മു​ന്നി​ല്‍ സ​ര്‍​ക്കാ​രു​ണ്ട്, പ​ത​റാ​തെ ഒ​ന്നി​ച്ചു നി​ൽ​ക്കാം; മ​ത-​സാ​മു​ദാ​യി​ക നേ​താ​ക്ക​ളു​ടെ സം​യു​ക്ത അ​ഭ്യ​ര്‍​ഥ​ന
Saturday, March 28, 2020 3:03 PM IST
തി​രു​വ​ന​ന്ത​പു​രം: കോ​വി​ഡ് വ്യാ​പ​ന​ത്തി​നെ ചെ​റു​ക്കാ​ന്‍ ഒ​റ്റ​ക്കെ​ട്ടാ​യി പ്ര​വ​ര്‍​ത്തി​ക്കേ​ണ്ട​തി​ന്‍റെ പ്രാ​ധാ​ന്യം വി​വ​രി​ച്ച് സം​സ്ഥാ​ന​ത്തെ മ​ത-​സാ​മു​ദാ​യി​ക നേ​താ​ക്ക​ള്‍ സം​യു​ക്ത​മാ​യി അ​ഭ്യ​ര്‍​ഥ​ന ന​ട​ത്തി.

ഒ​രു​വ​ശ​ത്ത് രോ​ഗ​ഭീ​ഷ​ണി​യി​ല്‍​നി​ന്ന് സ്വ​യം മു​ക്ത​മാ​കു​ക. മ​റു​വ​ശ​ത്ത് മ​റ്റു​ള്ള​വ​രു​ടെ സു​ര​ക്ഷ​യ്ക്ക് ക​രു​ത​ല്‍ ന​ല്‍​കു​ക. ഇ​തു ര​ണ്ടും അ​നു​വ​ര്‍​ത്തി​ച്ചു​കൊ​ണ്ടാ​ണ് നാം ​മു​ന്നോ​ട്ടു​പോ​കു​ന്ന​ത്. ആ ​മു​ന്നേ​റ്റ​ത്തി​ല്‍ ന​മു​ക്കു മു​ന്നി​ല്‍ ന​മ്മു​ടെ സ​ര്‍​ക്കാ​രു​ണ്ട്- അ​ഭ്യ​ർ​ഥ​ന​യി​ൽ പ​റ​യു​ന്നു.

ജ​ന​ങ്ങ​ൾ ഒ​ന്നി​ച്ച് നി​ൽ​ക്ക​ണ​മെ​ന്നും പ​ത​റാ​തെ ഈ ​വി​പ​ത്തി​നെ അ​തി​ജീ​വി​ക്കാ​ന്‍ മു​ന്നേ​റ​ണ​മെ​ന്നും സ​മു​ദാ​യ നേ​താ​ക്ക​ൾ അ​ഭ്യ​ർ​ഥി​ക്കു​ന്നു​ണ്ട്.

