കൂ​പ്പു​ക​ര​ങ്ങ​ൾ സാ​ക്ഷി; മ​ല​യാ​ളി​ക​ളു​ടെ ഹൃ​ദ​യ​ങ്ങ​ൾ ജ്വ​ലി​ച്ചു
Sunday, October 13, 2019 6:36 PM IST
വ​ത്തി​ക്കാ​ൻ സി​റ്റി: ഭാ​ര​ത​സ​ഭ ഒ​രി​ക്ക​ൽ​ക്കൂ​ടി അ​നു​ഗ്ര​ഹീ​ത​മാ​യി. 120 കോ​ടി വി​ശ്വാ​സി​ക​ളു​ള്ള ക​ത്തോ​ലി​ക്കാ സ​ഭ​യു​ടെ ആ​ത്മീ​യ പി​താ​വാ​യ ഫ്രാ​ൻ​സി​സ് മാ​ർ​പാ​പ്പ മ​ദ​ർ മ​റി​യം ത്രേ​സ്യ​യെ വി​ശു​ദ്ധ​രു​ടെ ഗ​ണ​ത്തി​ലേ​ക്ക് പേ​രു ചൊ​ല്ലി വി​ളി​ച്ച ഭാ​ഗ്യ​നി​മി​ഷം. പ്ര​ഥ​മ പാ​പ്പ​യാ​യ വി​ശു​ദ്ധ പ​ത്രോ​സ് മു​ത​ലു​ള്ള മാ​ർ​പ്പാ​പ്പ​മാ​രു​ടെ ഭൗ​തി​ക​ശ​രീ​രം അ​ലി​ഞ്ഞു​ചേ​ർ​ന്ന അ​തി​പൂ​ജ്യ​മാ​യ ച​രി​ത്ര​ഭൂ​മി​ക​യി​ൽ പ​തി​നാ​യി​ര​ത്തി​ലേ​റെ ലോ​ക​മ​ല​യാ​ളി​ക​ൾ സം​ഗ​മി​ച്ച വേ​ള​യി​ലാ​ണ് മ​ല​യാ​ളി​യാ​യ മ​ദ​ർ മ​റി​യം ത്രേ​സ്യ അ​ൾ​ത്താ​ര​യി​ലേ​ക്ക് ഉ​യ​ർ​ത്ത​പ്പെ​ട്ട​ത്.

സ​ഹ​ന​ത്തി​ലൂ​ടെ ക്രി​സ്തു​വി​നെ അ​നേ​ക​രി​ലേ​ക്ക് പ​ക​ർ​ന്ന ക​ന്യാ​സ്ത്രീ​യു​ടെ ജീ​വി​തം ല​ഘു​വാ​യി ഇ​തേ ച​ട​ങ്ങി​ൽ വാ​യി​ക്കു​ക​യും ചെ​യ്തു. ലോ​ക​മെ​ന്പാ​ടും കു​ടി​യേ​റി​യ മ​ല​യാ​ളി​ക​ളാ​യ വൈ​ദി​ക​രും സ​ന്യ​സ്ത​രും അ​ത്മാ​യ​രും ഉ​ൾ​പ്പെ​ടു​ന്ന വി​ശ്വാ​സി​ക​ൾ വ​ത്തി​ക്കാ​നി​ൽ ഇ​ന്നു ന​ട​ന്ന ഭ​ക്തി​സാ​ന്ദ്ര​മാ​യ ച​ട​ങ്ങി​നു സാ​ക്ഷി​ക​ളാ​യി.

അ​ഞ്ചു ഭൂ​ഖ​ണ്ഡ​ങ്ങ​ളി​ൽ​നി​ന്നു​ള്ള തീ​ർ​ഥാ​ട​ക​രും വി​വി​ധ രാ​ഷ്ട്ര​നേ​താ​ക്ക​ളും സെ​ന്‍റ് പീ​റ്റേ​ഴ്സ് ബ​സ​ലി​ക്ക​യു​ടെ ച​ത്വ​ര​ത്തി​ൽ തി​ങ്ങി​നി​റ​ഞ്ഞ ച​ട​ങ്ങി​ൽ, ഭാ​ര​ത​മു​ദ്ര​യാ​യ ത്രി​വ​ർ​ണ​പ​താ​ക​യും മ​ദ​ർ മ​റി​യം ത്രേ​സ്യാ​യു​ടെ ചി​ത്ര​വും ഉ​യ​ർ​ന്നു​പാ​റി​യ​പ്പോ​ൾ ഭാ​ര​ത​മ​ക്ക​ളു​ടെ ഹൃ​ദ​യം കു​ളി​ർ​ത്തു.

