പൗ​ര​ത്വ നി​യ​മ​ത്തി​ൽ മാ​റ്റ​മി​ല്ല, എ​ല്ലാം രാ​ജ്യ​താ​ത്പ​ര്യ​ത്തി​നു വേ​ണ്ടി: പ്ര​ധാ​ന​മ​ന്ത്രി
Monday, February 17, 2020 5:34 AM IST
വാ​രാ​ണ​സി: പൗ​ര​ത്വ നി​യ​മം ന​ട​പ്പാ​ക്കു​മെ​ന്ന നി​ല​പാ​ടി​ൽ ഉ​റ​ച്ചു​നി​ൽ​ക്കു​ന്നു​വെ​ന്നു പ്ര​ധാ​ന​മ​ന്ത്രി ന​രേ​ന്ദ്ര മോ​ദി. പൗ​ര​ത്വ നി​യ​മ​ഭേ​ദ​ഗ​തി​യും ആ​ർ​ട്ടി​ക്കി​ൾ 370 റ​ദ്ദാ​ക്കി​യ​തു​മെ​ല്ലാം രാ​ജ്യ​താ​ത്പ​ര്യ​ത്തി​നു വേ​ണ്ടി​യാ​ണെ​ന്നും ത​ന്‍റെ മ​ണ്ഡ​ല​മാ​യ വാ​രാ​ണ​സി​യി​ൽ പൊ​തു​പ​രി​പാ​ടി​യി​ൽ പ്ര​സം​ഗി​ക്ക​വെ മോ​ദി അ​വ​കാ​ശ​പ്പെ​ട്ടു.

കാ​ഷ്മീ​രി​ൽ ആ​ർ​ട്ടി​ക്കി​ൾ 370 നീ​ക്കം ചെ​യ്ത​താ​യാ​ലും പൗ​ര​ത്വ ഭേ​ദ​ഗ​തി നി​യ​മം കൊ​ണ്ടു​വ​ന്ന​താ​യാ​ലും അ​തെ​ല്ലാം രാ​ജ്യ​താ​ത്പ​ര്യ​ത്തി​നു വേ​ണ്ടി​യാ​ണ്. എ​ത്ര​ത​ന്നെ സ​മ്മ​ർ​ദ​മു​ണ്ടാ​യാ​ലും സ​ർ​ക്കാ​ർ മു​ൻ നി​ല​പാ​ടു​ക​ളി​ൽ ഉ​റ​ച്ചു​നി​ന്നി​രു​ന്നു. അ​തി​നി​യും അ​ങ്ങ​നെ ത​ന്നെ തു​ട​രും- മോ​ദി പ​റ​ഞ്ഞു. പൗ​ര​ത്വ നി​യ​മ​ഭേ​ദ​ഗ​തി​ക്കു വേ​ണ്ടി രാ​ജ്യം ഏ​റെ​നാ​ളാ​യി കാ​ത്തി​രു​ന്ന​താ​ണെ​ന്നും മോ​ദി അ​വ​കാ​ശ​പ്പെ​ട്ടു.

നേ​ര​ത്തെ​യും പൗ​ര​ത്വ നി​യ​മ ഭേ​ദ​ഗ​തി​ക്കെ​തി​രാ​യ പ്ര​തി​ഷേ​ധ​ങ്ങ​ളെ ത​ള്ളി പ്ര​ധാ​ന​മ​ന്ത്രി രം​ഗ​ത്തെ​ത്തി​യി​രു​ന്നു. പ്ര​തി​ഷേ​ധ​ങ്ങ​ൾ​ക്കു പി​ന്നി​ൽ ഗൂ​ഢാ​ലോ​ച​ന​യു​ണ്ടെ​ന്നും പ്ര​തി​പ​ക്ഷം രാ​ഷ്ട്രീ​യം ക​ളി​ക്കു​ക​യാ​ണെ​ന്നു​മാ​യി​രു​ന്നു മോ​ദി​യു​ടെ വി​മ​ർ​ശ​നം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.