പി​ഞ്ചു​കു​ഞ്ഞി​നെ പി​താ​വ് ആ​റ്റി​ലെ​റി​ഞ്ഞു കൊ​ന്നു; സം​ഭ​വം നൂ​ലു​കെ​ട്ട് ദി​ന​ത്തി​ൽ
Saturday, September 26, 2020 1:53 PM IST
തി​രു​വ​ന​ന്ത​പു​രം: 40 ദി​വ​സം പ്രാ​യ​മാ​യ പെ​ൺ​കു​ഞ്ഞി​നെ അ​ച്ഛ​ൻ പു​ഴ​യി​ൽ എ​റി​ഞ്ഞ് കൊ​ന്നു. വ്യാ​ഴാ​ഴ്ച രാ​ത്രി​യാ​ണ് സം​ഭ​വം. സം​ഭ​വ​ത്തി​ൽ തി​രു​വ​ല്ലം സ്വ​ദേ​ശി ഉ​ണ്ണി​കൃ​ഷ്ണ​നെ(24) പോ​ലീ​സ് ക​സ്റ്റ​ഡി​യി​ലെ​ടു​ത്തു.

കു​ഞ്ഞി​നെ കാ​ർ​ഡ്ബോ​ർ​ഡ് പെ​ട്ടി​യി​ൽ ഒ​ളി​പ്പി​ച്ച് കൊ​ണ്ടു​വ​ന്നാണ് പു​ഴ​യി​ൽ എ​റി​ഞ്ഞ് കൊ​ല​പ്പെ​ടു​ത്തി​യ​ത്. പോ​ലീ​സ് ന​ട​ത്തി​യ തെ​ര​ച്ചി​ലി​നൊ​ടു​വി​ൽ വെ​ള്ളി​യാ​ഴ്ച രാ​വി​ലെ​യാ​ണ് കു​ഞ്ഞി​ന്‍റെ മൃ​ത​ദേ​ഹം ക​ണ്ടെ​ടു​ത്ത​ത്.

സം​ഭ​വ​ത്തെ​ക്കു​റി​ച്ച് പോ​ലീ​സ് പ​റ​യു​ന്ന​ത് ഇ​ങ്ങ​നെ. പ​ന​വൂ​ർ സ്വ​ദേ​ശി​യാ​യ സ്ത്രീ​യു​മാ​യി ഉ​ണ്ണി​കൃ​ഷ്ണ​ൻ അ​ടു​പ്പ​ത്തി​ലാ​യി​രു​ന്നു. ഉ​ണ്ണി​കൃ​ഷ്ണ​ൻ പി​ന്നീ​ട് വി​വാ​ഹ വാ​ഗ്ദാ​ന​ത്തി​ൽ​നി​ന്നു പി​ന്മാ​റി​യ​തോ​ടെ യു​വ​തി പോ​ലീ​സി​ൽ പ​രാ​തി ന​ൽ​കി.

പി​ന്നീ​ട് പോ​ലീ​സി​ന്‍റെ മ​ധ്യ​സ്ഥ​ത​യി​ൽ വി​വാ​ഹം ക​ഴി​ക്കാ​മെ​ന്ന് ഉ​ണ്ണി​കൃ​ഷ്ണ​ൻ ഉ​റ​പ്പു ന​ൽ​കി​യ​തോ​ടെ യു​വ​തി പ​രാ​തി പി​ൻ​വ​ലി​ച്ചു. തു​ട​ർ​ന്ന് ഇ​വ​ർ വി​വാ​ഹം ക​ഴി​ക്കാ​തെ ത​ന്നെ ഒ​ന്നി​ച്ചു താ​മ​സി​ച്ചു​വ​രി​ക​യാ​യി​രു​ന്നു.

ക​ഴി​ഞ്ഞ മാ​സ​മാ​ണ് ഇ​വ​ർ​ക്കു പെ​ൺ​കു​ഞ്ഞ് പി​റ​ന്ന​ത്. വ്യാ​ഴാ​ഴ്ച നൂ​ലു​കെ​ട്ട് ച​ട​ങ്ങു​ക​ൾ​ക്കു ശേ​ഷം കു​ഞ്ഞി​നെ ത​ന്‍റെ അ​മ്മ​യെ കാ​ണി​ക്ക​ണ​മെ​ന്ന് ഉ​ണ്ണി​ക്കൃ​ഷ്ണ​ൻ ആ​വ​ശ്യ​പ്പെ​ട്ടു.

ഇ​തേ​ത്തു​ട​ർ​ന്നു യു​വ​തി കു​ഞ്ഞി​നെ​യു​മാ​യി ഓ​ട്ടോ​യി​ലും ഉ​ണ്ണി​ക്കൃ​ഷ്ണ​ൻ ബൈ​ക്കി​ലും തി​രു​വ​ല്ല​ത്തേ​ക്കു തി​രി​ച്ചു. വീ​ടി​നു സ​മീ​പ​മെ​ത്തി​യ​പ്പോ​ൾ കു​ട്ടി​യെ വാ​ങ്ങി ഉ​ണ്ണി​ക്കൃ​ഷ്ണ​ൻ പോ​വു​ക​യാ​യി​രു​ന്നു.

കു​ട്ടി​യെ കാ​ണാ​താ​യ​തോ​ടെ സ്ത്രീ ​പോ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു. തു​ട​ർ​ന്ന് ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി​യെ പി​ടി​കൂ​ടി​യ​ത്.

സാ​ക്ഷി മൊ​ഴി​ക​ളു​ടെ അ​ടി​സ്ഥാ​ന​ത്തി​ൽ ന​ട​ത്തി​യ അ​ന്വേ​ഷ​ണ​ത്തി​ലാ​ണ് ​കു​ട്ടി​യു​ടെ മൃ​ത​ദേ​ഹം പു​ഴ​യി​ൽ നി​ന്നും ക​ണ്ടെത്തിയത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.