ലോ​ക​മെ​ന്പാ​ടും ഇ​തേ ച​ട​ങ്ങ് ചാ​ന​ലു​ക​ളി​ൽ ദ​ർ​ശി​ച്ച് ജ​ന​ല​ക്ഷ​ങ്ങ​ൾ സ​ന്തോ​ഷം പ​ങ്കു​വ​ച്ചു. ക​ടു​ത്ത ത​ണു​പ്പി​നെ അ​വ​ഗ​ണി​ച്ച് ഇ​ന്ന​ലെ​യും ഇ​ന്നു​മാ​യി മ​ല​യാ​ളി​ക​ളു​ടെ അ​ണ​മു​റി​യാ​ത്ത പ്ര​വാ​ഹ​മാ​യി​രു​ന്നു വ​ത്തി​ക്കാ​നി​ലേ​ക്ക്. ഫ്രാ​ൻ​സി​സ് മാ​ർ​പ്പാ​പ്പ മു​ഖ്യ​കാ​ർ​മി​ക​നാ​യ ച​ട​ങ്ങി​ൽ ക​ർ​ദി​നാ​ൾ​മാ​രും മെ​ത്രാ​ൻ​മാ​രും ഉ​ൾ​പ്പെ​ടെ മൂ​വാ​യി​ര​ത്തി​ലേ​റെ അ​ഭി​ഷി​ക്ത​രു​മാ​ണ് തി​രു​ക​ർ​മ​ങ്ങ​ളി​ൽ കാ​ർ​മി​ക​രാ​യ​ത്. ല​ത്തീ​ൻ, ഗ്രീ​ക്ക്, ഇം​ഗ്ളീ​ഷ് ഭാ​ഷ​ക​ൾ​ക്കൊ​പ്പം മ​ല​യാ​ള​വും പ്രാ​ർ​ഥ​നാ​ഗീ​ത​ങ്ങ​ളാ​യി ഉ​യ​ർ​ന്നു​കേ​ട്ട​പ്പോ​ൾ സെ​ന്‍റ് തോ​മ​സി​ന്‍റെ വി​ശ്വാ​സ പാ​ര​ന്പ​ര്യ​മു​ള്ള ഭാ​ര​ത​സ​ഭാ മ​ക്ക​ളു​ടെ ഹൃ​ദ​യം ഭ​ക്തി​യി​ൽ നി​റ​ഞ്ഞു.

അ​ൽ​ഫോ​ൻ​സാ​മ്മ​യു​ടെ​യും ചാ​വ​റ​യ​ച്ച​ന്‍റെ​യും എ​വു​പ്രാ​സ്യ​മ്മ​യു​ടെ​യും മ​ദ​ർ തേ​രേ​സ​യു​ടെ​യും വി​ശു​ദ്ധ പ​ദ​വി പ്ര​ഖ്യാ​പ​നം പ​ക​ർ​ന്ന അ​തേ ധ​ന്യ​ത​യാ​ണ് ക​ത്തോ​ലി​ക്കാ സ​ഭ​യു​ടെ ആ​സ്ഥാ​ന അ​ങ്ക​ണ​ത്തി​ൽ ഇ​ന്നു വി​ശ്വാ​സി​ക​ളി​ൽ ജ്വ​ലി​ച്ച​ത്.

ര​ണ്ടു സ​ഹ​സ്രാ​ബ്ദ​ങ്ങ​ളു​ടെ ക​ത്തോ​ലി​ക്കാ വി​ശ്വാ​സ പാ​ര​ന്പ​ര്യ​മു​ള്ള തൃ​ശൂ​ർ, ഇ​രി​ങ്ങാ​ല​ക്കു​ട രൂ​പ​ത​ക​ളി​ൽ നി​ന്നു മാ​ത്രം ര​ണ്ടാ​യി​ര​ത്തോ​ളം പേ​ർ അ​നു​ഗ്ര​ഹീ​ത​നി​മി​ഷ​ത്തി​ൽ പ​ങ്കാ​ളി​ക​ളാ​യി. ഗ​ൾ​ഫി​ലേ​ക്കും യൂ​റോ​പ്പി​ലേ​ക്കും കു​ടി​യേ​റി​യ മ​ല​യാ​ളി​ക​ളാ​ണ് പ്ര​വാ​സി​ക​ളു​ടെ ഗ​ണ​ത്തി​ൽ ഏ​റ്റ​വു​മ​ധി​കം ഇ​ന്നു വ​ത്തി​ക്കാ​നി​ൽ സം​ഗ​മി​ച്ച​ത്.

വ​ത്തി​ക്കാ​നി​ൽ​നി​ന്നു രാ​ജു കു​ന്ന​ക്കാ​ട്ട്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.