അ​ഭ്യ​ർ​ഥ​ന​യു​ടെ പൂ​ർ​ണ രൂ​പം

പ്രി​യ​പ്പെ​ട്ട​വ​രെ,

ലോ​കം അ​തി​ന്‍റെ ച​രി​ത്ര​ത്തി​ലെ ഭീ​തി​ദ​മാ​യ വെ​ല്ലു​വി​ളി നേ​രി​ടു​ക​യാ​ണ്. കൊ​റോ​ണ വൈ​റ​സ് 196 രാ​ജ്യ​ങ്ങ​ളെ ഗ്ര​സി​ച്ചു​ക​ഴി​ഞ്ഞു. ലോ​കാ​രോ​ഗ്യ സം​ഘ​ട​ന മ​ഹാ​വ്യാ​ധി​യാ​യി പ്ര​ഖ്യാ​പി​ച്ച കോ​വി​ഡ് 19 രോ​ഗം ന​മ്മു​ടെ നാ​ടി​നെ​യും ഗു​രു​ത​ര​മാ​യി ബാ​ധി​ച്ചി​രി​ക്കു​ന്നു. അ​തി​സ​മ്പ​ന്ന​വും വി​ക​സി​ത​വു​മാ​യ രാ​ഷ്ട്ര​ങ്ങ​ള്‍ പോ​ലും നി​സ്സ​ഹാ​യ​രാ​യി അ​മ്പ​ര​ന്നു നി​ല്‍​ക്കു​ക​യാ​ണ്. സ​മ്പ​ന്ന​നെ​ന്നോ ദ​രി​ദ്ര​നെ​ന്നോ പ്ര​ത്യേ​ക മ​ത വി​ഭാ​ഗ​ത്തി​ല്‍​പ്പെ​ട്ട​വ​നെ​ന്നോ അ​ല്ലാ​ത്ത​വ​നെ​ന്നോ ഭേ​ദ​മി​ല്ലാ​തെ പ​ട​ര്‍​ന്നു​പി​ടി​ക്കു​ന്ന ഈ ​വൈ​റ​സി​നെ​തി​രാ​യ പോ​രാ​ട്ടം മ​നു​ഷ്യ​രാ​ശി​യു​ടെ നി​ല​നി​ല്‍​പ്പി​നു ത​ന്നെ​യു​ള്ള സ​മ​ര​മാ​യി മാ​റി​ക്ക​ഴി​ഞ്ഞി​രി​ക്കു​ന്നു.

രാ​ജ്യ​ത്ത് കോ​വി​ഡ് 19 വൈ​റ​സി​ന്‍റെ സാ​ന്നി​ധ്യം ക​ണ്ടെ​ത്തി​യ ആ​ദ്യ സം​സ്ഥാ​ന​മാ​ണ് കേ​ര​ളം.​വി​ദേ​ശ​ത്തു​നി​ന്ന് രോ​ഗ​ബാ​ധ​യു​മാ​യി എ​ത്തി​യ മൂ​ന്ന് വി​ദ്യാ​ര്‍​ത്ഥി​ക​ളെ ക​ണ്ടെ​ത്തി ചി​കി​ത്സി​ച്ച് ഭേ​ദ​മാ​ക്കു​ന്ന​തി​ന് കേ​ര​ള​ത്തി​ലെ ആ​രോ​ഗ്യ​സം​വി​ധാ​ന​ത്തി​ന് സാ​ധി​ച്ചു. തു​ട​ര്‍​ന്ന് യൂ​റോ​പ്പി​ല്‍ നി​ന്നെ​ത്തി​യ കു​ടും​ബ​ത്തി​ന് കോ​വി​ഡ് ബാ​ധ സ്ഥി​രീ​ക​രി​ച്ച​തോ​ടെ സം​സ്ഥാ​ന​ത്ത് വീ​ണ്ടും രോ​ഗ​വ്യാ​പ​ന ഭീ​ഷ​ണി ഉ​യ​ര്‍​ന്നു. പി​ന്നീ​ട് പ​ല വി​ദേ​ശ രാ​ജ്യ​ങ്ങ​ളി​ല്‍​നി​ന്നും നാ​ട്ടി​ലെ​ത്തു​ന്ന​വ​രി​ല്‍ രോ​ഗം ക​ണ്ടെ​ത്തി.

