ധാ​രാ​വി​യി​ൽ ര​ണ്ടു പേ​ർ​ക്കു കൂ​ടി കൊ​റോ​ണ; മുംബൈ ആശങ്കയിൽ
Saturday, April 4, 2020 8:55 PM IST
മും​ബൈ: ഏ​ഷ്യ​യി​ലെ ഏ​റ്റ​വും വ​ലി​യ ചേ​രി​യാ​യ ധാ​രാ​വി​യി​ൽ ര​ണ്ടു പേ​ർ​ക്കു കൂ​ടി കൊ​റോ​ണ വൈ​റ​സ് (കോ​വി​ഡ്-19) ബാ​ധ സ്ഥി​രീ​ക​രി​ച്ചു. ഇ​തോ​ടെ ഇ​വി​ടെ കൊ​റോ​ണ ബാ​ധി​ത​രു​ടെ എ​ണ്ണം അ​ഞ്ചാ​യി ഉ​യ​ർ​ന്നു. ഇ​വ​രെ​യെ​ല്ലാം ക്വാ​റ​ന്‍റൈ​നി​ൽ പ്ര​വേ​ശി​പ്പി​ച്ചി​രി​ക്കു​ക​യാ​ണ്. ഇ​വ​രു​മാ​യി ബ​ന്ധം പു​ല​ർ​ത്തി​യ​വ​രെ ക​ണ്ടെ​ത്താ​ൻ ശ്ര​മം തു​ട​രു​ക​യാ​ണ്.

ക​ഴി​ഞ്ഞ ദി​വ​സം ധാ​രാ​വി​യി​ൽ മു​പ്പ​ത്തി​യ​ഞ്ചു​കാ​ര​നാ​യ ഡോ​ക്ട​ർ​ക്കു കോ​വി​ഡ് സ്ഥി​രീ​ക​രി​ച്ചി​രു​ന്നു. ഡോ​ക്ട​റു​ടെ കു​ടും​ബാം​ഗ​ങ്ങ​ളെ​യും സ​മ്പ​ർ​ക്കം പു​ല​ർ ത്തി​യ​വ​രെ​യും ക്വാ​റ​ന്‍റൈ​ൻ ചെ​യ്തു. ഡോ​ക്ട​ർ താ​മ​സി​ച്ചി​രു​ന്ന കെ​ട്ടി​ടം ബ്രി​ഹ​ൻ മും​ബൈ മു​നി​സി​പ്പ​ൽ കോ​ർ​പ​റേ​ഷ​ൻ അ​ധി​കൃ​ത​ർ സീ​ൽ ചെ​യ്തു.

മും​ബൈ​യി​ലെ വോ​ഡ്ഖ​ർ​ദ് ആ​ശു​പ​ത്രി​യി​ലെ സ​ർ​ജ​നാ​ണ് ഇ​ന്ന​ലെ രോ​ഗ​ബാ​ധി​ത​നാ​യ ഡോ​ക്ട​ർ. ഇ​ദ്ദേ​ഹം വി​ദേ​ശ​യാ​ത്ര ന​ട​ത്തി​യി​ട്ടി​ല്ല. ധാ​രാ​വി​യി​ലെ മൂ​ന്നാ മ​ത്തെ കോ​വി​ഡ് കേ​സാ​യി​രു​ന്നു ഇ​ത്. വ്യാ​ഴാ​ഴ്ച ധാ​രാ​വി​യി​ൽ ജോ​ലി​ചെ​യ്യു​ന്ന അ​മ്പ​ത്തി​ര​ണ്ടു​കാ​ര​നാ​യ കോ​ർ​പ​റേ​ഷ​ൻ ജീ​വ​ന​ക്കാ​ര​നു കോ​വി​ഡ് സ്ഥി​രീ​ക രി​ച്ചി​രു​ന്നു. ബു​ധ​നാ​ഴ്ച ധാ​രാ​വി സ്വ​ദേ​ശി​യാ​യ അ​മ്പ​ത്തി​യാ​റു​കാ​ര​ൻ കോ​വി​ഡ് ബാ​ധി​ച്ച് മ​രി​ച്ചു. ഇ​യാ​ൾ മ​റ്റി​ട​ങ്ങ​ളി​ലേ​ക്കു യാ​ത്ര ചെ​യ്തി​ട്ടി​ല്ല.

