2,000 രൂപ, നാട്ടിലേക്ക് സ്പെഷൽ ട്രെയിൻ; അന്യസംസ്ഥാനക്കാർക്ക് വ്യാജ സന്ദേശങ്ങൾ നിരവധി
Monday, March 30, 2020 5:28 PM IST
ക​ണ്ണൂ​ർ: സംസ്ഥാനത്തെ അ​തി​ഥി തൊ​ഴി​ലാ​ളി​ക​ളു​ടെ ഫോ​ണി​ലേ​ക്ക് വ​രു​ന്ന വ്യാ​ജ സ​ന്ദേ​ശ​ങ്ങ​ളെ​ക്കു​റി​ച്ച് സൈ​ബ​ർ സെ​ൽ അന്വേഷണം തുടങ്ങി. കേ​ര​ള​ത്തി​ൽ മാ​ത്ര​മാ​ണ് ലോ​ക്ക്ഡൗ​ൺ എ​ന്നും നി​ങ്ങ​ളു​ടെ സം​സ്ഥാ​ന​ങ്ങ​ളി​ൽ പ്ര​ശ്ന​ങ്ങ​ളി​ല്ലെ​ന്നും അ​തി​നാ​ൽ ഇ​വി​ടെ നി​ന്നും നാ​ട്ടി​ലേ​ക്ക് പോ​ക​ണ​മെ​ന്നും പ​റ​ഞ്ഞ് പ​ല വ്യാ​ജ​സ​ന്ദേ​ശ​ങ്ങ​ളും ഇ​വ​രു​ടെ ഫോ​ണി​ലേ​ക്ക് വ​രു​ന്നു​ണ്ട്.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി നി​ങ്ങ​ളെ ഇ​വി​ടെ നി​ന്നും കൊ​ണ്ടു​പോ​കാ​ൻ പ്ര​ത്യേ​ക ട്രെ​യി​ൻ ഏ​ർ​പ്പെ​ടു​ത്തു​മെ​ന്നും വ്യാ​ജ​സ​ന്ദേ​ശം വ​രു​ന്നു​ണ്ട്. ക​ണ്ണൂ​ർ ന​ഗ​ര​ത്തി​ൽ വ​ന്നാ​ൽ 2,000 രൂ​പ സഹായധനമായി ലഭിക്കുമെന്നും ചി​ല​രു​ടെ ഫോ​ണി​ൽ സന്ദേശം ല​ഭി​ച്ചി​ട്ടു​ണ്ട്.

ക​ണ്ണൂ​ർ ച​ക്ക​ര​ക്ക​ൽ പോ​ലീ​സ് സ്റ്റേ​ഷ​നി​ൽ വ്യാ​ജ സ​ന്ദേ​ശ​ത്തി​ന്‍റെ പേ​രി​ൽ കേ​സ് ര​ജി​സ്റ്റ​ർ ചെ​യ്ത് അ​ന്വേ​ഷ​ണം തുടരുകയാണ്.

അതേസമയം കേ​ന്ദ്ര-സം​സ്ഥാ​ന സ​ർ​ക്കാ​രു​ക​ളു​ടെ ലോ​ക്ക്ഡൗ​ൺ ലം​ഘി​ച്ച് ച​ങ്ങ​നാ​ശേ​രി പാ​യി​പ്പാ​ട് ക​വ​ല​യി​ൽ നാ​ലാ​യി​ര​ത്തോ​ളം അ​തി​ഥി തൊ​ഴി​ലാ​ളി​ക​ൾ ഒ​ത്തു​കൂ​ടി​യ സം​ഭ​വ​ത്തെ തു​ട​ർ​ന്ന് സം​സ്ഥാ​ന​ത്തെ അ​തി​ഥി തൊ​ഴി​ലാ​ളി​ക​ളു​ടെ വി​വ​ര​ങ്ങ​ൾ ശേ​ഖ​രി​ക്കാ​ൻ ജി​ല്ലാ പോ​ലീ​സ് മേ​ധാ​വി​മാ​ർ​ക്ക് നി​ർ​ദേ​ശം.

കേ​ര​ള​ത്തി​ലേ​ക്ക് കൊ​ണ്ടു​വ​ന്ന അ​തി​ഥി തൊ​ഴി​ലാ​ളി​ക​ളു​ടെ വിവരങ്ങൾ ഏ​ജ​ന്‍റു​മാ​രോ ഇ​വ​ർ പ​ണി​യെ​ടു​ക്കു​ന്ന സ്ഥാ​പ​ന ഉ​ട​മ​ക​ളോ കൈ​മാ​റ​ണം. ഭ​ക്ഷ​ണം അ​ട​ക്ക​മു​ള്ള സാ​ധ​ന​ങ്ങ​ൾ ഇ​വ​ർ​ക്ക് ല​ഭി​ക്കു​ന്നു​ണ്ടോ​യെ​ന്ന് ഇ​വ​ർ താ​മ​സി​ക്കു​ന്ന കെ​ട്ടി​ട ഉ​ട​മ​ക​ൾ ഉ​റ​പ്പു വ​രു​ത്ത​ണം. ഇ​ല്ലെ​ങ്കി​ൽ ത​ദേ​ശ​സ്ഥാ​പ​ന​ങ്ങ​ളെ അ​റി​യി​ക്ക​ണം. ഇ​ക്കാ​ര്യ​ങ്ങ​ൾ പോ​ലീ​സ് ഉ​റ​പ്പു​വ​രു​ത്ത​ണം.

അ​തി​ഥി തൊ​ഴി​ലാ​ളി​ക​ൾ​ക്കി​ട​യി​ൽ പോ​ലീ​സി​ന്‍റെ ബോ​ധ​വ​ത്ക​ര​ണം ശ​ക്ത​മാ​ക്ക​ണ​മെ​ന്നും താ​മ​സ്ഥ​ല​ത്ത് നി​ന്നും അ​തി​ഥി തൊ​ഴി​ലാ​ളി​ക​ളെ ഇ​റ​ക്കിവി​ടു​ന്ന കെ​ട്ടി​ട ഉ​ട​മ​ക​ൾ​ക്കെ​തി​രേ കേ​സെ​ടു​ക്കു​വാ​നും ജി​ല്ലാ പോ​ലീ​സ് മേ​ധാ​വി​മാ​ർ​ക്ക് സം​സ്ഥാ​ന പോ​ലീ​സ് മേ​ധാ​വി നി​ർ​ദേ​ശം ന​ല്കി​യി​ട്ടു​ണ്ട്.

റെ​നീ​ഷ് മാ​ത്യു
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.