ന്യൂഡൽഹി: രാജ്യത്ത് കോവിഡ് രോഗികളുടെ എണ്ണം കുത്തനേ കുറയുന്നു. കഴിഞ്ഞ 24 മണിക്കൂറിനിടെ 11,666 പേർക്കാണ് രോഗം ബാധിച്ചത്. രാജ്യത്തെ നിലവിലെ കോവിഡ് ബാധിതരുടെ എണ്ണം 1,73,740 ആണ്.
ഏറ്റവുമധികം രോഗികൾ കേരളം, മഹാരാഷ്ട്ര, കർണാടകം, ഉത്തർപ്രദേശ്, ബംഗാൾ എന്നീ സംസ്ഥാനങ്ങളിലാണ്. 24 മണിക്കൂറിനുള്ളിൽ 14,301 പേർ രോഗമുക്തരായി. പുതിയതായി 123 മരണങ്ങൾ കൂടി റിപ്പോർട്ട് ചെയ്തതോടെ ആകെ മരണം 1,53,847 ആയി. ഇതുവരെ 1,07,01,193 പേരാണ് രാജ്യത്താകെ കോവിഡ് പോസിറ്റീവ് ആയത്. രോഗം ഭേദമായവരുടെ ആകെ എണ്ണം 1,03,73,606 ആയി.
രാജ്യത്ത് ഈ മാസം 16 മുതൽ ബുധനാഴ്ച വരെ 23,55,979 പേർ കോവിഡ് പ്രതിരോധകുത്തിവയ്പ്പെടുത്തെന്ന് കേന്ദ്ര ആരോഗ്യമന്ത്രാലയം. ഇതുവരെ 19,43,38,773 സാമ്പിളുകൾ പരിശോധിച്ചത്. ബുധനാഴ്ച മാത്രം 7,25,653 സാമ്പിളുകൾ പരിശോധിച്ചതായും ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐസിഎംആർ) അറിയിച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.