വ​കു​പ്പു​വി​ഭ​ജ​ന​ത്തി​ൽ മ​ന്ത്രി​മാ​ർ​ക്ക് അ​തൃ​പ്തി; വീ​ണ്ടും പു​ക​ഞ്ഞ് ക​ര്‍​ണാ​ട​ക രാ​ഷ്ട്രീ​യം
Friday, January 22, 2021 2:49 AM IST
ബം​ഗ​ളൂ​രു: ക​ര്‍​ണാ​ട​ക​യി​ല്‍ ബി.​എ​സ്. യെ​ദി‌​യൂ​ര​പ്പ നേ​തൃ​ത്വം ന​ല്‍​കു​ന്ന മ​ന്ത്രി​സ​ഭ വി​ക​സി​പ്പി​ച്ച​തി​നു തൊ​ട്ടു​പി​ന്നാ​ലെ ബി​ജെ​പി പാ​ള​യ​ത്തി​ല്‍ പ​ട​പു​റ​പ്പാ​ട്. പു​തു​താ​യി ഉ​ൾ​പ്പെ​ടു​ത്തി​യ ഏ​ഴു മ​ന്ത്രി​മാ​ർ​ക്കു വ​കു​പ്പു​ക​ൾ ന​ല്കി‌‌​യ​തി​നു പി​ന്നാ​ലെ​യാ​ണ് വ​കു​പ്പു വി​ഭ​ജ​ന​ത്തി​ൽ അ​തൃ​പ്തി​യു​മാ​യി ഏ​താ​നും മ​ന്ത്രി​മാ​ർ രം​ഗ​ത്തെ​ത്തി​യ​ത്.

നി​യ​മ​മ​ന്ത്രി​സ്ഥാ​നം ഉ​ൾ​പ്പെ​ടെ മൂ​ന്നു വ​കു​പ്പു​ക​ൾ ന​ഷ്ട​മാ​യ ജെ.​സി. മ​ധു​സ്വാ​മി വ്യാ​ഴാ​ഴ്ച തു​മ​കു​രു​വി​ൽ മു​ഖ്യ​മ​ന്ത്രി പ​ങ്കെ​ടു​ത്ത ച​ട​ങ്ങി​ൽ​നി​ന്നു വി​ട്ടു​നി​ന്നു. കോ​ൺ​ഗ്ര​സ് വി​ട്ടു ബി​ജെ​പി​യി​ലെ​ത്തി​യ മ​ന്ത്രി​മാ​രാ​യ നാ​ഗ​രാ​ജ്, കെ. ​ഗോ​പാ​ല​യ്യ, കെ.​സി. നാ​രാ​യ​ണ ഗൗ​ഡ എ​ന്നി​വ​ർ ആ​രോ​ഗ്യ​മ​ന്ത്രി കെ. ​സു​ധാ​ക​റി​ന്‍റെ വ​സ​തി​യി​ൽ കൂ​ടി​ക്കാ​ഴ്ച ന​ട​ത്തി.

എ​ക്സൈ​സ് വ​കു​പ്പ് ത​നി​ക്കു വേ​ണ്ടെ​ന്ന് എം.​ടി.​ബി നാ​ഗ​രാ​ജ് മാ​ധ്യ​മ​ങ്ങ​ളോ​ട് പ​റ​ഞ്ഞു. അ​തേ​സ​മ​യം, അ​തൃ​പ്തി​യു​ള്ള മ​ന്ത്രി​മാ​രെ അ​നു​ന​യി​പ്പി​ക്കാ​ൻ ആ​ഭ്യ​ന്ത​ര മ​ന്ത്രി ബ​സ​വ​രാ​ജ് ബൊ​മ്മെ​യെ​യും റ​വ​ന്യു മ​ന്ത്രി ആ​ർ. അ​ശോ​ക​യെ​യും മു​ഖ്യ​മ​ന്ത്രി യെ​ദി​യൂ​ര​പ്പ ചു​മ​ത​ല​പ്പെ​ടു​ത്തി.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
-------