സ​ര്‍​ക്കാ​രി​ന്‍റെ ജാ​ഗ്ര​ത​യും ഫ​ല​പ്ര​ദ​മാ​യ ഇ​ട​പെ​ട​ലും​മൂ​ലം രോ​ഗ​സാ​ധ്യ​ത​യു​ള്ള​വ​രെ നി​രീ​ക്ഷ​ണ​ത്തി​ലാ​ക്കാ​നും വൈ​റ​സ് ബാ​ധി​ച്ച​വ​ര്‍​ക്ക് മെ​ച്ച​പ്പെ​ട്ട ചി​കി​ത്സ ല​ഭ്യ​മാ​ക്കാ​നും കൂ​ടു​ത​ല്‍ സ്ഥ​ല​ങ്ങ​ളി​ലേ​ക്ക് രോ​ഗം പ​ട​ര്‍​ന്നു​പി​ടി​ക്കാ​നു​ള്ള സാ​ഹ​ച​ര്യം ത​ട​ഞ്ഞു​നി​ര്‍​ത്താ​നും ക​ഴി​യു​ന്നു​ണ്ട്. ഇ​ത് കേ​ര​ള​ത്തി​ന്‍റെ വ​ലി​യ വി​ജ​യ​മാ​ണ്. ന​മ്മു​ടെ ഈ ​മാ​തൃ​ക ലോ​ക​മാ​കെ ശ്ര​ദ്ധി​ക്കു​ന്നു​ണ്ട്; പ്ര​കീ​ര്‍​ത്തി​ക്കു​ന്നു​ണ്ട്.

പ​ല പ്ര​തി​സ​ന്ധി​ക​ളെ​യും മ​റി​ക​ട​ന്ന​വ​രാ​ണ് കേ​ര​ളീ​യ​ര്‍. കൂ​ടു​ത​ല്‍ ആ​ക്ര​മ​ണ​കാ​രി​യാ​യ കൊ​റോ​ണ വൈ​റ​സി​നെ​യും ഒ​ന്നി​ച്ചു​നി​ന്ന് നേ​രി​ടാ​ന്‍ ക​ഴി​യു​മെ​ന്ന് ന​മു​ക്ക് ഉ​റ​പ്പു​ണ്ട്. അ​തി​നു വേ​ണ്ട​ത് ജാ​തി​മ​താ​ദി വേ​ര്‍​തി​രി​വു​ക​ളി​ല്ലാ​തെ​യും ഒ​രു അ​തി​ര്‍​വ​ര​മ്പി​നെ​യും കൂ​സാ​തെ​യു​മു​ള്ള ഐ​ക്യ​മാ​ണ്. അ​ത് ന​മു​ക്ക് വേ​ണ്ട​ത്ര അ​ള​വി​ലു​ണ്ട്.

വൈ​റ​സ് ബാ​ധ ചെ​റു​ക്കാ​ന്‍ നാം ​ന​മ്മു​ടെ ആ​രാ​ധ​നാ ക്ര​മ​ങ്ങ​ളി​ല്‍ നി​യ​ന്ത്ര​ണം വ​രു​ത്തി. മ​റ്റെ​ന്തി​നേ​ക്കാ​ളും വി​ല​പ്പെ​ട്ട​താ​ണ് ജീ​വ​നും ജീ​വി​ത​വും. ഈ ​ബോ​ധ്യ​ത്തോ സ​ഹ​ജീ​വി​സ്നേ​ഹം എ​ന്ന അ​ത്യു​ദാ​ത്ത​മാ​യ മാ​ന​വി​ക വി​കാ​രം ഉ​യ​ര്‍​ത്തി​പ്പി​ടി​ച്ചു​കൊ​ണ്ട് നാം ​ഈ മ​ഹാ​വ്യാ​ധി​യെ നേ​രി​ടു​ക​യാ​ണ്.

