കോഴിക്കോട്: കോഴിക്കോട് ജില്ലയിൽ 33 പേർക്കുകൂടി കോവിഡ് സ്ഥിരീകരിച്ചതായി ജില്ലാ മെഡിക്കൽ ഓഫീസർ അറിയിച്ചു. സന്പർക്കം വഴി 29 പേർക്കു രോഗം ബാധിച്ചു. വിദേശത്തുനിന്ന് എത്തിയ രണ്ടു പേർക്കും ഉറവിടം വ്യക്തമല്ലാത്ത രണ്ടു കേസുകളും റിപ്പോർട്ട് ചെയ്തു.
ഇതോടെ 694 കോഴിക്കോട് സ്വദേശികളാണ് കോവിഡ് പോസിറ്റീവായി ചികിത്സയിലുള്ളത്. ഇതിൽ 180 പേർ കോഴിക്കോട് മെഡിക്കൽ കോളേജിലും 73 പേർ ഫസ്റ്റ് ലൈൻ ട്രീറ്റ്മെന്‍റ് സെന്‍ററായ കോഴിക്കോട്ടെ ലക്ഷദ്വീപ് ഗസ്റ്റ് ഹൗസിലും, 108 പേർ കോഴിക്കോട് എൻഐടി എഫ്എൽടിയിലും ചികിത്സയിലാണ്.
50 പേർ ഫറോക്ക് എഫ്എൽടിസിയിലും 165 പേർ എൻഐടി മെഗാ എഫ്എൽടിയിലും 61 പേർ എഡബ്ലിയുഎച്ച് എഫ്എൽടിയിലും 43 പേർ മണിയൂർ എഫ്എൽടിയിലും 7 പേർ വിവിധ സ്വകാര്യ ആശുപത്രികളിലും രണ്ടു പേർ മലപ്പുറത്തും, 3 പേർ കണ്ണൂരിലും, ഒരാൾ എറണാകുളത്തും ഒരാൾ പാലക്കാടും ചികിത്സയിലാണ്.
ഇതുകൂടാതെ 26 മലപ്പുറം സ്വദേശികളും, രണ്ട് തൃശൂർ സ്വദേശികളും, ഒരു പത്തനംതിട്ട സ്വദേശിയും, ഒരു കൊല്ലം സ്വദേശിയും, മൂന്ന് വയനാട് സ്വദേശികളും രണ്ട് കണ്ണൂർ സ്വദേശിയും മൂന്ന് പാലക്കാട് സ്വദേശികളും കോഴിക്കോട് മെഡിക്കൽ കോളജിലും, രണ്ട് മലപ്പുറം സ്വദേശികൾ, ഒരു കൊല്ലം സ്വദേശി, രണ്ട് വയനാട് സ്വദേശികൾ, ഒരു ആലപ്പുഴ സ്വദേശി, രണ്ട് കണ്ണൂർ സ്വദേശികൾ എന്നിവർ കോഴിക്കോട് എഫ്എൽടിസിയിലും, ഒരു മലപ്പുറം സ്വദേശി ഫറോക്ക് എഫ്എൽടിസിയിലും, ഒരു കണ്ണൂർ സ്വദേശി, മൂന്ന് മലപ്പുറം സ്വദേശികളും സ്വകാര്യ ആശുപത്രിയിലും ചികിത്സയിലാണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.