പൗ​ര​ത്വ നി​യ​മ​ത്തി​നെ​തി​രെ സ​മ​രം ചെ​യ്യു​ന്ന​വ​ർ മ​രി​ച്ചു വീ​ഴാ​ത്ത​തെ​ന്താ​ണ്? വി​വാ​ദ പ​രാ​മ​ര്‍​ശ​വു​മാ​യി ബി​ജെ​പി നേ​താ​വ്
Wednesday, January 29, 2020 6:25 AM IST
കൊ​ല്‍​ക്ക​ത്ത: പൗ​ര​ത്വ നി​യ​മ​ഭേ​ഗ​ഗ​തി​ക്കെ​തി​രാ​യി ന​ട​ക്കു​ന്ന സ​മ​ര​ങ്ങ​ൾ​ക്കെ​തി​രെ വി​വാ​ദ പ​രാ​മ​ർ​ശ​വു​മാ​യി ബി​ജെ​പി നേ​താ​ല​വ് ദി​ലീ​പ് ഘോ​ഷ് വീ​ണ്ടും രം​ഗ​ത്ത്. പൗ​ര​ത്വ നി​യ​മ ഭേ​ദ​ഗ​തി​ക്കെ​തി​രാ​യി ഷ​ഹീ​ന്‍​ബാ​ഗി​ല്‍ ന​ട​ക്കു​ന്ന പ്ര​തി​ഷേ​ധ സ​മ​ര​ത്തി​നി​ട​യി​ല്‍ ആ​രും മ​ര​ണ​പ്പെ​ടാ​ത്ത​ത് എ​ന്താ​ണെ​ന്ന് ദി​ലീ​പ് ചോ​ദി​ച്ചു.

നോ​ട്ടു​നി​രോ​ധ​ന കാ​ല​ത്ത് ര​ണ്ടു​മു​ത​ല്‍ മൂ​ന്നു​മ​ണി​ക്കൂ​ര്‍ വ​രെ വ​രി നി​ല്‍​ക്കു​മ്പോ​ഴേ​ക്കും ആ​ളു​ക​ള്‍ മ​രി​ച്ചു വീ​ണി​രു​ന്നു​വെ​ന്നും എ​ന്നാ​ല്‍, ഷ​ഹീ​ന്‍​ബാ​ഗി​ല്‍ ക​ന​ത്ത ത​ണു​പ്പും സ​ഹി​ച്ചാ​ണ് സ്ത്രീ​ക​ളും കു​ട്ടി​ക​ളും സ​മ​രം ന​ട​ത്തു​ന്ന​ത്, എ​ന്നി​ട്ടും ആ​രും മ​ര​ണ​പ്പെ​ടു​ന്നി​ല്ല- ദിലീ​പ് പ​റ​ഞ്ഞു. എ​ന്ത് അ​മൃ​താ​ണ് അ​വ​രു​ടെ കൈ​വ​ശ​മു​ള്ള​തെ​ന്ന​ത് അ​ത്ഭു​ത​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.

സ്ത്രീ​ക​ളും കു​ട്ടി​ക​ളും രാ​ത്രി​യും പ​ക​ലും സ​മ​രം ചെ​യ്യു​ന്ന​തി​നാ​ല്‍ ആ​ളു​ക​ള്‍ ഷ​ഹീ​ന്‍​ബാ​ഗി​നെ ആ​ശ്ച​ര്യ​ത്തോ​ടെ​യാ​ണ് നോ​ക്കി​ക്കാ​ണു​ന്ന​തെ​ന്നും അ​വ​ര്‍​ക്ക് ദി​വ​സ​വും 500 രൂ​പ കൂ​ലി ല​ഭി​ക്കു​ന്നു​ണ്ടെ​ന്നാ​ണ് അ​റി​യാ​ൻ ക​ഴി​ഞ്ഞ​തെ​ന്നും ദി​ലീ​പ് ആ​രോ​പി​ച്ചു. നേ​ര​ത്തെ, പൊ​തു​മു​ത​ല്‍ ന​ശി​പ്പി​ക്കു​ന്ന​വ​രെ വെ​ടി​വെ​ച്ചു​കൊ​ല്ല​ണ​മെ​ന്ന ദി​ലീ​പി​ന്‍റെ വാ​ക്കു​ക​ളും വി​വാ​ദ​മാ​യി​രു​ന്നു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.