ഒ​രു​വ​ശ​ത്ത് രോ​ഗ​ഭീ​ഷ​ണി​യി​ല്‍​നി​ന്ന് സ്വ​യം മു​ക്ത​മാ​കു​ക. മ​റു​വ​ശ​ത്ത് മ​റ്റു​ള്ള​വ​രു​ടെ സു​ര​ക്ഷ​യ്ക്ക് ക​രു​ത​ല്‍ ന​ല്‍​കു​ക. ഇ​തു ര​ണ്ടും അ​നു​വ​ര്‍​ത്തി​ച്ചു​കൊ​ണ്ടാ​ണ് നാം ​മു​ന്നോ​ട്ടു​പോ​കു​ന്ന​ത്. ആ ​മു​ന്നേ​റ്റ​ത്തി​ല്‍ ന​മു​ക്കു മു​ന്നി​ല്‍ ന​മ്മു​ടെ സ​ര്‍​ക്കാ​രു​ണ്ട്. ന​മ്മു​ടെ​യു​ള്ളി​ല്‍ ആ​ശ​ങ്ക​യ​ല്ല; ജാ​ഗ്ര​ത​യാ​ണു​ള്ള​ത്. ന​മു​ക്ക് നൈ​രാ​ശ്യ​മ​ല്ല; പ്ര​തീ​ക്ഷ​യാ​ണു​ള്ള​ത്. ഈ ​ജാ​ഗ്ര​ത​യു​ടെ​യും പ്ര​തീ​ക്ഷ​യു​ടെ​യും കി​ര​ണ​ങ്ങ​ള്‍ ഇ​ന്നാ​ട്ടി​ലെ ഓ​രോ മ​നു​ഷ്യ​നെ​യും മു​ന്നോ​ട്ടു​ന​യി​ക്കേ​ണ്ട​തു​ണ്ട്.

വ്യ​ത്യ​സ്ത മ​ത, സാ​മു​ദാ​യി​ക വി​ഭാ​ഗ​ങ്ങ​ളു​ടെ നേ​തൃ​ത്വം വ​ഹി​ക്കു​ന്ന​വ​ര്‍ എ​ന്ന നി​ല​യി​ല്‍ ഞ​ങ്ങ​ള്‍, പ്രി​യ​പ്പെ​ട്ട​വ​രെ നി​ങ്ങ​ളോ​രോ​രു​ത്ത​രോ​ടും അ​ഭ്യ​ര്‍​ത്ഥി​ക്കു​ന്നു: ഒ​ന്നി​ച്ചു​നി​ല്‍​ക്കു​ക; പ​ത​റാ​തെ ഈ ​വി​പ​ത്തി​നെ അ​തി​ജീ​വി​ക്കാ​ന്‍ മു​ന്നേ​റു​ക.

യാ​ത്രാ നി​യ​ന്ത്ര​ണ​ങ്ങ​ളാ​ലും മ​റ്റും കേ​ര​ള​ത്തി​ലേ​ക്ക് വ​രാ​നാ​കാ​തെ ലോ​ക​ത്തി​ന്‍റെ പ​ല ഭാ​ഗ​ങ്ങ​ളി​ലാ​യി ക​ഴി​യു​ന്ന ന​മ്മു​ടെ സ​ഹോ​ദ​ര​ങ്ങ​ളു​ണ്ട്. അ​വ​രും ഈ ​പോ​രാ​ട്ട​ത്തി​ല്‍ ന​മ്മോ​ടൊ​പ്പ​മു​ണ്ട്. അ​വ​രെ​ക്കു​റി​ച്ചും അ​വ​രു​ടെ നാ​ട്ടി​ലു​ള്ള കു​ടും​ബ​ങ്ങ​ളെ​ക്കു​റി​ച്ചും നാം ​ക​രു​ത​ലു​ള്ള​വ​രാ​യി​രി​ക്ക​ണം.

