അ​മേ​രി​ക്ക​യി​ൽ മ​ല​യാ​ളി വി​ദ്യാ​ർ​ഥി​നി ത​ടാ​ക​ത്തി​ൽ മ​രി​ച്ച നി​ല​യി​ൽ
Saturday, January 25, 2020 11:36 AM IST
ഇ​ന്ത്യാ​ന: അ​മേ​രി​ക്ക​യി​ലെ ഇ​ന്ത്യാ​ന​യി​ൽ യൂ​ണി​വേ​ഴ്‌​സി​റ്റി ഓ​ഫ് നോ​ട്ട​ര്‍​ഡാം സീ​നി​യ​ര്‍ വി​ദ്യാ​ര്‍​ഥി​നി​യാ​യ മ​ല​യാ​ളി​യെ കാം​ന്പ​സി​നു​ള്ളി​ലെ ത​ടാ​ക​ത്തി​ല്‍ മ​രി​ച്ച നി​ല​യി​ല്‍ ക​ണ്ടെ​ത്തി. ക​ഴി​ഞ്ഞ ചൊ​വ്വാ​ഴ്ച മു​ത​ല്‍ കാ​ണാ​താ​യ ആ​ന്‍ റോ​സ് ജെ​റി (21)യു​ടെ മൃ​ത​ദേ​ഹ​മാ​ണ് വെ​ള്ളി​യാ​ഴ്ച ഉ​ച്ച​യോ​ടെ ത​ടാ​ക​ത്തി​ല്‍​നി​ന്ന് ക​ണ്ടെ​ടു​ത്ത​ത്.

കാ​മ്പ​സി​നു സ​മീ​പ​മു​ള്ള സെ​ന്‍റ് മേ​രി​സ് ത​ടാ​ക​ത്തി​ല്‍ നി​ന്നും ക​ണ്ടെ​ടു​ത്ത മൃ​ത​ദേ​ഹം മി​നി​സോ​ട്ട​യി​ല്‍ നി​ന്നു​ള്ള ആ​ന്‍ റോ​സി​ന്‍റേ​താ​ണെ​ന്നു യൂ​ണി​വേ​ഴ്‌​സി​റ്റി പ്ര​സി​ഡ​ന്‍റ് റ​വ. ജോ​ണ്‍ സ്ഥി​രീ​ക​രി​ച്ചു. ചൊ​വ്വാ​ഴ്ച വൈ​കി​ട്ട് കാ​മ്പ​സി​നു സ​മീ​പ​മു​ള്ള കോ​ള്‍​മാ​ന്‍ മോ​ര്‍​സി​ലാ​ണ് ഇ​വ​രെ അ​വ​സാ​ന​മാ​യി കാ​ണു​ന്ന​ത്. ഇ​തേ​ത്തു​ട​ര്‍​ന്ന് വ്യാ​പ​ക​മാ​യ തെ​ര​ച്ചി​ല്‍ ന​ട​ത്തി​യി​രു​ന്നു.

ആ​ന്‍ റോ​സി​നെ ക​ണ്ടെ​ത്തു​ന്ന​തി​ന് സം​സ്ഥാ​ന വ്യാ​പ​ക​മാ​യി റെ​ഡ് അ​ലെ​ര്‍​ട്ടും പ്ര​ഖ്യാ​പി​ച്ചി​രു​ന്നു. 2016ല്‍ ​മി​ന​സോ​ട്ട​യി​ലെ ബ്ലെ​യി​ന്‍ ഹൈ​സ്‌​ക്കൂ​ളി​ൽ നി​ന്നാ​ണു ആ​ന്‍ റോ​സ് ഹൈ​സ്ക്കൂ​ൾ വി​ദ്യാ​ഭ്യാ​സം പൂ​ര്‍​ത്തീ​ക​രി​ച്ച​ത്. ആ​ൻ റോ​സി​ന്‍റെ മാ​താ​പി​താ​ക്ക​ള്‍ എ​റ​ണാം​കു​ള​ത്തു നി​ന്നു​ള്ള​വ​രാ​ണ്

സെ​ന്‍റ് ജോ​സ​ഫ് കൗ​ണ്ടി കോ​റോ​ണ​ല്‍ മൈ​ക്കി​ള്‍, മ​ര​ണ​കാ​ര​ണം ഇ​തു​വ​രെ വെ​ളി​പ്പെ​ടു​ത്തി​യി​ട്ടി​ല്ല. ആ​ൻ റോ​സി​ന്‍റെ മ​ര​ണ​ത്തി​നു പി​ന്നി​ൽ എ​ന്തെ​ങ്കി​ലും ദു​രൂ​ഹ​ത ഉ​ള്ള​താ​യി ഇ​തു​വ​രെ അ​റി​വാ​യി​ട്ടി​ല്ല .പോ​ലീ​സ് അ​ന്വേ​ഷ​ണം ആ​രം​ഭി​ച്ചി​ട്ടു​ണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.