ബ്ലാ​സ്റ്റേ​ഴ്സി​ന് സ്വ​പ്ന​ത്തു​ട​ക്കം; ആ​റാം സീ​സ​ണി​ൽ ജ​യി​ച്ചു​തു​ട​ങ്ങി
Sunday, October 20, 2019 9:52 PM IST
കൊ​ച്ചി: ഇ​ന്ത്യ​ൻ സൂ​പ്പ​ർ ലീ​ഗ് (ഐ​എ​സ്എ​ൽ) ആ​റാം സീ​സ​ണി​ൽ കേ​ര​ള ബ്ലാ​സ്റ്റേ​ഴ്സി​ന് സ്വ​പ്ന​ത്തു​ട​ക്കം. പു​ത്ത​ൻ സീ​സ​ണി​ലെ ക​രു​ത്ത​ൻ​മാ​രാ​യ എ​ടി​കെ​യെ ഒ​ന്നി​നെ​തി​രെ ര​ണ്ടു ഗോ​ളു​ക​ൾ​ക്ക് ബ്ലാ​സ്റ്റേ​ഴ്സ് പ​രാ​ജ​യ​പ്പെ​ടു​ത്തി. നൈ​ജീ​രി​യ​ൻ താ​രം ബ​ർ​ത്ത​ലോ​മി​യോ ഓ​ഗ്ബെ​ച്ചെ​യു​ടെ ഇ​ര​ട്ട​ഗോ​ളു​ക​ളാ​ണ് കേ​ര​ള​ത്തി​ന് വി​ജ​യം സ​മ്മാ​നി​ച്ച​ത്. ക​ളി​യു​ടെ ആ​ദ്യ പ​കു​തി​യി​ലാ​യി​രു​ന്നു മൂ​ന്നു ഗോ​ളു​ക​ളും.

ആ​ർ​ത്തി​രു​മ്പു​ന്ന മ​ഞ്ഞ​ക്ക​ട​ലി​നെ നി​ശ​ബ്ദ​മാ​ക്കി എ​ടി​കെ​യാ​ണ് ആ​ദ്യ ഗോ​ൾ നേ​ടി​യ​ത്. ക​ളി​യു​ടെ ആ​റാം മി​നി​റ്റി​ൽ ത​ന്നെ കാ​ൾ മ​ക്ഹു​ഗ് എ​ടി​കെ​യ്ക്കാ​യി സ്കോ​ർ ചെ​യ്തു. ഐ​റി​ഷ് താ​ര​ത്തി​ന്‍റെ സു​ന്ദ​ര​മാ​യ വോ​ളി ബ്ലാ​സ്റ്റേ​ഴ്സ് വ​ല​യി​ൽ പ​റ​ന്നി​റ​ങ്ങി. കൊ​മ്പ​ൻ​മാ​രു​ടെ ആ​രാ​ധ​ക​ർ ഞെ​ട്ടി. ക​ഴി​ഞ്ഞ സീ​സ​ണി​ലെ വി​ധിയാ​ണോ ബ്ലാ​സ്റ്റേ​ഴ്സി​നെ കാ​ത്തി​രി​ക്കു​ന്ന​തെ​ന്ന് പേ​ടി​ച്ചു.

എ​ന്നാ​ൽ ക്യാ​പ്റ്റ​ൻ കൂ​ൾ ഓ​ഗ്ബെ​ച്ചെ കേ​ര​ള​ത്തി​ന്‍റെ സ്വ​പ്ന​ങ്ങ​ളെ കൈ​പി​ടി​ച്ചു​യ​ർ​ത്തി. മു​പ്പ​താം മി​നി​റ്റി​ൽ പെ​നാ​ൽ​റ്റി​യി​ൽ​നി​ന്നും ഒ​ഗ്ബെ​ച്ചെ സ​മ​നി​ല പി​ടി​ച്ചു. ഒ​ന്നാം പ​കു​തി അ​വ​സാ​നി​ക്കു​ന്ന​തി​ന് തൊ​ട്ടു​മു​മ്പ് ബ്ലാ​സ്റ്റേ​ഴ്സ് ആ​രാ​ധ​ക​ർ കാ​ത്തി​രു​ന്ന നി​മി​ഷ​മെ​ത്തി.

വ​ല​ത് വിം​ഗി​ലൂ​ടെ ക​യ​റി​യ പ്ര​ശാ​ന്ത് ബോ​ക്സി​ലേ​ക്ക് ന​ൽ​കി​യ ക്രോ​സ് ക്ലി​യ​ർ ചെ​യ്യു​ന്ന​തി​ൽ എ​ടി​കെ പ്ര​തി​രോ​ധം പ​രാ​ജ​യ​പ്പെ​ട്ടു. പ​ന്ത് നേ​രെ ഒ​ഗ്ബെ​ച്ചെ​യു​ടെ കാ​ൽ​പാ​ക​ത്തി​ന്. ശ​ക്ത​മാ​യ ഷോ​ട്ടി​ലൂ​ടെ പ​ന്തി​നെ നൈജീരിയക്കാരൻ പോ​സ്റ്റി​ന്‍റെ മോ​ന്താ​യ​ത്തി​ൽ എ​ത്തി​ച്ചു. ര​ണ്ടാം പ​കു​തി​യി​ൽ ഇ​രു​ടീ​മു​ക​ളും മു​ന്നേ​റ്റ​ങ്ങ​ൾ ന​ട​ത്തി​യെ​ങ്കി​ലും ഗോ​ൾ മാ​ത്രം വ​ന്നി​ല്ല.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.