ഒ​രാ​ഴ്ച​യാ​യി കോ​വി​ഡ് ബാ​ധി​ക്കാ​തെ 147 ജി​ല്ല​ക​ൾ; 70 ശ​ത​മാ​നം കേ​സു​ക​ളും കേ​ര​ള​ത്തി​ലും മ​ഹാ​രാ​ഷ്ട്ര​യി​ലും
Thursday, January 28, 2021 10:25 AM IST
ന്യൂ​ഡ​ൽ​ഹി: രാ​ജ്യ​ത്തെ കോ​വി​ഡ് കേ​സു​ക​ളി​ൽ 70 ശ​ത​മാ​ന​വും റി​പ്പോ​ർ​ട്ട് ചെ​യ്യു​ന്ന​ത് കേ​ര​ള​ത്തി​ലും മ​ഹാ​രാ​ഷ്ട്ര​യി​ലു​മാ​ണെ​ന്ന് കേ​ന്ദ്ര​ആ​രോ​ഗ്യ​മ​ന്ത്രി ഡോ. ​ഹ​ർ​ഷ വ​ർ​ധ​ൻ. ജ​നി​ത​ക മാ​റ്റം വ​ന്ന യു​കെ കോ​വി​ഡ് വൈ​റ​സ് ഇ​തു​വ​രെ 153 പേ​ർ​ക്ക് സ്ഥി​രീ​ക​രി​ച്ച​താ​യും അ​ദ്ദേ​ഹം അ​റി​യി​ച്ചു.

രാ​ജ്യ​ത്തെ 147 ജി​ല്ല​ക​ളി​ൽ ക​ഴി​ഞ്ഞ ഏ​ഴു ദി​വ​സ​മാ​യി ഒ​രു കോ​വി​ഡ് കേ​സ് പോ​ലും റി​പ്പോ​ർ​ട്ട് ചെ​യ്തി​ട്ടി​ല്ല. ര​ണ്ടാ​ഴ്ച​യാ​യി 18 ജി​ല്ല​ക​ൾ കോ​വി​ഡ് മു​ക്ത​മാ​ണ്. ക​ഴി​ഞ്ഞ 21 ദി​വ​സ​മാ​യി ആ​റു ജി​ല്ല​ക​ളി​ലും ക​ഴി​ഞ്ഞ 28 ദി​വ​സ​മാ​യി 21 ജി​ല്ല​ക​ളി​ലും ഒ​രാ​ൾ​ക്ക് പോ​ലും കോ​വി​ഡ് ബാ​ധി​ച്ചി​ട്ടി​ല്ലെ​ന്നും ആ​രോ​ഗ്യ​മ​ന്ത്രി പ​റ​ഞ്ഞു.

രാ​ജ്യ​ത്ത് ക​ഴി​ഞ്ഞ 24 മ​ണി​ക്കൂ​റി​നി​ടെ 11,666 പേ​ർ​ക്കാ​ണ് രോ​ഗം ബാ​ധി​ച്ച​ത്. രാ​ജ്യ​ത്തെ നി​ല​വി​ലെ കോ​വി​ഡ് ബാ​ധി​ത​രു​ടെ എ​ണ്ണം 1,73,740 ആ​ണ്. 24 മ​ണി​ക്കൂ​റി​നു​ള്ളി​ൽ 14,301 പേ​ർ രോ​ഗ​മു​ക്ത​രാ​യി.

പു​തി​യ​താ​യി 123 മ​ര​ണ​ങ്ങ​ൾ കൂ​ടി റി​പ്പോ​ർ​ട്ട് ചെ​യ്ത​തോ​ടെ ആ​കെ മ​ര​ണം 1,53,847 ആ​യി. ഇ​തു​വ​രെ 1,07,01,193 പേ​രാ​ണ് രാ​ജ്യ​ത്താ​കെ കോ​വി​ഡ് പോ​സി​റ്റീ​വ് ആ​യ​ത്. രോ​ഗം ഭേ​ദ​മാ​യ​വ​രു​ടെ ആ​കെ എ​ണ്ണം 1,03,73,606 ആ​യി.

രാ​ജ്യ​ത്ത് ഈ ​മാ​സം 16 മു​ത​ൽ ബു​ധ​നാ​ഴ്ച വ​രെ 23,55,979 പേ​ർ കോ​വി​ഡ് പ്ര​തി​രോ​ധ​കു​ത്തി​വ​യ്പ്പെ​ടു​ത്തു. ഇ​തു​വ​രെ 19,43,38,773 സാ​മ്പി​ളു​ക​ൾ പ​രി​ശോ​ധി​ച്ച​ത്. ബു​ധ​നാ​ഴ്ച മാ​ത്രം 7,25,653 സാ​മ്പി​ളു​ക​ൾ പ​രി​ശോ​ധി​ച്ച​താ​യും ഐ​സി​എം​ആ​ർ അ​റി​യി​ച്ചു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
-------