്റ്റ് കൊ​ടു​മു​ടി കീ​ഴ​ട​ക്കി കാ​മി ഋ​ത
Tuesday, May 21, 2019 2:24 PM IST
കാ​ഠ്മ​ണ്ഡു: ഒ​രാ​ഴ്ച​യ്ക്കി​ടെ ര​ണ്ടാം ത​വ​ണ​യും എ​വ​റ​സ്റ്റ് കൊ​ടു​മു​ടി കീ​ഴ​ട​ക്കി നേ​പ്പാ​ൾ സ്വ​ദേ​ശി കാ​മി ഋ​ത ഷെ​ർ​പ്പ. ചൊ​വ്വാ​ഴ്ച 24-ാം ത​വ​ണ​യും എ​വ​റ​സ്റ്റ് ക​യ​റി​യാ​ണ് കാ​മി റി​ക്കാ​ർ​ഡ് ബു​ക്കി​ൽ ത​ന്‍റെ പേ​ര് ഒ​ന്നു​കൂ​ടി തി​രു​ത്തി എ​ഴു​തി​യ​ത്. രാ​വി​ലെ ആ​റ​ര​യോ​ടെ നേ​പ്പാ​ൾ വ​ശ​ത്തു​നി​ന്നാ​ണ് കാ​മി എ​വ​റ​സ്റ്റി​നു മു​ക​ളി​ലെ​ത്തി​യ​ത്. മേ​യ് പ​തി​ന​ഞ്ചി​ന് കാ​മി 23-ാം ത​വ​ണ എ​വ​റ​സ്റ്റി​ൽ എ​ത്തി​യി​രു​ന്നു.

ര​ണ്ടു ദ​ശ​ക​ത്തോ​ള​മാ​യി എ​വ​റ​സ്റ്റ് ആ​രോ​ഹ​ക​ർ​ക്ക് വ​ഴി​കാ​ട്ടി​യാ​യി പ്ര​വ​ർ​ത്തി​ക്കു​ക​യാ​ണ് ഷെ​ർ​പ്പ. സൊ​ലു​കും​ഭു ജി​ല്ല​യി​ലെ താ​മെ സ്വ​ദേ​ശി​യാ​ണ് കാ​മി. പ​ർ​വ​താ​രോ​ഹ​ക​ർ​ക്ക് വ​ഴി​കാ​ട്ടു​ന്ന​തി​ന്‍റെ ഭാ​ഗ​മാ​യാ​ണ് ഭൂ​രി​ഭാ​ഗം ത​വ​ണ​യും കാ​മി കൊ​ടു​മു​ടി ക​യ​റി​യ​ത്. കാ​ഞ്ച​ൻ​ജം​ഗ, ചൊ ​ഒ​യു, ലോ​ട്സെ, അ​ന്ന​പു​ർ​ണ തു​ട​ങ്ങി​യ കൊ​ടു​മു​ടി​ക​ൾ ഇ​തി​ന​കം​ത​ന്നെ കാ​മി കീ​ഴ​ട​ക്കി​ക്ക​ഴി​ഞ്ഞു.

1994-ൽ 24 ​വ​യ​സ് മാ​ത്രം പ്രാ​യ​മു​ള്ള​പ്പോ​ഴാ​ണ് കാ​മി ആ​ദ്യ​മാ​യി എ​വ​റ​സ്റ്റ് കീ​ഴ​ട​ക്കി​യ​ത്. അ​മേ​രി​ക്ക കേ​ന്ദ്ര​മാ​യ ആ​ൽ​പൈ​ൻ അ​സെ​ന്‍റ്സ് ക​ന്പ​നി​ക്കു വേ​ണ്ടി​യാ​ണ് കാ​മി ഗൈ​ഡാ​യി ജോ​ലി ചെ​യ്യു​ന്ന​ത്. നേ​പ്പാ​ളി​ലെ പ​ർ​വ​ത മേ​ഖ​ല​യി​ൽ ജീ​വി​ക്കു​ന്ന പ്ര​ത്യേ​ക ഗോ​ത്ര​വ​ർ​ഗ​മാ​ണ് കാ​മി ഉ​ൾ​പ്പെ​ടു​ന്ന ഷെ​ർ​പ്പ​ക​ൾ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.