പാ​ലാ​രി​വ​ട്ടം മേ​ൽ​പ്പാ​ല​ത്തി​ൽ ഗ​ർ​ഡ​റു​ക​ൾ സ്ഥാ​പി​ച്ചു തു​ട​ങ്ങി; ഗ​താ​ഗ​ത​നി​യ​ന്ത്ര​ണം
Friday, December 4, 2020 11:05 AM IST
കൊ​ച്ചി: പാ​ലാ​രി​വ​ട്ടം മേ​ൽ​പ്പാ​ല​ത്തി​ൽ പു​തി​യ ഗ​ർ​ഡ​റു​ക​ൾ സ്ഥാ​പി​ച്ചു തു​ട​ങ്ങി. വൈ​റ്റി​ല ഭാ​ഗ​ത്തേ​ക്കു​ള്ള നാ​ലു ഗ​ർ​ഡ​റു​ക​ളാ​ണു രാ​ത്രി​യി​ൽ സ്ഥാ​പി​ച്ച​ത്. ഗ​താ​ഗ​തം ഭാ​ഗി​ക​മാ​യി നി​യ​ന്ത്രി​ച്ചാ​ണു ജോ​ലി​ക​ൾ പൂ​ർ​ത്തി​യാ​ക്കി​യ​ത്.

തൂ​ണു​ക​ൾ​ക്കി​ട​യി​ലു​ള്ള ആ​റി​ൽ നാ​ലു ഗ​ർ​ഡ​റു​ക​ളാ​ണ് സ്ഥാ​പി​ച്ച​ത്. ക്രെ​യി​നു​ക​ളു​ടെ സ​ഹാ​യ​ത്തോ​ടെ പു​ല​ർ​ച്ചെ​യോ​ടെ തൂ​ണു​ക​ൾ​ക്കു മു​ക​ളി​ൽ നാ​ലു ഗ​ർ​ഡ​ർ ഉ​റ​പ്പി​ച്ചു. ഇ​വ വൈ​കാ​തെ കോ​ണ്‍​ക്രീ​റ്റ് ചെ​യ്യും. മു​റി​ച്ചു​നീ​ക്കി​യ പ​തി​നെ​ട്ടി​ൽ എ​ട്ടു പി​യ​ർ​ക്യാ​പ്പു​ക​ളു​ടെ​യും പ​ണി​ക​ൾ പൂ​ർ​ത്തി​യാ​യ​തോ​ടെ​യാ​ണ് ഇ​തി​ന് മു​ക​ളി​ലാ​യി വി​ല​ങ്ങ​നെ ഗ​ർ​ഡ​റു​ക​ൾ സ്ഥാ​പി​ച്ച് തു​ട​ങ്ങി​യ​ത്.

ഇ​തു​വ​രെ അ​ഞ്ച് തൂ​ണു​ക​ൾ കോ​ണ്‍​ക്രീ​റ്റ് ജാ​ക്ക​റ്റി​ങ് ചെ​യ്തു ബ​ല​പ്പെ​ടു​ത്തി പു​തി​യ പി​യ​ർ ക്യാ​പ്പു​ക​ൾ നി​ർ​മി​ച്ചു ക​ഴി​ഞ്ഞു. ഒ​രു സ്പാ​നി​ൽ ആ​റ് ഗ​ർ​ഡ​റു​ക​ളാ​ണു​ള്ള​ത്. 17 സ്പാ​നു​ക​ളി​ലാ​യി ആ​കെ വേ​ണ്ട​ത് 102 ഗ​ർ​ഡ​റു​ക​ളാ​ണ്. മ​ധ്യ​ഭാ​ഗ​ത്തെ സ്പാ​ൻ പ്ര​ത്യേ​ക ജാ​ക്കി ഉ​പ​യോ​ഗി​ച്ച് ഉ​യ​ർ​ത്തി നി​ർ​ത്തി പി​യ​ർ​ക്യാ​പ്പു​ക​ൾ പൊ​ളി​ച്ചു നി​ർ​മി​ക്കാ​നാ​ണു​തീ​രു​മാ​നം.

പാ​ലാ​രി​വ​ട്ട​ത്തെ പ​ഴ​യ മേ​ൽ​പ്പാ​ല​ത്തി​ന്‍റെ പു​ന​ർ​നി​ർ​മാ​ണ​ത്തി​നാ​യി ഒ​ക്ടോ​ബ​ർ എ​ട്ടി​നാ​ണ് പ​ഴ​യ ഗ​ർ​ഡ​ർ നീ​ക്കി തു​ട​ങ്ങി​യ​ത്. അ​വ​സാ​ന ഗ​ർ​ഡ​റു​ക​ളും പൊ​ളി​ച്ചു​നീ​ക്കി ഒ​രാ​ഴ്ച​ക്കു​ള്ളി​ലാ​ണ് പു​തി​യ ഗ​ർ​ഡ​റു​ക​ൾ സ്ഥാ​പി​ച്ച​ത്. ഗ​താ​ഗ​ത ത​ട​സം ഒ​ഴി​വാ​ക്കാ​ൻ രാ​ത്രി​യി​ലാ​ണു ഗ​ർ​ഡ​ർ സ്ഥാ​പി​ക്കു​ന്ന ജോ​ലി​ക​ൾ ന​ട​ക്കു​ക.

പാ​ല​ത്തി​ന്‍റെ മു​ക​ൾ​ഭാ​ഗം പൊ​ളി​ക്കു​ന്ന ജോ​ലി ക​ഴി​ഞ്ഞ ആ​ഴ്ച പൂ​ർ​ത്തി​യാ​യി​രു​ന്നു. പാ​ലം പൊ​ളി​ക്കു​ന്ന​തി​നൊ​പ്പം ഡി​എം​ആ​ർ​സി​യു​ടെ ക​ള​മ​ശേ​രി​യി​ലെ യാ​ർ​ഡി​ൽ പു​തി​യ ഗ​ർ​ഡ​റു​ക​ളു​ടെ നി​ർ​മാ​ണ​വും പു​രോ​ഗ​മി​ച്ചു വ​രി​ക​യാ​ണ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.