രാ​ജ്യ​മാ​കെ ലോ​ക്ക്ഡൗ​ണ്‍ പ്ര​ഖ്യാ​പി​ച്ചി​രി​ക്കു​ന്നു. ദൈ​നം​ദി​ന ജീ​വി​തം ക​ടു​ത്ത നി​യ​ന്ത്ര​ണ​ത്തി​ലാ​ണ്. അ​ത്ത​രം നി​യ​ന്ത്ര​ണ​ങ്ങ​ളോ​ട് എ​ല്ലാ​വ​രും സ​ഹ​ക​രി​ക്ക​ണം. വീ​ടു​ക​ളി​ല്‍ ക​ഴി​യു​ന്ന സ​മ​യം ക്രി​യാ​ത്മ​ക​മാ​യി ഉ​പ​യോ​ഗി​ക്ക​ണം. ആ​രോ​ഗ്യ​പ്ര​വ​ര്‍​ത്ത​ക​ര്‍​ക്കും നി​രീ​ക്ഷ​ണ​ത്തി​ല്‍ ക​ഴി​യു​ന്ന​വ​ര്‍​ക്കും സ​ഹാ​യ​ക​മാ​യ ഇ​ട​പെ​ട​ലു​ക​ള്‍ ന​ട​ത്ത​ണം. ന​മ്മു​ടെ സ്ഥാ​പ​ന​ങ്ങ​ള്‍ അ​ത്ത​രം പൊ​തു കാ​ര്യ​ങ്ങ​ള്‍​ക്കാ​യി ഉ​പ​യു​ക്ത​മാ​ക്ക​ണം. സാ​മൂ​ഹി​ക​മാ​യ ഒ​രു​മ​യും ശാ​രീ​രി​ക​മാ​യ അ​ക​ല​വും പാ​ലി​ച്ച് ഈ ​നാ​ടി​ന്‍റെ ര​ക്ഷാ​ദൗ​ത്യം ഏ​റ്റെ​ടു​ക്കാ​ന്‍ ന​മ്മ​ള്‍ ഓ​രോ​രു​ത്ത​രും ത​യ്യാ​റാ​കേ​ണ്ട അ​നി​വാ​ര്യ​ഘ​ട്ട​മാ​ണ് ഇ​ത് എ​ന്ന് എ​ല്ലാ​വ​രെ​യും ഒ​രി​ക്ക​ല്‍​ക്കൂ​ടി ഓ​ര്‍​മി​പ്പി​ക്കു​ന്നു.

പ​ല രാ​ജ്യ​ങ്ങ​ളി​ലെ​യും അ​നു​ഭ​വം കാ​ണി​ക്കു​ന്ന​ത് ആ​രോ​ഗ്യ​പ്ര​ശ്ന​ങ്ങ​ളു​ള്ള വ​യോ
ജ​ന​ങ്ങ​ളാ​ണ് ഈ ​രോ​ഗ​ത്തി​ന് വേ​ഗ​ത്തി​ല്‍ വി​ധേ​യ​രാ​കു​ന്ന​ത് എ​ന്നാ​ണ്. കേ​ര​ള​ത്തി​ലാ​ക​ട്ടെ ഈ ​വി​ഭാ​ഗ​ത്തി​ല്‍​പ്പെ​ട്ട​വ​ര്‍ ധാ​രാ​ള​മു​ണ്ട്. അ​വ​രെ രോ​ഗ​ത്തി​ല്‍​നി​ന്ന് സം​ര​ക്ഷി​ച്ചു​നി​ര്‍​ത്തു​ക. അ​വ​രെ ന​ന്നാ​യി പ​രി​പാ​ലി​ക്കു​ക. ഇ​തു ര​ണ്ടും ന​മ്മു​ടെ ക​ട​മ​യാ​ണ്. രോ​ഗ​സാ​ഹ​ച​ര്യ​ത്തെ നേ​രി​ടു​മ്പോ​ള്‍ ഇ​തു​കൂ​ടി നി​ങ്ങ​ളു​ടെ മ​ന​സ്സി​ല്‍ ഉ​ണ്ടാ​വ​ണ​മെ​ന്ന് ഓ​ര്‍​മി​പ്പി​ക്ക​ട്ടെ.

ക​ര്‍​ദ്ദി​നാ​ള്‍ മാ​ര്‍ ജോ​ര്‍​ജ്ജ് ആ​ല​ഞ്ചേ​രി, മേ​ജ​ര്‍ ആ​ര്‍​ച്ച് ബി​ഷ​പ്പ്, സീ​റോ മ​ല​ബാ​ര്‍ സ​ഭ

ക​ര്‍​ദ്ദി​നാ​ള്‍ ബ​സേ​ലി​യോ​സ് മാ​ർ ക്ലീ​മി​സ് കാ​തോ​ലി​ക്ക ബാ​വ, മേ​ജ​ര്‍ ആ​ര്‍​ച്ച് ബി​ഷ​പ്പ്,
സീ​റോ മ​ല​ങ്ക​ര സ​ഭ