ധാ​രാ​വി​യി​ൽ ആ​ളു​ക​ൾ ലോ​ക്ക്ഡൗ​ണ്‍ നി​യ​ന്ത്ര​ണ​ങ്ങ​ൾ പാ​ലി​ക്കു​ന്നി​ല്ലെ​ന്ന് ആ​ക്ഷേ​പ​മു​ണ്ട്. അ​ഞ്ചു ച​തു​ര​ശ്ര കി​ലോ​മീ​റ്റ​റി​നു​ള്ളി​ൽ പ​ത്തു ല​ക്ഷ​ത്തി​ല​ധി​കം പേ ​രാ​ണു ധാ​രാ​വി​യി​ൽ വ​സി​ക്കു​ന്ന​ത്. വൃ​ത്തി​ഹീ​ന​മാ​യ ഇ​ട​വ​ഴി​ക​ളും ആ​യി​ര​ക്ക​ണ​ക്കി​നു ചെ​റു​വീ​ടു​ക​ളും നി​റ​ഞ്ഞ ചേ​രി​യി​ൽ കോ​വി​ഡ് വ്യാ​പ​ന​ത്തി​ന് സാ​ധ്യ ത​യേ​റെ​യാ​ണ്.

ചേ​രി​യി​ലെ എ​ഴു​പ​തു ശ​ത​മാ​നം പേ​രും പൊ​തു ശു​ചി​മു​റി​ക​ളാ​ണ് ഉ​പ​യോ​ഗി​ക്കു​ന്ന​ത്. ചെ​റു​കി​ട വ്യ​വ​സാ​യ യൂ​ണി​റ്റു​ക​ളും വ​ർ​ക്ക് ഷോ​പ്പു​ക​ളും മ​ണ്‍​പാ​ത്ര നി​ർ​മാ​ണ യൂ​ണി​റ്റു​ക​ളും തു​ണി​ക്ക​ട​ക​ളും ഇ​വി​ടെ പ്ര​വ​ർ​ത്തി​ക്കു​ന്നു​ണ്ട്. ഇ​ടു​ങ്ങി​യ കു​ടി​ലു​ക​ളി​ൽ അ​ഞ്ചോ, ആ​റോ പേ​ർ തി​ങ്ങി​ക്കൂ​ടി ക​ഴി​യു​ന്ന ആ​യി​ര​ക്ക​ണ​ക്കി​നു താ​മ​സ​കേ​ന്ദ്ര​ങ്ങ​ളു​ണ്ടി​വി​ടെ.

ക​ണ​ക്കി​ലു​ള്ള കു​ടി​ലു​ക​ളു​ടെ എ​ണ്ണം ഒ​ന്നേ​കാ​ൽ ല​ക്ഷ​ത്തി​ന​ടു​ത്താ​ണ്. ആ​യി​ര​ക്ക​ണ​ക്കി​നു കു​ടി​ൽ വ്യ​വ​സാ​യ​ങ്ങ​ളു​മു​ണ്ട്. സ​മൂ​ഹ​വ്യാ​പ​നം ഉ​ണ്ടാ​യാ​ൽ ഒ​രു​പ​ക്ഷേ കാ​ര്യ​ങ്ങ​ൾ കൈ​വി​ട്ടു​പോ​കും. ഇ​തി​നി​ടെ മ​ഹാ​രാ​ഷ്‌​ട്ര​യി​ൽ 420 പേ​ർ​ക്കു കോ​വി​ഡ് സ്ഥി​രീ​ക​രി​ച്ചു. 19 മ​ര​ണ​മാ​ണ് റി​പ്പോ​ർ​ട്ട് ചെ​യ്തി​രി​ക്കു​ന്ന​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.