മേ​പ്പാ​ടി​യി​ൽ മു​ഴു​വ​ൻ റി​സോ​ർ​ട്ടു​ക​ൾ​ക്കും സ്റ്റോ​പ്പ് മെ​മ്മോ
Monday, January 25, 2021 12:28 PM IST
വ​യ​നാ​ട്: മേ​പ്പാ​ടി പ​ഞ്ചാ​യ​ത്തി​ലെ മു​ഴു​വ​ൻ റി​സോ​ർ​ട്ടു​ക​ൾ​ക്കും ഹോം ​സ്റ്റേ​ക​ൾ​ക്കും സ്റ്റോ​പ്പ് മെ​മ്മോ ന​ൽ​കാ​ൻ പ​ഞ്ചാ​യ​ത്ത് തീ​രു​മാ​നി​ച്ചു. ഇ​ന്ന് ചേ​ർ​ന്ന അ​ടി​യ​ന്ത​ര പ​ഞ്ചാ​യ​ത്ത് സ​മി​തി യോ​ഗ​മാ​ണ് ഇ​ക്കാ​ര്യ​ത്തി​ൽ തീ​രു​മാ​ന​മെ​ടു​ത്ത​ത്.

പ​രി​ശോ​ധ​ന​ക​ൾ​ക്ക് ശേ​ഷം അ​നു​മ​തി​യു​ള്ള റി​സോ​ർ​ട്ടു​ക​ൾ​ക്കും ഹോം ​സ്റ്റേ​ക​ൾ​ക്കും തു​റ​ന്നു പ്ര​വ​ർ​ത്തി​ക്കാ​ൻ അ​നു​വാ​ദം ന​ൽ​കാ​നും പ​ഞ്ചാ​യ​ത്ത് ഭ​ര​ണ​സ​മി​തി തീ​രു​മാ​നി​ച്ചു.

ക​ഴി​ഞ്ഞ ദി​വ​സം മേ​പ്പാ​ടി​യി​ലെ ഒ​രു റി​സോ​ർ​ട്ട് പ​രി​സ​ര​ത്ത് വി​നോ​ദ​സ​ഞ്ചാ​രി ആ​ന​യു​ടെ ച​വി​ട്ടേ​റ്റ് മ​രി​ച്ച സം​ഭ​വ​ത്തി​ന് പി​ന്നാ​ലെ​യാ​ണ് ന​ട​പ​ടി. ക​ണ്ണൂ​ര്‍ ചെ​ലേ​രി ക​ല്ല​റ​പു​ര​യി​ല്‍ ഷ​ഹാ​ന​യാ​ണ് (26) മ​രി​ച്ച​ത്.

മേ​പ്പാ​ടി എ​ള​മ്പി​ലേ​രി​യി​ലെ സ്വ​കാ​ര്യ റി​സോ​ര്‍​ട്ടി​ന​ടു​ത്ത് പു​ഴ​യോ​ര​ത്തു​ള്ള ടെ​ന്‍റി​നു പു​റ​ത്തു വി​ശ്ര​മി​ക്കു​ന്ന​തി​നി​ടെ കാ​ട്ടാ​ന​യു​ടെ ആ​ക്ര​മ​ണം ഉ​ണ്ടാ​യ​ത്.

പ​രി​സ​ര​ത്തു​ണ്ടാ​യി​രു​ന്ന​വ​ര്‍ ഒ​ച്ച​യി​ട്ടു ആ​ന​യെ അ​ക​റ്റി ഷ​ഹാ​ന​യെ മേ​പ്പാ​ടി അ​ര​പ്പ​റ്റ​യി​ലെ സ്വ​കാ​ര്യ മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​രു​ന്നി​ല്ല. ആ​ന​യു​ടെ ച​വി​ട്ട് യു​വ​തി​യു​ടെ നെ​ഞ്ചി​നേ​റ്റ​താ​യി​രു​ന്നു മ​ര​ണ​കാ​ര​ണം.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
-------