ഡോ. ​സൂ​സെ​പാ​ക്യം, മെ​ട്രോ​പൊ​ളി​റ്റ​ന്‍ ആ​ര്‍​ച്ച് ബി​ഷ​പ്പ്, ലാ​റ്റി​ന്‍

ബി​ഷ​പ്പ് ഡോ. ​ജോ​സ​ഫ് ക​രി​യി​ല്‍, ബി​ഷ​പ്പ് ഹൗ​സ്, ഫോ​ര്‍​ട്ട്കൊ​ച്ചി

ബ​സേ​ലി​യോ​സ് തോ​മ​സ് പ്ര​ഥ​മ​ൻ ബാ​വ, യാക്കോബായ സഭ ശ്രേഷ്ഠ കാതോലിക്ക

ബ​സേ​ലി​യോ​സ് മാ​ര്‍​ത്തോ​മ പൗ​ലോ​സ് കാ​തോ​ലി​ക്ക ബാ​വ, മ​ല​ങ്ക​ര ഓ​ര്‍​ത്ത​ഡോ​ക്സ് സി​റി​യ​ന്‍ ച​ര്‍​ച്ച്

ഡോ. ​ജോ​സ​ഫ് മാ​ര്‍​ത്തോ​മ, മാർത്തോമ്മ സഭ വലിയ മെത്രാപോലീത്ത

എ. ​ധ​ര്‍​മ്മ​രാ​ജ് റ​സാ​ലം ബി​ഷ​പ്പ്, സി​എ​സ്ഐ

ജി. ​സു​കു​മാ​ര​ന്‍ നാ​യ​ര്‍, ജ​ന​റ​ല്‍ സെ​ക്ര​ട്ട​റി, എ​ന്‍​എ​സ്എ​സ്.

വെ​ള്ളാ​പ്പ​ള്ളി ന​ടേ​ശ​ന്‍, ജ​ന​റ​ല്‍ സെ​ക്ര​ട്ട​റി, എ​സ്എ​ന്‍ ട്ര​സ്റ്റ്

കാ​ന്ത​പു​രം എ.​പി.​അ​ബൂ​ബ​ക്ക​ര്‍ മു​സ​ലി​യാ​ര്‍ പ്ര​സി​ഡ​ന്‍റ്, കേ​ര​ള മു​സ്ലീം ജ​മാ​ത്ത് സ​മ​സ്ത (എ​പി​സു​ന്നി)

പു​ന്ന​ല ശ്രീ​കു​മാ​ര്‍, ജ​ന​റ​ല്‍ സെ​ക്ര​ട്ട​റി, കേ​ര​ള പു​ല​യ​ര്‍ മ​ഹാ​സ​ഭ

സ​യ്ദ് മു​ത്തു​ക്കോ​യ ജി​ഫ്രി ത​ങ്ങ​ൾ, പ്ര​സി​ഡ​ന്‍റ്, കേ​ര​ള ജ​മാ​യ​ത്ത് ഉ​ല്‍-​ഉ​ല​മ സ​മ​സ്ത

ഹു​സൈ​ന്‍ മ​ട​വൂ​ർ, ജ​ന​റ​ല്‍ സെ​ക്ര​ട്ട​റി, കേ​ര​ള ന​ടു​വ​ത്തു​ല്‍ മു​ജാ​ഹി​ദ്

ക​ട​ക്ക​ല്‍ അ​ബ്ദു​ള്‍ അ​സീ​സ് മൗ​ല​വി, പ്ര​സി​ഡ​ന്‍റ്, കേ​ര​ള മു​സ്‌​ലീം ജ​മാ​അ​ത്ത് ഫെ​ഡ​റേ​ഷ​ന്‍

ഡോ. ​റ്റി. വ​ത്സ​ന്‍ എ​ബ്ര​ഹാം, പെ​ന്ത​ക്കോ​സ്ത്
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.